ഇസ്രായേൽ തെരഞ്ഞെടുപ്പ് ‘അട്ടിമറി’ സംഘം ഇന്ത്യയിലും ഇടപെട്ടു

ല​ണ്ട​ൻ: ഇ​ന്ത്യ​യ​ട​ക്കം 30ലേ​റെ രാ​ജ്യ​ങ്ങ​ളി​ൽ ജ​നാ​ധി​പ​ത്യ​ത്തെ അ​സ്ഥി​ര​​പ്പെ​ടു​ത്താ​നും തെ​ര​ഞ്ഞെ​ടു​പ്പു​ക​ൾ അ​ട്ടി​മ​റി​ക്കാ​നും ഇ​സ്രാ​യേ​ൽ സം​ഘം ശ്ര​മി​ച്ച​താ​യി വെ​ളി​പ്പെ​ടു​ത്ത​ൽ. അ​മേ​രി​ക്ക, കാ​ന​ഡ, യു.​കെ, ജ​ർ​മ​നി, സ്വി​റ്റ്സ​ർ​ല​ൻ​ഡ്, മെ​ക്സി​കോ, സെ​ന​ഗാ​ൾ തു​ട​ങ്ങി​യ രാ​ജ്യ​ങ്ങ​ളി​ലും ‘ടീം ​ജോ​ർ​ജ്’ സം​ഘം ​തെ​ര​ഞ്ഞെ​ടു​പ്പു​ക​ളി​ൽ അ​ട​ക്കം ഇ​ട​പെ​ട്ട​താ​യി 30 മാ​ധ്യ​മ​പ്ര​വ​ർ​ത്ത​ക​ർ ന​ട​ത്തി​യ സം​യു​ക്താ​ന്വേ​ഷ​ണ​ത്തി​ൽ ബോ​ധ്യ​പ്പെ​ട്ടു.

33 രാ​ജ്യ​ങ്ങ​ളി​ലെ ജ​നാ​ധി​പ​ത്യ- തെ​ര​ഞ്ഞെ​ടു​പ്പ് പ്ര​ക്രി​യ​യി​ൽ ഇ​ട​പെ​ട്ട​തി​ൽ 27 ഇ​ട​ത്തും വി​ജ​യം ക​ണ്ട​താ​യും ഇ​സ്രാ​യേ​ൽ സ്ഥാ​പ​നം അ​വ​കാ​ശ​പ്പെ​ട്ടു. വ്യാ​ജ സ​മൂ​ഹ മാ​ധ്യ​മ അ​ക്കൗ​ണ്ടു​ക​ൾ സൃ​ഷ്ടി​ച്ചും ഹാ​ക്ക് ചെ​യ്തും വ്യാ​ജ വാർത്തകളുണ്ടാക്കി പ്രചരിപ്പിച്ചും തെ​ര​ഞ്ഞെ​ടു​പ്പു​ക​ൾ അ​ട്ടി​മ​റി​ച്ച​തി​ന്റെ വി​വ​ര​ങ്ങ​ളാ​ണ് പ്ര​മു​ഖ ബ്രി​ട്ടീ​ഷ് പ​ത്ര​മാ​യ ‘ദ ​ഗാ​ർ​ഡി​യ​ൻ’ അ​ട​ക്കം പു​റ​ത്തു​വി​ട്ട റി​പ്പോ​ർ​ട്ടി​ലു​ള്ള​ത്.

