ശമ്പളം കിട്ടാൻ കേന്ദ്രസർക്കാറി​െൻറ സഹായം തേടി ജെറ്റ്​എയർവേയ്​സ്​ പൈലറ്റുമാർ

ന്യൂഡൽഹി: മുടങ്ങി കിടക്കുന്ന ശമ്പളം കിട്ടാൻ കേന്ദ്രസർക്കാറി​​െൻറ സഹായം തേടി ജെറ്റ്​ എയർവേയ്​സ്​ പൈലറ്റുമാർ. നിരവധി തവണ കമ്പനി മാനേജ്​മ​െൻറിനെ സമീപിച്ചിട്ടും ഫലമില്ലാതായതോടെയാണ്​ പ്രശ്​നം കേന്ദ്രസർക്കാറിന്​ മുന്നി ലെത്തിച്ചതെന്ന്​ പൈലറ്റുമാരുടെ സംഘടന അറിയിച്ചു. കേന്ദ്ര തൊഴിൽ മന്ത്രി സന്തോഷ്​ ഗാങ്​വാറിന് പൈലറ്റുമാരുടെ സംഘടനായായ​ നാഷണൽ എവിയേറ്റർ ഗിൽഡ്​ കത്തയച്ചു.

നിലവിലെ സാഹചര്യം പൈലറ്റുമാർക്ക്​ കടുത്ത സമ്മർദ്ദവും നിരാശയുമുണ്ടാക്കുന്നുവെന്ന്​ കത്തിൽ ചൂണ്ടിക്കാട്ടുന്നുണ്ട്​. ഇതുമൂലം കൃത്യമായി ജോലി ചെയ്യാൻ പൈലറ്റ്​മാർക്ക്​ സാധിക്കുന്നില്ല. ഇക്കാര്യത്തിൽ കേന്ദ്രസർക്കാറി​​െൻറ അടിയന്തര ഇടപ്പെടൽ വേണമെന്നാണ്​ മാർച്ച്​ ആറിന്​ അയച്ചിരിക്കുന്ന കത്തിൽ ചൂണ്ടിക്കാട്ടിയിരിക്കുന്നത്​.

കഴിഞ്ഞ കുറേ മാസങ്ങളായി ജെറ്റ്​ എയർവേയ്​സ്​ ജീവനക്കാർക്ക്​ ശമ്പളം നൽകുന്നില്ല. ദൈനംദിന ചെലവുകൾക്കായി വായ്​പ വേണമെന്ന ആവശ്യവുമായി ജെറ്റ്​ എയർവേയ്​സ്​ പൊതുമേഖല ബാങ്കുകളെ സമീപിച്ചിട്ടുണ്ട്​. എന്നാൽ, ബാങ്കുകൾ ഇക്കാര്യത്തിൽ അനുകൂലമായി പ്രതികരിച്ചിട്ടില്ലെന്നാണ്​ സൂചന.