'തമിഴ്‌നാട്ടിൽ ഇത് നടക്കില്ല'; ഹിജാബ് ധരിച്ച വോട്ടറെ തടഞ്ഞ സംഭവത്തില്‍ കനിമൊഴിയും ഉദയനിധി സ്റ്റാലിനും

ചെന്നൈ: ഹിജാബ് വിഷയത്തില്‍ ബി.ജെ.പിയെ വിമർശിച്ച് ഡി.എം.കെ എം.പി കനിമൊഴിയും തമിഴ്‌നാട് മുഖ്യമന്ത്രി എം.കെ. സ്റ്റാലിന്റെ മകനും മന്ത്രിയുമായ ഉദയനിധി സ്റ്റാലിനും. ബി.ജെ.പി ആളുകളെ തമ്മിലടിപ്പിക്കുകയാണെന്നും, സ്ത്രീകള്‍ക്ക് ഇഷ്ടമുള്ളതെന്തും ധരിക്കാനുള്ള അവകാശമുണ്ടെന്നും ആരും അതില്‍ കൈകടത്താന്‍ ശ്രമിക്കേണ്ടെന്നും കനിമൊഴി പറഞ്ഞു. തദ്ദേശസ്വയംഭരണ തെരഞ്ഞെടുപ്പില്‍ വോട്ട് ചെയ്തശേഷം മാധ്യമപ്രവര്‍ത്തകരോട് സംസാരിക്കുകയായിരുന്നു കനിമൊഴി.

'മതത്തിന്റെ പേരില്‍ ആളുകളെ തമ്മിലടിപ്പിക്കുന്നത് കഷ്ടമാണ്. എന്ത് ധരിക്കണം എന്ന് തീരുമാനിക്കാനുള്ള അവകാശം സ്ത്രീകള്‍ക്കുണ്ട്. ഇത് കൂടുതലാണോ കുറവാണോ എന്ന് തീരുമാനിക്കാന്‍ ആര്‍ക്കെങ്കിലും അവകാശമുണ്ടെന്ന് ഞാന്‍ കരുതുന്നില്ല,'-കനിമൊഴി പറയുന്നു.

ബി.ജെ.പിയുടെ ഇത്തരം നിലപാടിനോട് ഒരു തരത്തിലും യോജിക്കാന്‍സാധിക്കില്ലെന്നായിരുന്നു തമിഴ്‌നാട് മുഖ്യമന്ത്രി എം.കെ. സ്റ്റാലിന്റെ മകനും മന്ത്രിയുമായ ഉദയനിധി സ്റ്റാലിന്‍ പറഞ്ഞത്.

'എല്ലായ്‌പ്പോഴും ബി.ജെ.പി ഇതുതന്നെയാണ് ചെയ്യുന്നത്. ബി.ജെ.പിയുടെ ഇത്തരം നിലപാടിനോട് ഒരിക്കലും യോജിക്കാനാവില്ല. എന്തിനെ തള്ളണമെന്നും എന്തിനെ കൊള്ളണമെന്നും തമിഴ്‌നാട്ടിലെ ജനങ്ങള്‍ക്ക് വ്യക്തമായ ബോധ്യമുണ്ട്. തമിഴ്‌നാട്ടിലെ ജനങ്ങള്‍ ഇതൊരിക്കലും അംഗീകരിക്കില്ല,' ഉദയനിധി സ്റ്റാലിന്‍ പറയുന്നു.

ത​മി​ഴ്​​നാ​ട്​ ത​ദ്ദേ​ശ തെ​ര​ഞ്ഞെ​ടു​പ്പി​ൽ മ​ധു​ര മേ​ലൂ​രി​ലെ പോ​ളി​ങ്​ ബൂ​ത്തി​ലാണ് മു​സ്​​ലിം വ​നി​ത വോ​ട്ട​ർ​മാ​രോ​ട്​ ഹി​ജാ​ബ്​ അ​ഴി​ച്ചു​മാ​റ്റാ​ൻ ആ​വ​ശ്യ​പ്പെ​ട്ട്​ ബി.​ജെ.​പി ബൂ​ത്ത്​ ഏ​ജ​ന്‍റ്​ ബ​ഹ​ളം​വെ​ച്ച​ത്​. ഇ​തു​മൂ​ലം വോ​ട്ടെ​ടു​പ്പ്​ അ​ര മ​ണി​ക്കൂ​റോ​ളം നി​ർ​ത്തി​വെ​ച്ചു. ശ​നി​യാ​ഴ്ച സം​സ്ഥാ​ന​മൊ​ട്ടു​ക്കും ഒ​റ്റ ഘ​ട്ട​മാ​യാ​ണ്​ ​ വോ​ട്ടെ​ടു​പ്പ്​ ന​ട​ന്ന​ത്.