ഇ​സ്രാ​യേ​ൽ പ്ര​ത്യേ​ക സേ​നാം​ഗ​മാ​യി​രു​ന്ന 50കാ​ര​ൻ താ​ൽ ഹാ​ന​ന്റെ നേ​തൃ​ത്വ​ത്തി​ൽ ‘ടീം ​ജോ​ർ​ജ്’ എ​ന്ന പേ​രി​ലാ​ണ് പ്ര​വ​ർ​ത്ത​നം. ര​ണ്ടു പ​തി​റ്റാ​ണ്ടാ​യി തെ​ര​ഞ്ഞെ​ടു​പ്പ് പ്ര​ചാ​ര​ണ​വും ഫ​ല​വും ​നി​യ​ന്ത്രി​ച്ച് നി​ഗൂ​ഢ സാ​ന്നി​ധ്യ​മാ​ണെ​ന്ന് റി​പ്പോ​ർ​ട്ട് പ​റ​യു​ന്നു. ര​ഹ​സ്യാ​ന്വേ​ഷ​ണ വി​ഭാ​ഗ​ങ്ങ​ൾ, സ്വ​കാ​ര്യ ക​മ്പ​നി​ക​ൾ എ​ന്നി​വ​ക്കും സേ​വ​നം ന​ൽ​കാ​റു​ണ്ടെ​ന്ന് ഹാ​ന​ൻ പ​റ​ഞ്ഞു.

മാ​ധ്യ​മ​പ്ര​വ​ർ​ത്ത​ന​ത്തി​നി​ടെ കൊ​ല്ല​പ്പെ​ടു​ക​യോ ഭീ​ഷ​ണി​യി​ൽ മൗ​നി​ക​ളാ​ക്കു​ക​യോ ജ​യി​ലി​ലാ​കു​​ക​യോ ചെ​യ്ത മാ​ധ്യ​മ​പ്ര​വ​ർ​ത്ത​ക​രു​ടെ ദൗ​ത്യം മു​ന്നോ​ട്ടു​കൊ​ണ്ടു​പോ​കു​ക​യെ​ന്ന ല​ക്ഷ്യ​ത്തോ​ടെ പ്ര​വ​ർ​ത്തി​ക്കു​ന്ന ‘ഫോ​ർ​ബി​ഡ​ൻ സ്റ്റോ​റീ​സ്’ എ​ന്ന കൂ​ട്ടാ​യ്മ​യാ​ണ് അ​ന്വേ​ഷ​ണം ന​ട​ത്തി​യ​ത്. 2017ൽ ​പ്ര​തി​രോ​ധ ക​രാ​റി​ന്റെ ഭാ​ഗ​മാ​യി ഇ​ന്ത്യ ഇ​സ്രാ​യേ​ലി​ൽ നി​ന്ന് ചാ​ര സോ​ഫ്റ്റ്​​വെ​യ​റാ​യ ‘പെ​ഗാ​സ​സ്’ സ്വ​ന്ത​മാ​ക്കി രാ​ഷ്ട്രീ​യ എ​തി​രാ​ളി​ക​ളെ​യും മാ​ധ്യ​മ​പ്ര​വ​ർ​ത്ത​ക​രെ​യും ആ​ക്ടി​വി​സ്റ്റു​ക​ളെ​യും നി​രീ​ക്ഷി​ച്ച വി​വ​രം പു​റ​ത്തു​വ​ന്നി​രു​ന്നു.

