ഫാൻസി നമ്പറിനായി ജയ്​പൂർ വ്യവസായി നൽകിയത്​ 16 ലക്ഷം രൂപ

ജയ്​പൂർ: ഇഷ്​ടനമ്പർ ലഭിക്കാൻ ഏതറ്റം വരെയും ​േപാകുമെന്ന്​ തെളിയിച്ചിരിക്കുകയാണ്​ ജയ്​പൂർ വ്യവസായിയായ രാഹുൽ തനേജ. ‘1’എന്ന നമ്പറിനോട്​ ഏറെ ഇഷ്​ടമുള്ള രാഹുൽ ത​​​െൻറ പുതിയ ആഢംബര വാഹനമായ ജാഗ്വറിന്​ ആർ.ജെ 45 സി.ജി 0001 എന്ന നമ്പർ ലഭിക്കാൻ 16 ലക്ഷം രൂപയാണ്​ മുടക്കിയത്​. 

രാജസ്​ഥാനിൽ പ്രഥമ നമ്പറിനു വേണ്ടി നടന്ന ലേലത്തിലെ ഏറ്റവും ഉയർന്ന തുക ഇതാണെന്ന്​ മോ​േട്ടാർ വാഹന വിഭാഗം ഉദ്യോഗസ്​ഥർ സാക്ഷ്യപ്പെടുത്തുന്നു.  ഇത്​ ആദ്യമായല്ല ഇൗ 37കാരൻ ഇഷ്​ട നമ്പറിനു വേണ്ടി ഭീമമായ തുക മുടക്കുന്നത്​. 2011 ത​​​െൻറ ആദ്യ ആഢംബര വാഹനമായ ബി.എം.ഡബ്ല്യൂ 5 സീരീസ്​ കാറിന്​ ആർ.ജെ.14 സി.പി 0001 എന്ന നമ്പർ ലഭിക്കാൻ 10.31 ലക്ഷം രൂപ​ മുടക്കിയിരുന്നു​. പിന്നീട്​ ഇൗ കാർ വിറ്റ്​ ബി.എം.ഡബ്ല്യൂ 7 വാങ്ങിയപ്പോഴും ആർ.ജെ.14 സി.പി 0001 എന്ന നമ്പർ വിട്ടു നൽകിയില്ല. 

രജിസ്ട്രേഷൻ നമ്പർ ആർ.ജെ 20 സി.ബി 0001 ആയതുകൊണ്ടു മാത്രമാണ്​ അദ്ദേഹം ത​​​െൻറ രണ്ടാമത്തെ കാറായ സ്​കോഡ ലൗറ വാങ്ങിയത്​. ത​​​െൻറ മൊബൈൽ നമ്പറിലും അഞ്ച്​ ‘ഒന്നുകൾ’ ഉൾപ്പെടുത്തിയിട്ടുണ്ട്​. ഇവൻറ്​ മാനേജ്​മ​​െൻറ്​ കമ്പനി നടത്തുകയാണ്​ രാഹുൽ തനേജ.