മഹാസഖ്യത്തിൽ വിള്ളൽ; ബീഹാർ മുൻമുഖ്യമന്ത്രി ജിതിൻ റാം മാഞ്ചി എൻ.ഡി.എയിൽ

ബിഹാർ: മുൻമുഖ്യമന്ത്രി ജിതിൻ റാം മാഞ്ചി എൻ.ഡി.എയിൽ തിരി​െച്ചത്തി. നിയമസഭ തെര​െഞ്ഞടുപ്പ്​ അടുത്ത പശ്​ചാത്തലത്തിലാണ്​ നടപടി. ഇതോടെ തെരഞ്ഞെടുപ്പിൽ കൂടുതൽ ആത്മവിശ്വാസത്തോടെ രംഗത്തിറങ്ങാൻ ജനതാദൾ യുണൈറ്റഡ്​ നേതാവും നിലവിലെ മുഖ്യമന്ത്രി നിതീഷ്​കുമാറിന്​ സാധിക്കുമെന്നാണ്​ രാഷ്​ട്രീയ നിരീക്ഷകർ കരുതുന്നത്​.

മാഞ്ചി നിലവിൽ ഹിന്ദുസ്​ഥാൻ ആവാം മോർച്ച എന്ന പേരിൽ സ്വന്തംനിലക്ക്​ പാർട്ടി രൂപീകരിച്ച്​ പ്രവർത്തിക്കുകയായിരുന്നു.'ജനതാദൾ യുണൈറ്റഡുമായി സഖ്യമുണ്ടാക്കുകയും എൻ.‌ഡി.‌എയുടെ ഭാഗമായി മാറുകയും ചെയ്​തു. അടുത്ത ബീഹാർ നിയമസഭാ തെരഞ്ഞെടുപ്പിൽ സീറ്റ് പങ്കിടുന്നതിനെക്കുറിച്ച് നിലവിൽ ഒരു ചർച്ചയും നടന്നിട്ടില്ല'പുതിയ നീക്കത്തെകുറിച്ച്​ മാഞ്ചി പറഞ്ഞു.

രണ്ടര വർഷം പ്രതിപക്ഷത്ത്​ ചെലവഴിച്ചതിന് ശേഷം മാഞ്ചി നേരത്തെ മഹാസഖ്യവുമായുള്ള ബന്ധം വിശ്​ചേദിച്ചിരുന്നു. മുൻ എം‌പി പപ്പു യാദവി​െൻറ ജൻ അധികാർ പാർട്ടി ഉൾപ്പെടെയുള്ള എൻ‌ഡി‌എക്കും മഹാസഖ്യത്തിനും പുറത്തുള്ള പാർട്ടികളുമായി ബുധനാഴ്ച നിശ്ചയിച്ചിരുന്ന യോഗവും അദ്ദേഹം മാറ്റിവച്ചിരുന്നു. തുടർന്നാണ്​ മാഞ്ചി നാടകീയമായി എൻ.ടി.എയിൽ എത്തുന്നത്​. കഴിഞ്ഞ വ്യാഴാഴ്ച മാഞ്ചി നിതീഷ്​കുമാറിനെ കണ്ട്​ സീറ്റ് പങ്കിടൽ സംബന്ധിച്ച് ചർച്ച നടത്തിയതായി സൂചനയുണ്ട്​.

15-20 സീറ്റുകളിൽ മത്സരിക്കാൻ എച്ച്‌എ‌എം (എസ്) ആഗ്രഹിക്കുന്നു. മാഞ്ചി ഉൾപ്പെടുന്ന മഗധ മേഖലയിലാണ് പാർട്ടിയുടെ കണ്ണ്​. എന്നാൽ 10-12 സീറ്റുകൾ നൽകാൻ ജെഡിയു തയ്യാറാണെന്ന് റിപ്പോർട്ടുണ്ട്​.'വരാനിരിക്കുന്ന തിരഞ്ഞെടുപ്പിൽ പാർട്ടിക്ക് എത്ര സീറ്റുകൾ കിട്ടുമെന്നത് ഒരു പ്രശ്‌നമല്ല. സംസ്ഥാനത്തി​െൻറ വികസനത്തിനാണ്​ എൻ‌ഡി‌എയിൽ ചേരുന്നത്​. വികസന പ്രവർത്തനങ്ങൾക്കായി പ്രധാനമന്ത്രി നരേന്ദ്ര മോദി, മുഖ്യമന്ത്രി നിതീഷ് കുമാർ എന്നിവരോടൊപ്പം പാർട്ടി ഉറച്ചുനിൽക്കും'-ഹിന്ദുസ്​ഥാൻ ആവാം മോർച്ച വക്താവ് ഡാനിഷ് റിസ്വാൻ പറഞ്ഞു.

നിലവിൽ പാർട്ടിയുടെ ഏക എം.എൽ.എ മാഞ്ചിയാണ്​. പക്ഷേ അദ്ദേഹത്തി​െൻറ ദലിത്​ വിഭാഗങ്ങളിലുള്ള സ്വാധീനം തെരഞ്ഞെടുപ്പിൽ മുതൽക്കൂട്ടാവരുമെന്നാണ്​ പ്രതീക്ഷിക്ക​െപ്പടുന്നത്​. ബീഹാറിൽ 16 ശതമാനത്തിലധികം ദലിത്​ വോട്ടർമാരുണ്ട്​. 243 അംഗ നിയമസഭയിൽ 40 ഓളം സീറ്റുകൾ ദളിത്​ സംവരണ സീറ്റുകളാണ്​. 2015ൽ ജെ.ഡി.യുവിൽ നിന്ന്​ രാജിവച്ചാണ്​ മാഞ്ചി സ്വന്തം പാർട്ടി രൂപീകരിച്ചത്​.