ആ​റു മാ​സ​ത്തെ അ​ന്വേ​ഷ​ണം; ഞെ​ട്ടി​ക്കു​ന്ന വെ​ളി​പ്പെ​ടു​ത്ത​ൽ

ആ​ഫ്രി​ക്ക​യി​ലെ തെ​ര​ഞ്ഞെ​ടു​പ്പി​ൽ ഇ​ട​പെ​ടാ​ൻ ടീം ​ജോ​ർ​ജി​ന്റെ സ​ഹാ​യം ആ​വ​ശ്യ​പ്പെ​ട്ടാ​ണ് റേ​ഡി​യോ ഫ്രാ​ൻ​സ്, ഹാ​രെ​റ്റ്സ്, ദ ​മാ​ർ​ക​ർ എ​ന്നി​വ​യി​ലെ മൂ​ന്ന് മാ​ധ്യ​മ​പ്ര​വ​ർ​ത്ത​ക​ർ ‘ടീം ​ജോ​ർ​ജി’​ൽ​നി​ന്ന് വി​വ​ര​ങ്ങ​ൾ ചോ​ർ​ത്തി​യ​ത്. 2022 ജൂ​ലൈ മു​ത​ൽ ഡി​സം​ബ​ർ വ​രെ ആ​റു​മാ​സ കാ​ല​യ​ള​വി​ലാ​യി​രു​ന്നു കൂ​ടി​ക്കാ​ഴ്ച​ക​ൾ. ഇ​സ്രാ​യേ​ലി​ലെ തെ​ൽ​അ​വീ​വി​ൽ​നി​ന്ന് 20 മൈ​ൽ അ​ക​ലെ മോ​ഡീ​നി​ൽ വ്യ​വ​സാ​യ പാ​ർ​ക്കി​ലെ ഓ​ഫി​സി​ലാ​യി​രു​ന്നു കൂ​ടി​ക്കാ​ഴ്ച. ഒ​ളി​കാ​മ​റ ഓ​പ​റേ​ഷ​നി​ലാ​ണ് ജ​നാ​ധി​പ​ത്യ​ത്തെ അ​ട്ടി​മ​റി​ക്കാ​നു​ള്ള ഇ​ട​പെ​ട​ലു​ക​ൾ വ്യ​ക്ത​മാ​യ​ത്.

അ​ഡ്വാ​ൻ​സ്ഡ് ഇം​പാ​ക്ട് മീ​ഡി​യ സൊ​ലൂ​ഷ​ൻ​സ് അ​ഥ​വാ ‘എ​യിം​സ്’ എ​ന്ന അ​ത്യാ​ധു​നി​ക സോ​ഫ്റ്റ്​​വെ​യ​ർ പാ​ക്കേ​ജാ​ണ് ഇ​വ​രു​ടെ പ്ര​ധാ​ന സേ​വ​ന മേ​ഖ​ല. ട്വി​റ്റ​ർ, ലി​ങ്ക്ഡ്ഇ​ൻ, ഫേ​സ്ബു​ക്ക്, ടെ​ലി​ഗ്രാം, ജി-​മെ​യി​ൽ, ഇ​ൻ​സ്റ്റ​ഗ്രാം, യൂ​ട്യൂ​ബ് തു​ട​ങ്ങി​യ​വ​യി​ലൊ​ക്കെ​യും ആ​യി​ര​ക്ക​ണ​ക്കി​ന് വ്യാ​ജ അ​ക്കൗ​ണ്ടു​ക​ൾ വ​ഴി​യാ​ണ് പ്ര​വ​ർ​ത്ത​നം നി​യ​ന്ത്രി​ക്കു​ക. ത​ങ്ങ​ളു​ടെ ക​ക്ഷി ഇ​ഷ്ട​പ്പെ​ടു​ന്ന വാ​ർ​ത്ത​ക​ൾ ആ​ദ്യം മാ​ധ്യ​മ​ങ്ങ​ൾ വ​ഴി പു​റ​ത്തു​വി​ടും. പി​ന്നീ​ട് ‘എ​യിം​സ്’ വ​ഴി പ​ര​മാ​വ​ധി പേ​രി​ലേ​ക്ക് എ​ത്തി​ക്കും. എ​തി​ർ​ക​ക്ഷി​ക​ളു​ടെ പ്ര​ചാ​ര​ണം അ​ട്ടി​മ​റി​ച്ചും ത​ട​സ്സ​പ്പെ​ടു​ത്തി​യും ഇ​ല്ലാ​താ​ക്കും.

