മതേതര വോട്ട്​ ഭിന്നിക്കുമെന്നതിനാൽ ഉത്തർപ്രദേശിൽ മത്സരിക്കുന്നില്ല -ജെ.ഡി.യു

പട്​ന: മതേതര വോട്ട്​ ഭിന്നിക്കുമെന്നതിനാൽ ഉത്തർ പ്രദേശിൽ മത്സരിക്കാൻ ആഗ്രഹിക്കുന്നില്ലെന്ന്​ ജനതാദൾ യുണൈറ്റഡ്​ (ജെ.ഡി.യു). ഇന്ന്​ വിളിച്ചു ചേർത്ത വാർത്ത സമ്മേളനത്തിലാണ്​ പാർട്ടി നേതാക്കൾ ഇക്കാര്യം അറിയിച്ചത്​.

ഉത്തർ പ്രദേശ്​ മുഖ്യമന്ത്രി അഖിലേഷ്​ യാദവ് ഉൾപ്പെടെ ആർക്കുവേണ്ടിയും ബീഹാർ മുഖ്യമന്ത്രി നിതീഷ്​ കുമാർ തെര​ഞ്ഞെടുപ്പ്​ ​പ്രചരണം നടത്തുന്നില്ലെന്നും പാർട്ടി വൃത്തങ്ങൾ വ്യക്​തമാക്കി.

ബീഹാറിൽ സഖ്യകക്ഷിയായ ആർ.ജെ.ഡിയുവും ജെ.ഡി.യു മത്സരിക്കുന്നതിനെ നിരുത്സാഹപ്പെടുത്തിയെന്നാണ്​​ റിപ്പോർട്ട്​. 2012ൽ ഉത്തർപ്രദേശിൽ ആകെയുള്ള 403 സീറ്റിൽ 219ൽ മത്സരിച്ചെങ്കിലും ഒരു സീറ്റിലും ജെ.ഡി.യു വിജയിച്ചിരുന്നില്ല.

യു.പി ഉൾപ്പെടെ അഞ്ച്​ സംസ്​ഥാനങ്ങളിൽ അടുത്ത മാസം ഫെ​ബ്രുവരി 11 മുതൽ മാർച്ച്​ എട്ട്​വരെ നടക്കുന്ന തെരഞ്ഞെടുപ്പ്​ ഏഴ്​ ഘട്ടമായാണ്​ നടക്കുന്നത്​.