ചാ​ന്ദ്ര സ്വ​പ്ന​ങ്ങ​ളി​ലേ​ക്ക് ഇ​സ്രോ​യു​ടെ കു​തി​പ്പ്

ബം​ഗ​ളൂ​രു: ഇ​​സ്രോ​യു​ടെ ഏ​റ്റ​വും ക​രു​ത്ത​ൻ റോ​ക്ക​റ്റാ​യ എ​ൽ.​വി.​എം-3 എം 4​ന്റെ ചി​റ​കി​ലേ​റി ച​ന്ദ്ര​യാ​ൻ- മൂ​ന്ന് കു​തി​ക്കു​ന്ന​ത് ഇ​ന്ത്യ​യു​ടെ ബ​ഹി​രാ​കാ​ശ ഗ​വേ​ഷ​ണ​ത്തി​ലെ സ്വ​പ്ന​പ​ദ്ധ​തി​യി​ലേ​ക്ക്. ച​​ന്ദ്രോ​പ​രി​ത​ല​ത്തി​ൽ ലാ​ൻ​ഡ​റി​നെ ഇ​ടി​ച്ചി​റ​ക്കി​യു​ള്ള വി​ജ​യ​ക​ര​മാ​യ ഒ​ന്നാം ദൗ​ത്യ​ത്തി​നും ലാ​ൻ​ഡ​റി​നെ മൃ​ദു​വി​റ​ക്കം ന​ട​ത്താ​നു​ള്ള ശ്ര​മം പ​രാ​ജ​യ​പ്പെ​ട്ട ര​ണ്ടാം ദൗ​ത്യ​ത്തി​നും ശേ​ഷ​മാ​ണ് ക​രു​ത​ലോ​ടെ ച​ന്ദ്ര​യാ​ൻ-​മൂ​ന്നി​നെ യാ​ത്ര​യാ​ക്കു​ന്ന​ത്. ജി.​എ​സ്.​എ​ൽ.​വി മാ​ർ​ക്ക് - മൂ​ന്ന് പു​ന​ർ നാ​മ​ക​ര​ണം ചെ​യ്ത​താ​ണ് ബാ​ഹു​ബ​ലി എ​ന്ന​റി​യ​പ്പെ​ടു​ന്ന എ​ൽ.​വി.​എം- മൂ​ന്ന്.

ത​ദ്ദേ​ശീ​യ​മാ​യി വി​ക​സി​പ്പി​ച്ച 2148 കി​ലോ വ​രു​ന്ന പ്രൊ​പ​ൽ​ഷ​ൻ മൊ​ഡ്യൂ​ളും 1752 കി​ലോ വ​രു​ന്ന ലാ​ൻ​ഡ​ർ മൊ​ഡ്യൂ​ളും 26 കി​ലോ വ​രു​ന്ന റോ​വ​റു​മ​ട​ങ്ങു​ന്ന ബ​ഹി​രാ​കാ​ശ പേ​ട​ക​വു​മാ​യാ​ണ് എ​ൽ.​വി.​എം- മൂ​ന്ന് ശ്രീ​ഹ​രി​ക്കോ​ട്ട​യി​ൽ​നി​ന്ന് പു​റ​പ്പെ​ടു​ക. വി​ക്ഷേ​പ​ണ​ത്തി​ന്റെ പ​തി​നാ​റാം മി​നി​റ്റി​ൽ റോ​ക്ക​റ്റും പേ​ട​ക​വും ത​മ്മി​ൽ വേ​ർ​പെ​ടും. ഇ​തോ​ടെ പ്രൊ​പ​ൽ​ഷ​ൻ മൊ​ഡ്യൂ​ളി​ന്റെ ദൗ​ത്യം ആ​രം​ഭി​ക്കും. ലാ​ൻ​ഡ​റി​നെ​യും അ​തി​ന​ക​ത്തു​ള്ള റോ​വ​റി​നെ​യും വ​ഹി​ച്ച് പാ​ർ​ക്കി​ങ് ഓ​ർ​ബി​റ്റി​ൽ​നി​ന്ന് പേ​ട​കം നീ​ങ്ങി​ത്തു​ട​ങ്ങും.

