വിദ്വേഷ ആക്രമണങ്ങൾ; ജംഇയ്യത്തു ഉലമായെ ഹിന്ദ് സുപ്രീംകോടതിയിൽ

ന്യൂ​ഡ​ൽ​ഹി: രാ​ജ്യ​ത്ത്​​ മു​സ്​​ലിം​ക​ൾ​ക്കെ​തി​രെ വ​ർ​ധി​ച്ചു​വ​രു​ന്ന വി​ദ്വേ​ഷ പ്ര​സം​ഗ​ങ്ങ​ളി​ലും ആ​ക്ര​മ​ണ​ങ്ങ​ളി​ലും ഇ​ട​പെ​ട​ണ​മെ​ന്ന്​ ആ​വ​ശ്യ​പ്പെ​ട്ട്​ ജം​ഇ​യ്യ​ത്തു ഉ​ല​മാ​യെ ഹി​ന്ദ്​ സു​പ്രിം​കോ​ട​തി​യി​ല്‍ ഹ​ര​ജി ന​ൽ​കി. ഹ​രി​ദ്വാ​റി​ലെ ധ​ർ​മ സ​ൻ​സ​ദി​ൽ ഉ​യ​ർ​ന്ന വം​ശ​ഹ​ത്യ ആ​ഹ്വാ​നം, ഗു​രു​ഗ്രാ​മി​ലെ ജു​മു​അ പ്രാ​ർ​ഥ​ന ത​ട​സ്സ​പ്പെ​ടു​ത്ത​ൽ, ത്രി​പു​ര ആ​ക്ര​മ​ണം തു​ട​ങ്ങി 2018 മു​ത​ലു​ള്ള സം​ഭ​വ​ങ്ങ​ൾ ഹ​ര​ജി​യി​ൽ ചൂ​ണ്ടി​ക്കാ​ട്ടി​യി​ട്ടു​ണ്ട്.

വി​ദ്വേ​ഷ അ​തി​ക്ര​മ​ങ്ങ​ള്‍ സം​ബ​ന്ധി​ച്ച് പ​ഠി​ക്കാ​ന്‍ സ​മി​തി​യെ നി​യോ​ഗി​ക്ക​ണം, വി​ദ്വേ​ഷ​പ്ര​സം​ഗ​ങ്ങ​ള്‍ക്കെ​തി​രെ സ്വീ​ക​രി​ച്ച ന​ട​പ​ടി സം​ബ​ന്ധി​ച്ച് സം​സ്ഥാ​ന​ങ്ങ​ളി​ല്‍നി​ന്ന് റി​പ്പോ​ര്‍ട്ട് തേ​ട​ണം, മു​സ്​​ലിം​ക​ള്‍ക്കെ​തി​രാ​യ അ​തി​ക്ര​മ​ങ്ങ​ള്‍ സം​ബ​ന്ധി​ച്ച് കോ​ട​തി​യു​ടെ മേ​ല്‍നോ​ട്ട​ത്തി​ല്‍ അ​ന്വേ​ഷ​ണം വേ​ണം എ​ന്നീ ആ​വ​ശ്യ​ങ്ങ​ൾ ഹ​ര​ജി​യി​ൽ ഉ​ന്ന​യി​ച്ചു. സം​ഘ​ടി​ത ശ​ക്​​തി​ക​ൾ ഒ​രു പ്ര​ത്യേ​ക മ​ത​വി​ഭാ​ഗ​ത്തെ ല​ക്ഷ്യം​വെ​ച്ച് ഇ​സ്​​ലാ​മോ​ഫോ​ബി​യ​ക്ക്​ കാ​ര​ണ​മാ​കു​ന്ന വി​ദ്വേ​ഷ​പ്ര​സം​ഗ​ങ്ങ​ള്‍ ന​ട​ത്തു​ന്ന​തും ന്യൂ​ന​പ​ക്ഷ വി​ഭാ​ഗ​ങ്ങ​ളു​​ടെ ആ​രാ​ധ​നാ​ല​യ​ങ്ങ​ൾ ആ​ക്ര​മി​ക്കു​ന്ന​തും ആ​​ശ​ങ്ക​യു​ണ്ടാ​ക്കു​ന്ന​താ​ണെ​ന്ന്​ ജ​മാ​അ​ത്തെ ഇ​സ്​​ലാ​മി വ്യ​ക്ത​മാ​ക്കി.

യ​ഥാ​ർ​ഥ പ്ര​ശ്​​ന​ങ്ങ​ളി​ൽ നി​ന്ന്​ ജ​ന​ങ്ങ​ളു​ടെ ശ്ര​ദ്ധ​തി​രി​ക്കാ​നാ​ണ് വി​ദ്വേ​ഷ രാ​ഷ്ട്രീ​യം പ്ര​യോ​ഗി​ക്കു​ന്ന​ത്, പ്ര​ത്യേ​കി​ച്ച് തെ​ര​ഞ്ഞെ​ടു​പ്പ് അ​ടു​ക്കു​മ്പോ​ൾ. രാ​ജ്യ​ത്തെ ജ​ന​ങ്ങ​ൾ ഈ ​വ​ഞ്ച​ന തി​രി​ച്ച​റി​യു​മെ​ന്നും ശ​നി​യാ​ഴ്​​ച ഡ​ൽ​ഹി​യി​ൽ ന​ട​ത്തി​യ വാ​ർ​ത്ത​സ​മ്മേ​ള​ന​ത്തി​ൽ ജ​മാ​അ​ത്തെ ഇ​സ്​​ലാ​മി നേ​താ​ക്കാ​ൾ പ​റ​ഞ്ഞു.