പ​വ​ർ പോ​യി, ത​ക​ർ​ന്ന് ജെ.​ഡി.​എ​സ്

ബം​ഗ​ളൂ​രു: കി​ങ്മേ​ക്ക​ർ ആ​യി​ല്ലെ​ന്ന​ത് പോ​ക​ട്ടെ, വി​ല​പേ​ശാ​നു​ള്ള പ​വ​ർ പോ​ലും ഇ​ല്ലാ​താ​യി. തെ​ര​ഞ്ഞെ​ടു​പ്പി​നു​ശേ​ഷം തൂ​ക്കു​സ​ഭ വ​ന്നാ​ൽ വി​ല​പേ​ശി നേ​ട്ട​മു​ണ്ടാ​ക്കാ​മെ​ന്ന് ക​രു​തി​യ ജ​ന​താ​ദ​ൾ -എ​സ് ശ​ക്തി​കേ​ന്ദ്ര​മാ​യ മൈ​സൂ​രു മേ​ഖ​ല​യി​ൽ പോ​ലും ത​ക​ർ​ന്നു.

മാ​ർ​ച്ച് 29ന് ​നി​യ​മ​സ​ഭ തെ​ര​ഞ്ഞെ​ടു​പ്പ് പ്ര​ഖ്യാ​പി​ക്കു​മ്പോ​ൾ ജെ.​ഡി-​എ​സി​ന്റെ ക​ക്ഷി​നി​ല 32 ആ​യി​രു​ന്നു. എ​ന്നാ​ൽ ഇ​ന്ന​ത് 19 ലേ​ക്ക് കൂ​പ്പു​കു​ത്തി. 13.3 ശ​ത​മാ​ന​മാ​ണ് ഇ​ത്ത​വ​ണ​ത്തെ ജെ.​ഡി.​എ​സി​ന്റെ ആ​കെ വോ​ട്ടു​വി​ഹി​തം. 2018ൽ ​ഇ​ത് 18 ശ​ത​മാ​ന​മാ​യി​രു​ന്നു. മു​ൻ പ്ര​ധാ​ന​മ​ന്ത്രി​യും പ​ര​മോ​ന്ന​ത നേ​താ​വു​മാ​യ എ​ച്ച്.​ഡി. ദേ​വ​ഗൗ​ഡ​യു​ടെ പ്ര​താ​പം അ​സ്ത​മി​ക്കു​ന്ന​തി​നൊ​പ്പം ജെ.​ഡി.​എ​സി​ന്റെ ശ​ക്തി​യു​മാ​ണ് ചോ​രു​ന്ന​ത്. 207 സീ​റ്റു​ക​ളി​ലാ​ണ് ജെ.​ഡി.​എ​സ് ഇ​ത്ത​വ​ണ ആ​കെ മ​ത്സ​രി​ച്ച​ത്. പാ​ർ​ട്ടി നി​യ​മ​സ​ഭ ക​ക്ഷി​നേ​താ​വും മു​ൻ​മു​ഖ്യ​മ​ന്ത്രി​യു​മാ​യ എ​ച്ച്‌.​ഡി. കു​മാ​ര​സ്വാ​മി ച​ന്ന​പ​ട്ട​ണ​ത്ത് വി​ജ​യി​ച്ചെ​ങ്കി​ലും മ​ക​ൻ നി​ഖി​ൽ കു​മാ​ര​സ്വാ​മി രാ​മ​ന​ഗ​ര​യി​ൽ പ​രാ​ജ​യ​പ്പെ​ട്ട​ത് ക​ന​ത്ത തി​രി​ച്ച​ടി​യാ​യി. കോ​ൺ​ഗ്ര​സി​ന്റെ ഇ​ഖ്ബാ​ൽ ഹു​സൈ​ൻ 10,715 വോ​ട്ടി​നാ​ണ് നി​ഖി​ലി​നെ പ​രാ​ജ​യ​പ്പെ​ടു​ത്തി​യ​ത്.