വി​വി​ധ ഘ​ട്ട​ങ്ങ​ളി​ലൂ​ടെ ശാ​സ്ത്ര​ജ്ഞ​ർ പേ​ട​ക​ത്തി​ന്റെ ഭ്ര​മ​ണ​പ​ഥം ഉ​യ​ർ​ത്തും. പി​ന്നീ​ട് ചാ​ന്ദ്ര ഭ്ര​മ​ണ​പ​ഥ​ത്തി​ലേ​ക്ക് ക​ട​ന്ന് വി​വി​ധ ഘ​ട്ട​ങ്ങ​ളാ​യി ഭ്ര​മ​ണ​പ​ഥം താ​ഴ്ത്തും. ഒ​ടു​വി​ൽ ച​ന്ദ്ര​നി​ൽ​നി​ന്ന് കു​റ​ഞ്ഞ​ത് 30 കി​ലോ​മീ​റ്റ​റും പ​ര​മാ​വ​ധി 100 കി​ലോ​മീ​റ്റ​റും അ​ക​ലെ​യു​ള്ള ഭ്ര​മ​ണ​പ​ഥ​ത്തി​ലേ​ക്ക് ലാ​ൻ​ഡ​റി​നെ പ്രൊ​പ​ൽ​ഷ​ൻ മൊ​ഡ്യൂ​ൾ എ​ത്തി​ക്കു​ന്ന​തോ​ടെ സു​പ്ര​ധാ​ന ഘ​ട്ട​ത്തി​ലേ​ക്ക് ക​ട​ക്കു​ക​യാ​യി.

വി​ക്ഷേ​പ​ണം ക​ഴി​ഞ്ഞ് 40 നാ​ൾ പി​ന്നി​ടു​മ്പോ​ൾ ച​ന്ദ്ര​ന്റെ ഏ​റ്റ​വും അ​ടു​ത്ത ഭ്ര​മ​ണ​പ​ഥ​ത്തി​ലേ​ക്കെ​ത്തു​ന്ന ലാ​ൻ​ഡ​ർ ച​​ന്ദ്രോ​പ​രി​ത​ല​ത്തി​ൽ സൂ​ര്യ​പ്ര​കാ​ശം വീ​ഴു​ന്ന ആ​ദ്യം ദി​നം​ത​ന്നെ മൃ​ദു​വി​റ​ക്ക​ത്തി​ന് ശ്ര​മി​ക്കും. ലാ​ൻ​ഡി​ങ് വി​ജ​യ​ക​ര​മാ​യാ​ൽ പ​ര​മാ​വ​ധി ദി​വ​സം റോ​വ​റി​നെ ഗ​വേ​ഷ​ണ​ത്തി​ന് ഉ​പ​യോ​ഗ​പ്പെ​ടു​ത്തു​ക​യാ​ണ് ല​ക്ഷ്യം. ഭ്ര​മ​ണ​പ​ഥ​ത്തി​ൽ​നി​ന്ന് വെ​റും 20 മി​നി​റ്റി​നു​ള്ളി​ൽ ലാ​ൻ​ഡ​ർ ച​ന്ദ്ര​നി​ലെ ദ​ക്ഷി​ണ ധ്രു​വ​ത്തി​ലി​റ​ങ്ങും. മൃ​ദു​വി​റ​ക്കം വി​ജ​യ​ക​ര​മാ​യാ​ൽ പ​ര്യ​വേ​ക്ഷ​ണ​ത്തി​നാ​യി ലാ​ൻ​ഡ​റി​ന്റെ വാ​തി​ലു​ക​ൾ തു​റ​ന്ന് ആ​റു ച​​ക്ര​ങ്ങ​ളു​ള്ള റോ​ബോ​ട്ടി​ക് വാ​ഹ​ന​മാ​യ റോ​വ​ർ പു​റ​ത്തി​റ​ങ്ങും.

