ആൾക്കൂട്ടക്കൊല ലോക്സഭയിൽ; ഞങ്ങൾക്ക് പഴയ ഇന്ത്യ മതി -ഗുലാംനബി

ന്യൂഡൽഹി: കശാപ്പുശാലയായും അതിക്രമങ്ങളുടെ കേന്ദ്രമായും ഝാർഖണ്ഡ് മാറിയെന്ന് കോൺഗ്രസ് നേതാവ് ഗുലാംനബി ആസാദ് ല ോക്സഭയിൽ പറഞ്ഞു. മോ​ഷ്​​ടാ​വെ​ന്ന്​ ആ​രോ​പി​ച്ച്​ ഝാർഖണ്ഡിൽ ആ​ൾ​ക്കൂ​ട്ട ആ​ക്ര​മ​ണ​ത്തി​നി​ര​യാ​യി മു​സ ്​​ലിം യു​വാ​വ്​ മ​രി​ച്ച സംഭവം ലോക്സഭയിൽ ഉന്നയിച്ച് സംസാരിക്കുകയായിരുന്നു അദ്ദേഹം.

ദലിതരും മു​സ്​​ലി ംകളും ഝാർഖണ്ഡിൽ ആഴ്ചതോറും കൊല്ലപ്പെടുകയാണ്. സബ്കാ സാത്ത്, സബ്കാ വികാസ് നടപ്പിലാകണമെങ്കിൽ ജനങ്ങൾ ബാക്കിയുണ്ടാകണം. പഴയ ഇന്ത്യയിൽ ശത്രുത ഉണ്ടായിരുന്നില്ല, വിദ്വേഷവും വെറുപ്പും ആൾക്കൂട്ടക്കൊലയും ഉണ്ടായിരുന്നില്ല. നിങ്ങൾ വിഭാവനം ചെയ്യുന്ന പുതിയ ഇന്ത്യ ഞങ്ങൾക്ക് വേണ്ട. ഞങ്ങൾക്ക് സ്നേഹവും സഹവർത്തിത്വവും നിലനിന്നിരുന്ന പഴയ ഇന്ത്യ മതി -ഗുലാം നബി പറഞ്ഞു.

പ്രധാനമന്ത്രി നരേന്ദ്ര മോദിയുടെ സാന്നിധ്യത്തിലായിരുന്നു ഗുലാംനബിയുടെ വിമർശനം. ഈ ​മാ​സം 18നാണ്​ ​ഝാ​ർ​ഖ​ണ്ഡി​ലെ ഖ​ർ​സ​വാ​ൻ ജി​ല്ല​യി​ൽ​ ത​ബ്​​രി​സ്​ അ​ൻ​സാ​രി​ (24)​ എന്ന യുവാവിന് ആ​ൾ​ക്കൂ​ട്ട​ത്തി​​​​​​​​​​​െൻറ കൊ​ടി​യ മ​ർ​ദ​ന​മേ​റ്റത്. വ​ലി​യ വ​ടി​കൊ​ണ്ട്​ അ​ടി​ക്കു​ന്ന​തും അ​ൻ​സാ​രി അ​വ​രോ​ട്​ ത​ന്നെ വെ​റു​തെ​വി​ടൂ​വെ​ന്ന്​ യാ​ചി​ക്കു​ന്ന​തുമുള്ള വീഡിയോ പുറത്തുവന്നിരുന്നു. മ​റ്റൊ​രു വി​ഡി​യോ​യി​ൽ ജ​യ്​ ശ്രീ​രാം എ​ന്നും ജ​യ്​ ഹ​നു​മാ​ൻ എ​ന്നും വി​ളി​പ്പി​ക്കു​ന്നു​ണ്ട്.

18 മ​ണി​ക്കൂ​റി​ലേ​റെ​ യു​വാ​വി​നെ ത​ട​ഞ്ഞു​വെ​ച്ച്​ മ​ർ​ദി​ച്ച​ ശേഷം പൊ​ലീ​സി​ന്​ കൈ​മാ​റുകയായിരുന്നു. ജു​ഡീ​ഷ്യ​ൽ ക​സ്​​റ്റ​ഡി​യി​ലാ​യി​രു​ന്ന അ​ൻ​സാ​രി​യെ ശ​നി​യാ​ഴ്​​ച​യാ​ണ്​ ആ​ശു​പ​ത്രി​യി​ലെ​ത്തി​ച്ച​ത്. അ​വി​ടെ​വെ​ച്ച്​ സ്​​ഥി​തി വ​ഷ​ളാ​യി മ​രി​ക്കു​ക​യാ​യി​രു​ന്നു. സം​ഭ​വ​ത്തി​ൽ ഒരാൾ അ​റ​സ്​​റ്റിലായിട്ടുണ്ട്.