ഒരു വർഷം മുമ്പ്​ കാണാതായ സൈനിക​െൻറ മൃതദേഹം അഴുകിയ നിലയിൽ

കുൽഗാം (കശ്​മീർ): ടെറിട്ടോറിയൽ ആർമിയിൽ ജോലിചെയ്യുന്നതിനിടെ ഒരു വർഷം മുമ്പ്​ കാണാതായ സൈനിക​െൻറ മൃതദേഹം അഴുകിയനിലയിൽ. തീവ്രവാദികൾ തട്ടിക്കൊണ്ടുപോയി കൊലപ്പെടുത്തിയെന്ന്​ കരുതുന്ന ഷാകിർ വാഗെയുടെ മൃതദേഹമാണ്​ അഴുകിയനിലയിൽ കണ്ടെത്തിയത്​.

മൃതദേഹം മക​​േൻറതുത​െന്നയാണെന്ന്​ ഷാകിറി​െൻറ പിതാവ്​ മൻസൂർ പറഞ്ഞു. മൊബൈൽ ടവറിനടുത്ത് മൃതദേഹം പൊതിഞ്ഞനിലയിൽ കണ്ടെത്തിയ വിവരം ലഭിച്ചതിനെ തുടർന്ന് 34 രാഷ്ട്രീയ റൈഫിൾസ്​ നടത്തിയ തിരച്ചിലിലാണ്​ മൃതദേഹം കണ്ടെത്തിയത്​.

ലോക്കൽ പൊലീസിന്​ കൈമാറിയ മൃതദേഹ അവശിഷ്​ടം ഡി.എൻ.എ പരിശോധനക്ക്​ ശേഷം ബന്ധുക്കൾക്ക്​ കൈമാറും. കഴിഞ്ഞ വർഷം ആഗസ്​റ്റ്​ രണ്ടു മുതലാണ്​ ഷാകിർ വാഗെയെ കാണാതായത്​. വീട്ടിൽനിന്നും പട്ടാള ക്യാമ്പിലേക്ക്​ പോകുംവഴി ഷാകിറിനെ തീവ്രവാദികൾ തട്ടിക്കൊണ്ടുപോയെന്നാണ്​ കരുതുന്നത്​.