തു​ട​ർ​ന്ന് 14 ദി​വ​സം (ഒ​രു ചാ​ന്ദ്ര​ദി​നം) ച​​​ന്ദ്രോ​പ​രി​ത​ല​ത്തി​ൽ ക​റ​ങ്ങി ന​ട​ന്ന് ച​ന്ദ്ര​നി​ലെ രാ​സ​ഘ​ട​ന​യെ​ക്കു​റി​ച്ചും ജ​ലം, ടൈ​റ്റാ​നി​യം, മ​ഗ്നീ​ഷ്യം എ​ന്നി​വ​യു​ടെ സാ​ന്നി​ധ്യ​ത്തെ​ക്കു​റി​ച്ചു​മു​ള്ള വി​വ​ര​ങ്ങ​ൾ പ​രീ​ക്ഷ​ണ ഉ​പ​ക​ര​ണ​ങ്ങ​ളി​ലൂ​ടെ കൈ​മാ​റും. റോ​വ​റി​ലെ പേ​ലോ​ഡു​ക​ൾ ന​ൽ​കു​ന്ന വി​വ​ര​ങ്ങ​ൾ ലാ​ൻ​ഡ​റി​ലേ​ക്കും ലാ​ൻ​ഡ​റി​ലെ പേ​ലോ​ഡു​ക​ൾ ബം​ഗ​ളൂ​രു​വി​ലെ ഇ​ന്ത്യ​ൻ ഡീ​പ് സ്​​പേ​സ് നെ​റ്റ്‍വ​ർ​ക്ക് സെ​ന്റ​റി​ലേ​ക്കും വി​വ​ര​ങ്ങ​ൾ കൈ​മാ​റും.

ചാ​ന്ദ്ര​യാ​ൻ-​ര​ണ്ട് ദൗ​ത്യ​ത്തി​ൽ വി​ക്രം എ​ന്നു പേ​രി​ട്ട ലാ​ൻ​ഡ​റി​ന്റെ മൃ​ദു​വി​റ​ക്കം (സോ​ഫ്റ്റ് ലാ​ൻ​ഡി​ങ്) പ​രാ​ജ​യ​പ്പെ​ട്ട​ത് ഐ.​എ​സ്.​ആ​ർ.​ഒ​യു​ടെ ദൗ​ത്യ​ത്തി​ന് തി​രി​ച്ച​ടി​യാ​യി​രു​ന്നു. എ​ന്നാ​ൽ, ഇ​തി​ന്റെ ഓ​ർ​ബി​റ്റ​ർ ഇ​പ്പോ​ഴും പ്ര​വ​ർ​ത്ത​ന​ക്ഷ​മ​മാ​യ​തി​നാ​ൽ മൂ​ന്നാം ദൗ​ത്യ​ത്തി​നും ഈ ​ഓ​ർ​ബി​റ്റ​റി​ന്റെ സേ​വ​നം ഉ​പ​യോ​ഗ​പ്പെ​ടു​ത്തും.

യു.​എ​സ്, റ​ഷ്യ, ചൈ​ന എ​ന്നീ രാ​ജ്യ​ങ്ങ​ൾ മാ​ത്ര​മാ​ണ് ഇ​തു​വ​രെ ച​ന്ദ്ര​നി​ൽ മൃ​ദു​വി​റ​ക്കം ന​ട​ത്തി​യി​ട്ടു​ള്ള​ത്. ദൗ​ത്യം വി​ജ​യി​ച്ചാ​ൽ ഇ​ന്ത്യ​യു​ടെ ബ​ഹി​രാ​കാ​ശ ഗ​വേ​ഷ​ണ​രം​ഗ​ത്തെ നാ​ഴി​ക​ക്ക​ല്ലാ​യി മാ​റും.