ജമ്മുകശ്​മീരിൽ 10 സ്ഥലങ്ങളിൽ എൻ.ഐ.എ റെയ്​ഡ്​; അഞ്ച്​ പേർ കസ്റ്റഡിയിൽ

ശ്രീനഗർ: ജമ്മുകശ്​മീരിൽ മൂന്ന്​ തീവ്രവാദികൾ കൊല്ലപ്പെട്ടതിന്​ പിന്നാലെ 10 സ്ഥലങ്ങളിൽ എൻ.ഐ.എ റെയ്​ഡ്​. എൻ.ഐ.എ, സി.ആർ.പി.എഫ്​, ജമ്മുകശ്​മീർ പൊലീസ്​ എന്നിവർ സംയുക്​തമായാണ്​ റെയ്​ഡ്​ നടത്തിയത്​.

അഞ്ച്​ പേരെ എൻ.ഐ.എ കസ്റ്റഡിയിലെടുത്തിട്ടുണ്ട്​. ഐ.​എസ്​.ഐ.എസുമായി ബന്ധമുള്ളവരെയാണ്​ കസ്റ്റഡിയിലെടുത്തതെന്നും എൻ.ഐ.എ അറിയിച്ചു. തീവ്രവാദ ബന്ധ​മുണ്ടെന്ന്​ സംശയിക്കുന്ന മാസികയുടെ ഓഫീസിലും ​​റെയ്​ഡ്​ നടന്നുവെന്ന്​ ഏജൻസി വ്യക്​തമാക്കി.

അഫ്​ഗാനിസ്​താൻ, ബംഗ്ലാദേശ്​, ശ്രീലങ്ക, മാലിദ്വീപ്​ എന്നിവിടങ്ങളിൽ മാസിക പ്രസിദ്ധീകരിക്കുന്നുണ്ടെന്നും ഇന്ത്യയിൽ ഇതുവരെ 17 എഡിഷനുകൾ പുറത്തിറക്കിയെന്നും എൻ.ഐ.എ അറിയിച്ചു.