വീണ്ടുമൊരു ഓഹരി കുംഭകോണം; സുചേത ദലാലിന്‍റെ പുതിയ ട്വീറ്റ്​ ലക്ഷ്യം വെക്കുന്നത് ആരെ?

മുംബൈ: ഇന്ത്യൻ സാമ്പത്തിക വിദഗ്​ധരെ ആശയക്കുഴപ്പത്തിലാക്കി സാമ്പത്തികകാര്യ മാധ്യമപ്രവർത്തക സുചേത ദലാൽ ഒരു ട്വീറ്റ്​ ചെയ്​തിരുന്നു. ഓഹരിവിപണി പുതിയൊരു തട്ടിപ്പിന്​ വേദിയാകു​ന്നുവെന്നായിരുന്നു സുചേതയുടെ ട്വീറ്റ്​. ഒരു കോർപറേറ്റ്​ സ്​ഥാപനത്തിന്‍റെ പേരോ മറ്റു സൂചനകളോ നൽകാതെയായിരുന്നു സുചേതയുടെ ട്വീറ്റ്​. എന്നാൽ, ട്വീറ്റിന്​ പിന്നാലെ സംശയമുന നീണ്ടത്​ ഗൗതം അദാനിയി​ലേക്കാണ്.

ഒരു വർഷത്തിനിടെ ഏഷ്യയിലെ രണ്ടാമത്തെ ധനികനായി ഗൗതം അദാനി മാറിയിരുന്നു. ഗൗതം അദാനിയുടെ നിയന്ത്രണത്തിലുള്ള കമ്പനികളുടെ ഓഹരി വില ഇരട്ടിയിലധികം കുതിച്ചുയർന്നതാണ്​ അതിനു പിന്നാലെ പ്രധാന കാരണവും. ഈ വർഷം സമ്പത്തിൽ മൂന്നുലക്ഷം കോടി രൂപയുടെ വർധനയുമുണ്ടായി. ഇതോടെയാണ്​ സുചേതയു​െട ട്വീറ്റിന്‍റെ മുന ഗൗതം അദാനിയ​ിലേക്ക്​ നീണ്ടത്​.

'ഓഹരി വിപണി മറ്റൊരു കുംഭ​േകാണത്തിന്​ സാക്ഷിയാകുന്നു. ഓഹരി വിപണിയിലെ കൃത്രിമത്വം തെളിയിക്കാൻ പ്രയാസമാണെങ്കിലും സെബി ഈ ഓഹരികൾ ട്രാക്ക്​ ചെയ്​തുകൊണ്ടിരിക്കുന്നുണ്ട്​. ഒരു ഗ്രൂപ്പിന്‍റെ മാത്രം ഓഹരി വില കൃത്രിമമായി ഉയർത്തുന്ന ഒാപ്പറേറ്റർമാർ പ്രവർത്തിക്കുന്നു. അതും വിദേശ സ്​ഥാപനങ്ങളിലൂടെ. അതിന്‍റെ പ്രത്യേകതയെന്തെന്നാൽ 'ഒന്നും മാറുന്നില്ല' എന്നതുതന്നെയാണ്' എന്നായിരുന്നു സുചേതയുടെ ട്വീറ്റ്​.

ഏതെങ്കിലും ഗ്രൂപ്പിന്‍റെ​ പേരോ മറ്റു വിവരങ്ങളോ നൽകാതെയായിരുന്നു സ​ുചേതയുടെ ട്വീറ്റ്​. എന്നാൽ, ഒരു പ്രത്യേക സ്​ഥാപനത്തിന്‍റെ ഓഹരിവിലയിലെ കൃത്രിമത്വത്തെക്കുറിച്ച്​ അവർ നിക്ഷേപകർക്ക്​ സൂചന നൽകുകയും ചെയ്​തു. പഴയ ഓപറേറ്റർ കാരണം ഓഹരികളുടെ വില ഉയരുന്നു. ഒാഹരി ദല്ലാളായിരുന്ന ​കേതൻ പരേഖിനെപ്പോലെ ഒരാൾ ഇപ്പോഴും സജീവമാണ്​. അതിലൂടെ അദ്ദേഹത്തിന്​ താൽപര്യമുള്ള ഓഹരികളുടെ മൂല്യം ഉയർത്തുകയും ചെയ്യുന്നു. എന്നിട്ടും ഇതിൽ കൃത്രിമത്വം ഉണ്ടോ ഇല്ല​േയാ എന്നു തെളിയിക്കാൻ ആർക്കും കഴിയുന്നില്ലെന്നുമാണ്​ സുചേതയുടെ ട്വീറ്റിന്‍റെ സാരാംശം.