പ്ര​തി​രോ​ധ ക​യ​റ്റു​മ​തി ​പ്രോ​ത്സാ​ഹി​പ്പി​ക്കാ​ൻ ല​ക്ഷ്യ​മി​ട്ട് ഇ​സ്രാ​യേ​ൽ പ്ര​തി​രോ​ധ മ​ന്ത്രാ​ല​യം ന​ട​ത്തു​ന്ന വെ​ബ്സൈ​റ്റി​നു കീ​ഴി​ൽ ര​ജി​സ്റ്റ​ർ ചെ​യ്ത ‘ഡെ​മോ​മാ​ൻ ഇ​ന്റ​ർ​നാ​ഷ​ന​ൽ’ ക​മ്പ​നി​യെ ഉ​പ​യോ​ഗ​പ്പെ​ടു​ത്തി​യും പ്ര​ചാ​ര​ണം ന​ട​ത്തി​യി​രു​ന്നു. വ്യ​ക്തി​ക​ളു​ടെ​യും ഗ്രൂ​പ്പു​ക​ളു​ടെ​യും അ​ക്കൗ​ണ്ടു​ക​ളി​ൽ നു​ഴ​ഞ്ഞു​ക​യ​റി തെ​റ്റാ​യ വി​വ​ര​ങ്ങ​ൾ പ്ര​ച​രി​പ്പി​ക്ക​ൽ സാ​ധ്യ​മ​ല്ലെ​ന്ന സ​മൂ​ഹ മാ​ധ്യ​മ ക​മ്പ​നി​ക​ളു​ടെ അ​വ​കാ​ശ​വാ​ദം പൊ​ളി​ക്കു​ന്ന​താ​ണ് ‘ടീം ​ജോ​ർ​ജി’​ന്റെ വെ​ളി​പ്പെ​ടു​ത്ത​ൽ. 60 ല​ക്ഷം മു​ത​ൽ 1.5 കോ​ടി യൂ​റോ​വ​രെ പ്ര​തി​ഫ​ലം വാ​ങ്ങി​യാ​യി​രു​ന്നു പ്ര​വ​ർ​ത്ത​നം.

2017ൽ ​കൊ​ല്ല​പ്പെ​ട്ട മാ​ധ്യ​മ​പ്ര​വ​ർ​ത്ത​ക ഗൗ​രി ല​​ങ്കേ​ഷി​ന്റെ ഓ​ർ​മ​ക​ളാ​ണ് ‘ടീം ​​ജോ​ർ​ജി’​ന്റെ ഇ​ന്ത്യ​ൻ ബ​ന്ധ​ങ്ങ​ളെ​ക്കു​റി​ച്ച അ​ന്വേ​ഷ​ണ​ത്തി​ലേ​ക്ക് എ​ത്തി​ച്ച​ത്. ‘ഇ​ൻ ദ ​ഏ​ജ് ഓ​ഫ് ഫാ​ൾ​സ് ന്യൂ​സ്’ എ​ന്ന ഗൗ​രി ല​​ങ്കേ​ഷി​ന്റെ ലേ​ഖ​ന​ത്തി​ന്റെ അ​വ​സാ​ന വ​രി​ക​ളും റി​പ്പോ​ർ​ട്ടി​ലു​ണ്ട്. ‘വ്യാ​ജ വാ​ർ​ത്ത​ക​​ളെ തു​റ​ന്നു​കാ​ട്ടു​ന്ന​വ​രെ ഞാ​ൻ അ​ഭി​ന​ന്ദി​ക്കു​ക​യും അ​ഭി​വാ​ദ്യം ചെ​യ്യു​ക​യും ചെ​യ്യു​ന്നു. ഇ​ത്ത​ര​ക്കാ​ർ കൂ​ടു​ത​ലു​ണ്ടാ​യി​രു​ന്നു​വെ​ങ്കി​ൽ എ​ന്ന് ആ​ഗ്ര​ഹി​ക്കു​ക​യും ചെ​യ്യു​ന്നു’ -ഗൗ​രി ല​​ങ്കേ​ഷ് എ​ഴു​തി. ത​ന്റെ അ​വ​സാ​ന ലേ​ഖ​ന​ത്തി​ൽ വ്യാ​ജ ഓ​ൺ​ലൈ​ൻ പ്ലാ​റ്റ്ഫോ​മു​ക​ൾ ഇ​ന്ത്യ​യി​ൽ ഏ​തു രീ​തി​യി​ലാ​ണ് വ്യാ​ജ​വാ​ർ​ത്ത​ക​ൾ പ്ര​ച​രി​പ്പി​ക്കു​ന്ന​തെ​ന്നും അ​വ​ർ ചൂ​ണ്ടി​ക്കാ​ട്ടി​യി​രു​ന്നു.