പ​ഴ​യ മൈ​സൂ​രു മേ​ഖ​ല​യി​ൽ 2018ൽ ​ജെ.​ഡി.​എ​സി​ന് 29 സീ​റ്റു​ക​ൾ ഉ​ണ്ടാ​യി​രു​ന്നു. എ​ന്നാ​ൽ ഇ​ത്ത​വ​ണ അ​ത് 16 ആ​യി കു​റ​ഞ്ഞു. മും​ബൈ ക​ർ​ണാ​ട​ക​യി​ൽ ര​ണ്ട് സീ​റ്റു​ള്ള​ത് ഒ​ന്നാ​യി കു​റ​ഞ്ഞു. ഹൈ​ദ​രാ​ബാ​ദ് ക​ർ​ണാ​ട​ക​യി​ൽ നാ​ലു​ള്ള​ത് മൂ​ന്നാ​യും കു​റ​ഞ്ഞു. ബം​ഗ​ളൂ​രു അ​ർ​ബ​ൻ മേ​ഖ​ല​യി​ൽ നാ​ല് സീ​റ്റു​ള്ള​ത് മു​ഴു​വ​നും ഇ​ത്ത​വ​ണ കൈ​വി​ട്ടു.

അ​തേ​സ​മ​യം, മൈ​സൂ​രു മേ​ഖ​ല​യി​ൽ കോ​ൺ​ഗ്ര​സി​ന്റെ ക​ട​ന്നു​ക​യ​റ്റ​മാ​ണ് ഇ​ത്ത​വ​ണ. 2018ൽ ​മൈ​സൂ​രു മേ​ഖ​ല​യി​ൽ കോ​ൺ​ഗ്ര​സി​ന് 17സീ​റ്റു​ക​ളേ ഉ​ണ്ടാ​യി​രു​ന്നു​ള്ളൂ. അ​ത് ഇ​ത്ത​വ​ണ 37 ആ​ക്കി വ​ർ​ധി​പ്പി​ച്ചു. ബി.​ജെ.​പി​ക്കാ​ക​ട്ടെ ഈ ​മേ​ഖ​ല​യി​ൽ 11 സീ​റ്റു​ണ്ടാ​യി​രു​ന്ന​ത് അ​ഞ്ചി​ലേ​ക്ക് കൂ​പ്പു​കു​ത്തി. ഇ​ത്ത​വ​ണ മൈ​സൂ​രു പി​ടി​ക്കാ​ൻ വ​ൻ​ത​ന്ത്ര​ങ്ങ​ളാ​ണ് ബി.​ജെ.​പി പ​യ​റ്റി​യി​രു​ന്ന​ത്. മാ​ണ്ഡ്യ​യി​ൽ നി​ന്നു​ള്ള സ്വ​ത​ന്ത്ര എം.​പി​യും ന​ടി​യു​മാ​യ സു​മ​ല​ത ബി.​ജെ.​പി​ക്ക് പ​രി​പൂ​ർ​ണ പി​ന്തു​ണ പ്ര​ഖ്യാ​പി​ച്ച് രം​ഗ​ത്തി​റ​ങ്ങി​യെ​ങ്കി​ലും ഏ​ശി​യി​ല്ല. മാ​ണ്ഡ്യ​യി​ൽ കോ​ൺ​ഗ്ര​സി​ന്റെ പി. ​ര​വി​കു​മാ​ർ 2019 വോ​ട്ടി​ന്റെ ഭൂ​രി​പ​ക്ഷ​ത്തി​ൽ ജെ.​ഡി.​എ​സി​ന്റെ ബി.​ആ​ർ. രാ​മ​ച​ന്ദ്ര​യെ​യാ​ണ് തോ​ൽ​പി​ച്ച​ത്. 30,661 വോ​ട്ടു​ക​ൾ നേ​ടി മൂ​ന്നാം​സ്ഥാ​ന​ത്താ​യ​ത് ബി.​ജെ.​പി​ക്ക് വ​ൻ തി​രി​ച്ച​ടി​യാ​യി.

മൈ​സൂ​രു-​ബം​ഗ​ളൂ​രു അ​തി​വേ​ഗ പ​ത്തു​വ​രി​പ്പാ​ത​യു​ടെ ഉ​ദ്ഘാ​ട​നം മാ​ണ്ഡ്യ​യി​ൽ പ്ര​ധാ​ന​മ​ന്ത്രി മോ​ദി​യെ പ​​ങ്കെ​ടു​പ്പി​ച്ച് ന​ട​ത്തി​യ​ത​ട​ക്കം മൈ​സൂ​രു മേ​ഖ​ല​യി​ൽ ബി.​ജെ.​പി ത​ന്ത്ര​ങ്ങ​ൾ ഒ​രു​പാ​ട് പ​യ​റ്റി​യെ​ങ്കി​ലും പാ​ർ​ട്ടി ത​ക​ർ​ന്നു.