ബഹിരാകാശത്തേക്കല്ല, മോദി ആദ്യം പോകേണ്ടത് മണിപ്പൂരിലേക്ക് - ജയറാം രമേശ്

ന്യൂഡൽഹി: മനുഷ്യനെ വഹിച്ചുള്ള ഇന്ത്യയുടെ ആദ്യ ബഹിരാകാശ ദൗത്യമായ 'ഗഗന്‍യാന്‍' യാഥാർത്ഥ്യമായാൽ പ്രധാനമന്ത്രി നരേന്ദ്രമോദിയെ ബഹിരാകാശത്തേക്കയക്കാമെന്ന ഇന്ത്യൻ സ്പേസ് റിസർച്ച് ഓർഗനൈസേഷൻ (ഐ.എസ്.ഐർ.ഒ) തലവൻ എസ്. സോമനാഥിന്‍റെ പരാമർശത്തിന് പിന്നാലെ വിമർശനവുമായി കോൺഗ്രസ് നേതാവ് ജയറാം രമേശ്. പ്രധാനമന്ത്രി ബഹിരാകാശത്തേക്കല്ല ആദ്യം പോകേണ്ടത് മണിപ്പൂരിലേക്കാണെന്നായിരുന്നു അദ്ദേഹത്തിന്‍റെ പ്രതികരണം. എക്സിൽ മോദിയുടെ ഫോട്ടോ പങ്കുവെച്ചുകൊണ്ടായിരുന്നു ജയറാം രമേശിന്‍റെ ട്വീറ്റ്.

ഒരു വർഷത്തിലേറെയായി പ്രതിഷേധം ആളിക്കത്തിയിട്ടും മണിപ്പൂരിനെ കുറിച്ച് പരാമർശിക്കാത്ത പ്രധാനമന്ത്രി കഴിഞ്ഞ ദിവസമാണ് വിഷയത്തിൽ മൗനം വെടിഞ്ഞത്. മ​ണി​പ്പൂ​രി​നെ സാ​ധാ​ര​ണ നി​ല​യി​ലേ​ക്ക് കൊ​ണ്ടു​വ​രാ​ൻ ത​ന്റെ സ​ർ​ക്കാ​ർ നി​ര​ന്ത​ര പ​രി​ശ്ര​മ​ത്തി​ലാ​ണെ​ന്ന് പ്ര​തി​പ​ക്ഷ ബ​ഹി​ഷ്‍ക​ര​ണ​ത്തി​നി​ടെ രാ​ജ്യ​സ​ഭ​യി​ൽ പ്ര​ധാ​ന​മ​​ന്ത്രി ബു​ധ​നാ​ഴ്ച വ്യ​ക്ത​മാ​ക്കി. അ​തേ​സ​മ​യം, മ​ണി​പ്പൂ​ർ ഇ​നി​യും സ​ന്ദ​ർ​ശി​ക്കാ​ത്ത​തി​നെ​ക്കു​റി​ച്ച് പ്ര​ധാ​ന​മ​ന്ത്രി നി​ശബ്ദ​ത പാ​ലി​ച്ചു. പ്ര​ധാ​ന​മ​ന്ത്രി​യെ പ്ര​തി​ക്കൂ​ട്ടി​ൽ നി​ർ​ത്തി പ്ര​തി​പ​ക്ഷ നേ​താ​വ് രാ​ഹു​ൽ ഗാ​ന്ധി​യും മ​ണി​പ്പൂ​രി​ലെ കോ​ൺ​ഗ്ര​സ് എം.​പി​യും ന​ട​ത്തി​യ ആ​ക്ര​മ​ണ​ങ്ങ​ൾ സ​മൂ​ഹ മാ​ധ്യ​മ​ങ്ങ​ളി​ൽ വൈ​റ​ലാ​കു​ക​യും ലോ​ക്സ​ഭ​യി​ൽ മ​ണി​പ്പൂ​രി​ന് നീ​തി​ചോ​ദി​ച്ച് പ്ര​തി​പ​ക്ഷം ന​ടു​ത്ത​ള​ത്തി​ൽ നി​ല​യു​റ​പ്പി​ക്കു​ക​യും ചെ​യ്ത സാ​ഹ​ച​ര്യ​ത്തി​ലാ​ണ് മോ​ദി മൗ​നം വെ​ടി​ഞ്ഞ​ത്.

അടുത്തിടെ എൻ.ഡി.ടി.വിയിൽ നടന്ന ചർച്ചക്കിടെയായിരുന്നു പ്രധാനമന്ത്രി നരേന്ദ്ര മോദിയെ ബഹിരാകാശത്തേക്ക് അയക്കാൻ സന്തോഷമേയുള്ളൂവെന്ന ഐ.എസ്.ഐർ.ഒ തലവൻ എസ്. സോമനാഥിനൻറെ പരാമർശം. ഗഗന്‍യാന്‍ യാഥാര്‍ഥ്യമായാല്‍ മോദിയെ കൊണ്ടുപോകാമെന്നും അത്തരമൊരു ഘട്ടമെത്തിയാല്‍ രാഷ്ട്രത്തലവന്‍ അന്താരാഷ്ട്ര ബഹിരാകാശ കേന്ദ്രത്തിലേക്കു പറക്കണം. അതു നമ്മുടെ പേടകത്തിലും നമ്മുടെ മണ്ണില്‍നിന്നുമാകണം. ഗഗന്‍യാന്‍ അതിനു സജ്ജമാകാന്‍ കാത്തിരിക്കുകയാണെന്നും ഡോ. സോമനാഥ് കൂട്ടിച്ചേര്‍ത്തു. ഗഗന്‍യാന്റെ ആദ്യ യാത്രയ്ക്കുള്ള സംഘത്തെ നേരത്തെ മോദി പ്രഖ്യാപിച്ചിരുന്നു. വ്യോമസേനയുടെ ഭാഗമായ മലയാളിയായ പ്രശാന്ത് ബാലകൃഷ്ണന്‍ നായര്‍, അംഗദ് പ്രതാപ്, അജിത് കൃഷ്ണന്‍, ശുബാന്‍ഷു ശുക്ല എന്നിവരാണു പരീക്ഷണത്തിന്റെ ഭാഗമാകാന്‍ പോകുന്നത്.