മ​ധു​ര മേ​ലൂ​ർ ന​ഗ​ര​സ​ഭ എ​ട്ടാം വാ​ർ​ഡി​ലെ അ​ൽ​അ​മീ​ൻ ഹ​യ​ർ സെ​ക്ക​ൻ​ഡ​റി സ്കൂ​ളി​ലെ ബൂ​ത്തി​ലാ​ണ്​ സം​ഭ​വം. ബി.​ജെ.​പി ബൂ​ത്ത്​ ഏ​ജ​ന്‍റാ​യ ഗി​രി​രാ​ജ​നാ​ണ്​ സ്ത്രീ ​വോ​ട്ട​ർ​മാ​ർ ഹി​ജാ​ബ്​ ധ​രി​ച്ചെ​ത്തു​ന്ന​തി​ൽ എ​തി​ർ​പ്പ്​ പ്ര​ക​ടി​പ്പി​ച്ച​ത്. ഹി​ജാ​ബി​ന്‍റെ മ​റ​വി​ൽ ക​ള്ള​വോ​ട്ട്​ ന​ട​ക്കാ​ൻ സാ​ധ്യ​ത​യു​ണ്ടെ​ന്നും ഇ​ദ്ദേ​ഹം ആ​രോ​പി​ച്ചു. ബൂ​ത്തി​ൽ ത​ർ​ക്കം മു​റു​കി​യ​തോ​ടെ വോ​ട്ടെ​ടു​പ്പ്​ താ​ൽ​ക്കാ​ലി​ക​മാ​യി നി​ർ​ത്തി​വെ​ച്ചു. മ​ധു​ര​യി​ലെ മു​സ്​​ലിം​ഭൂ​രി​പ​ക്ഷ പ്ര​ദേ​ശ​മാ​ണ്​ മേ​ലൂ​ർ.

മ​ത​വേ​ഷം ധ​രി​ച്ചു​വ​രു​ന്ന​തി​ൽ എ​തി​ർ​പ്പി​ല്ലെ​ന്ന്​ ബൂ​ത്തി​ലെ മ​റ്റു​ രാ​ഷ്ട്രീ​യ​ക​ക്ഷി​ക​ളു​ടെ ഏ​ജ​ന്‍റു​മാ​ർ പ​റ​ഞ്ഞ​തോ​ടെ ഗി​രി​രാ​ജ​നെ പോ​ളി​ങ്​ സ്​​റ്റേ​ഷ​ൻ അ​ധി​കൃ​ത​രും പൊ​ലീ​സും ചേ​ർ​ന്ന്​ പു​റ​ത്താ​ക്കി. ഇ​യാ​ൾ പ്ര​തി​ഷേ​ധം തു​ട​ർ​ന്ന​തോ​ടെ പൊ​ലീ​സ്​ ​ക​സ്റ്റ​ഡി​യി​ലെ​ടു​ത്തു. ​

മ​ത​വേ​ഷം ധ​രി​ച്ച്​ വോ​ട്ട്​ ചെ​യ്യാ​ൻ വ​രു​ന്ന​തി​ന്​ വി​ല​ക്കി​ല്ലെ​ന്നും മ​ധു​ര ജി​ല്ല ക​ല​ക്ട​റോ​ട്​ വി​ശ​ദീ​ക​ര​ണ​മാ​വ​ശ്യ​പ്പെ​ട്ട​താ​യും സം​സ്ഥാ​ന തെ​ര​ഞ്ഞെ​ടു​പ്പ്​ ക​മീ​ഷ​ണ​ർ പ​ള​നി​കു​മാ​ർ പറഞ്ഞിരുന്നു.