സുചേതയുടെ ട്വീറ്റ്​ അദാനിയെ ലക്ഷ്യം വെച്ചുള്ളതാണെന്ന്​ വ്യക്തമാക്കി നിരവധി വിദഗ്​ധർ രംഗത്തെത്തിയിരുന്നു. അതിനുകാരണം അദാനി ഗ്രൂപ്പിന്‍റെ കഴിഞ്ഞ വർഷത്തെ വളർച്ചയും. അദാനിയുടെ സ്​ഥാപനങ്ങളിൽ നിക്ഷേപം നടത്തുന്നവർക്കുള്ള മുന്നറിയിപ്പാണ്​ സുചേത നൽകിയതെന്നാണ്​ ചിലരുടെ വാദം. എന്നാൽ, ആരോപണം തെളിയിക്കാൻ തക്ക തെളിവുകളില്ലാത്തതിനാൽ കുംഭകോണം തെളിയിക്കാൻ കഴിയാതെ വരികയും ചെയ്യും.

ഓഹരിവിപണിയിലെ ഹർഷത്ത്​ മേത്ത കുംഭകോണം ഉൾപ്പെടെ പൊതു സമൂഹത്തിലെത്തിച്ചത്​ സുചേത ദലാൽ ആയതുകൊണ്ടുതന്നെ നിക്ഷേപകരെ കടുത്ത പ്രതിസന്ധിയിലാക്കിയിട്ടുണ്ട്​ ഈ ട്വീറ്റ്​.

അദാനി ഗ്രൂപ്പ്​ കമ്പനികളിൽ 43,500 കോടി രൂപയുടെ ഓഹരികളുള്ള മൂന്ന്​ വിദേശ ഫണ്ടുകളുടെ അക്കൗണ്ടുകൾ എൻ.എസ്​.ഡി.എൽ മരവിപ്പിച്ചിരുന്നു. അൽബുല ഇൻവെസ്റ്റ്​മെന്‍റ്​ ഫണ്ട്​, ക്രെസ്റ്റ ഫണ്ട്​, എ.പി.എം.എസ്​ ഇൻവെസ്റ്റ്​മെന്‍റ്​ ഫണ്ട്​ എന്നിവയാണ്​ മരവിപ്പിച്ചവ. ഇതോടെ ഇവരുടെ കൈവശമുള്ള പഴയ ഓഹരികൾ വിൽക്കാനോ, പുതിയ ഓഹരികൾ ഇവർക്ക്​ വാങ്ങാനോ സാധിക്കില്ല. മൂന്നു ഫണ്ടുകളുടെയും പ്രവർത്തനം മൗറീഷ്യസിലാണ്​. വിദേശ നിക്ഷേപകരായി സെബിയിൽ രജിസ്റ്റർ ചെയ്​തവയാണ്​ മൂന്നുമെന്നും അദാനി ഗ്രൂപ്പ്​ പുറത്തിറക്കിയ പ്രസ്​താവനയിൽ പറഞ്ഞിരുന്നു. അദാനി എന്‍റർപ്രൈസസിൽ 6.82 ശതമാനം അദാനി ട്രാൻസ്​മിഷനിൽ 8.03 ശതമാനം, അദാനി ടോട്ടൽ ഗ്യാസിൽ 5.92 ശതമാനം, അദാനി ഗ്രീനിൽ 3.58 ശതമാനം ഒാഹരികളാണ്​ ഇവ മൂന്നും കൈവശം വെച്ചിരിക്കുന്നത്​.

സുചേതയുടെ ട്വീറ്റിന്​ പിന്നാലെ ഓഹരി വിപണിയിൽ അദാനി ഗ്രൂപ്പിന്​ വലിയ ഇടിവ്​ രേഖപ്പെടുത്തി. നിക്ഷേപകർക്കിടയിൽ ആശങ്ക പടർന്നതോടെ അദാനി സ്​ഥാപനങ്ങളുടെ ഓഹരികൾ നിക്ഷേപകർ വിറ്റഴിക്കുകയായിരുന്നു.

