ശ്രീനഗറിൽ ഭീകരരുടെ ഗ്രനേഡ് ആക്രമണം; സിവിലിയന്മാർക്ക് പരിക്ക്

ശ്രീനഗർ: ജമ്മു കശ്മീരിലെ ശ്രീനഗറിൽ ഭീകരരുടെ ഗ്രനേഡ് ആക്രമണം. നിരവധി സിവിലിയന്മാർക്ക് പരിക്കേറ്റു. ശ്രീനഗറിലെ നിഷാദ് ഏരിയയിലാണ് ഭീകരാക്രമണം നടന്നത്. പരിക്കേറ്റവരെ ആശുപത്രിയിൽ പ്രവേശിപ്പിച്ചു.

ഞായറാഴ്ച പുൽവാമ ജില്ലയിൽ നിന്ന് 12 കിലോഗ്രാം സ്ഫോടകവസ്തുവായ ഐ.ഇ.ഡി സുരക്ഷാസേന പിടിച്ചെടുത്തിരുന്നു. സൗത്ത് കശ്മീരിലെ ത്രാലിലെ ബെയ്ഗഡ് ഏരിയയിൽ നിന്നാണ് സ്ഫോടകവസ്തു കണ്ടെടുത്തത്.