കശ്​മീരിലെ പൂഞ്ച്​ സെക്​ടറിൽ പാക്​ വെടിവെപ്പ്​

ശ്രീനഗർ: ജമ്മുകശ്​മീർ അതിർത്തിയിൽ വെടിനിർത്തൽ കരാർ ലംഘിച്ച്​ പാകിസ്​താൻ ഇന്ത്യൻ പോസ്​റ്റുകൾക്ക്​ നേരെ വെടിയുതിർത്തു. പൂഞ്ച്​ ജില്ലയിലെ കൃഷ്​ണഘാട്ടി സെക്​ടറിലാണ്​ വെടിവെപ്പ്​ നടന്നത്​.

ബുധനാഴ്​ച അർധരാത്രിയോടെയാണ്​ പാക്​ സൈന്യം ​ഷെല്ലാക്രമണം നടത്തിയത്​. ​​മോട്ടാർ ഷെല്ലുകളും ചെറു വെടികോപ്പുകളും ഉപയോഗിച്ച്​ രണ്ടു മണിക്കൂറോളം പാക്​ സൈന്യം ആക്രമണം തുടർന്നു.

​പ്രകോപനമില്ലാതെയാണ്​ പാകിസ്​താൻ ആക്രമണം നടത്തിയതെന്ന്​ ഇന്ത്യൻ സൈനിക വൃത്തങ്ങൾ അറിയിച്ചു. ഇന്ത്യൻ സേന ശക്തമായ പ്രത്യാക്രമണം നടത്തി.