ഒറ്റ ഡോസ്​ വാക്​സിൻ കുട്ടികളിൽ പരീക്ഷണത്തിന്​ അനുമതി തേടി ജോൺസൺ ആന്‍റ്​ ജോൺസൺ

ന്യൂഡൽഹി: രാജ്യത്ത്​ നേരത്തെ അനുമതി ലഭിച്ച കോവിഡ്​ ഒറ്റ ഡോസ്​ വാക്​സിൻ 12-17 പ്രായക്കാരിൽ പരീക്ഷണത്തിന്​ ജോൺസൺ ആന്‍റ്​ ജോൺസൺ അനുമതി തേടി. കോവിഡ്​ ബാധിതരിൽ 85 ശതമാനം ഫലപ്രാപ്​തി തെളിയിച്ചതാണ്​ അമേരിക്കൻ കമ്പനി വികസിപ്പിച്ച ഒറ്റ ഡോസ്​ വാക്​സിൻ. ആഗസ്റ്റ്​ ഏഴിനാണ്​ ഇന്ത്യയിൽ ഇതിന്​ അനുമതി ലഭിച്ചത്​. 18വയസ്സിന്​ മുകളിലുള്ളവരിൽ ഉപയോഗത്തിന്​ നൽകിയ അനുമതി കുട്ടികളിലേക്കു കൂടി വ്യാപിപ്പിക്കുന്നതിന്‍റെ മുന്നോടിയായാണ്​ പരീക്ഷണം നടത്തുന്നത്​.

കോവിഷീൽഡ്​, കൊവാക്​സിൻ, സ്​പുട്​നിക്​, മോഡേണ എന്നിവയാണ്​ രാജ്യത്ത്​ മുതിർന്നവരിൽ അനുമതി ലഭിച്ച മറ്റു വാക്​സിനുകൾ.