7670 കോടി ഡോളറിൽ അധികമാണ്​ അദാനിയുടെ മൊത്തം ആസ്​തി. ഒരു വർഷത്തിനിടെ അദാനി ടോട്ടൽ ഗ്യാസ്​ ലിമിറ്റഡിന്‍റെ ഓഹരിവിലയിൽ 330 ശതമാനമാണ്​ വർധന. അദാനി ട്രാൻസ്​മിഷൻ ലിമിറ്റഡിൽ 263 ശതമാനവും അദാനി എന്‍റർപ്രൈസസിൽ 235 ശതമാനവും വർധനയുണ്ടായി. അദാനിയുടെ ഉടമസ്​ഥതയിലുള്ള കമ്പനികളുടെ ഓഹരി മൂല്യത്തിൽ ഒരു വർഷത്തിനുള്ളിൽ ഇരട്ടി വർധനയാണ്​ രേഖപ്പെടുത്തത്​. അതേസമയം, അംബാനിയുടേതിൽ 3.6 ശതമാനം ഇടിവ്​ രേഖപ്പെടുത്തുകയായിരുന്നു. മൗറീഷ്യസ്​ കമ്പനികളുടെ നിക്ഷേപമാണ്​ അദാനി കമ്പനികളുടെ ഓഹരിവില കുതിച്ചുയരാൻ കാരണമെന്ന​ വിലയിരുത്തലുകളുണ്ടായിരുന്നു.

ഈ വർഷ​ം അംബാനിയുടെ ആസ്​തി ഇത്തിരി പിറകോട്ടുപോയപ്പോൾ അദാനി ചരിത്ര കുതിപ്പുമായി 6650 കോടി ഡോളർ (4,85,558 കോടി രൂപ) ആയി ഉയർത്തിയാണ്​ രണ്ടാമതുണ്ടായിരുന്ന ചൈനീസ്​ വ്യവസായി ഷാങ്​ ഷാൻഷനെ മറികടന്നത്​. കോവിഡ്​ രാജ്യ​ത്തെ കനത്ത സാമ്പത്തിക പ്രതിസന്ധിയിലാക്കിയ ഘട്ടത്തിൽ അദാനിയുടെ ആസ്​തി 3270 കോടി ഡോളറാണ്​ ഒറ്റ വർഷത്തിനിടെ കൂടിയത്​.

കഴിഞ്ഞ ഫെബ്രുവരി വരെ ഷാങ്​ ഷാൻഷൻ ആയിരുന്നു ഏഷ്യയിലെ ഏറ്റവും വലിയ സമ്പന്നൻ. ഫെബ്രുവരിയോടെ പദവി ഏറ്റെടുത്ത അംബാനിയുടെ സമ്പാദ്യം 7650 കോടി ഡോളർ (5,58,576 കോടി രൂപ) ആണ്​. ആഗോള അതിസമ്പന്നരുടെ പട്ടികയിൽ 13ാമതാണ്​ അംബാനി. പുതിയ പട്ടിക പ്രകാരം തൊട്ടുപിറകിൽ 14ാമനായി അദാനിയുമുണ്ട്​.

കുടിവെള്ള, ഫാർമ വ്യവസായ ഭീമനാണ്​ ചൈനീസ്​ വ്യവസായിയായ സോങ്​. വാൻറയ്​ ബയോളജിക്കൽ ഫാർമസി എൻറർപ്രൈസസ്​ ആണ്​​ അദ്ദേഹത്തി​െൻറ കമ്പനി. കോവിഡ്​ കിറ്റ്​ നിർമാണ രംഗത്തെ നേട്ടങ്ങൾ കമ്പനിക്ക്​ തുണയായിരുന്നു.

ചരക്കു വ്യാപാരിയായി വ്യവസായ രംഗത്തെത്തിയ അദാനിക്ക്​ നിലവിൽ തുറമുഖങ്ങൾ, വിമാനത്താവളങ്ങൾ, ഊർജം, പ്രകൃതി വിഭവങ്ങൾ, ലൊജിസ്​റ്റിക്​സ്​, കാർഷിക വ്യവസായം, റിയൽ എസ്​റ്റേറ്റ്​, ​സാമ്പത്തിക സേവനങ്ങൾ, വാതക വിതരണം, പ്രതിരോധം തുടങ്ങി വിവിധ മേഖലകളിൽ സാന്നിധ്യമുണ്ട്​. അദാനി ഗ്രീൻ, അദാനി എൻറർപ്രൈസസ്​, അദാനി ഗ്യാസ്​, അദാനി ട്രാൻസ്​മിഷൻ തുടങ്ങിയവയുടെ ഓഹരികളാണ്​ കുതിച്ചത്​. അദാനി ടോട്ടൽ ഗ്യാസ്​ ഓഹരികൾക്ക ്​ 12 ഇരട്ടിയാണ്​ വില കൂടിയത്​. അദാനി എൻറർപ്രൈസസ്​, അദാനി ട്രാൻസ്​മിഷൻ എന്നിവക്ക്​​ എട്ടിരട്ടിയും വില കൂടി.