ജോഷിമഠ് മുങ്ങുന്നു; അപകടാവസ്ഥയിലായ കെട്ടിടങ്ങൾ പൊളിച്ചുതുടങ്ങി

ഡ​റാ​ഡൂ​ൺ: മ​ണ്ണി​ടി​ച്ചി​ലി​നെ​ത്തു​ട​ർ​ന്ന് മു​ങ്ങി​ക്കൊ​ണ്ടി​രി​ക്കു​ന്ന ഉ​ത്ത​രാ​ഖ​ണ്ഡി​ലെ ജോ​ഷി​മ​ഠി​ൽ അ​പ​ക​ടാ​വ​സ്ഥ​യി​ലാ​യ കെ​ട്ടി​ട​ങ്ങ​ൾ പൊ​ളി​ച്ചു​മാ​റ്റാ​നു​ള്ള ന​ട​പ​ടി തു​ട​ങ്ങി. പ​ര​സ്പ​രം ച​രി​ഞ്ഞ് ഭീ​ഷ​ണി വി​ത​ക്കു​ന്ന മ​ല​രി ഇ​ൻ, മൗ​ണ്ട് വ്യൂ ​എ​ന്നീ ഹോ​ട്ട​ലു​ക​ളാ​ണ് ആ​ദ്യം പൊ​ളി​ക്കു​ന്ന​ത്. എ​ക്സ്ക​വേ​റ്റ​റു​ക​ളും ടി​പ്പ​റു​ക​ളും ക്രെ​യി​നു​ക​ളും സ്ഥ​ല​​ത്തെ​ത്തി​ച്ചി​രു​ന്നു. ഈ ​ഹോ​ട്ട​ലു​ക​ൾ ച​രി​ഞ്ഞു​നി​ൽ​ക്കു​ന്ന​ത് പ​രി​സ​ര​ത്തു​ള്ള വീ​ടു​ക​ളു​ടെ സു​ര​ക്ഷ​യെ ബാ​ധി​ക്കു​മെ​ന്ന ആ​ശ​ങ്ക നി​ല​നി​ൽ​ക്കു​ന്ന പ​ശ്ചാ​ത്ത​ല​ത്തി​ലാ​ണ് പൊ​ളി​ച്ചു​മാ​റ്റാ​ൻ ഭ​ര​ണ​കൂ​ടം തീ​രു​മാ​നി​ച്ച​ത്.

എ​ന്നാ​ൽ, ഹോ​ട്ട​ൽ പൊ​ളി​ക്കു​ന്ന​തു​സം​ബ​ന്ധി​ച്ച് ഒ​രു നോ​ട്ടീ​സ് പോ​ലും ല​ഭി​ച്ചി​ട്ടി​ല്ലെ​ന്ന് മ​ല​രി ഇ​ൻ ഹോ​ട്ട​ൽ ഉ​ട​മ താ​ക്കൂ​ർ സി​ങ് റാ​ണ പ​റ​ഞ്ഞു. ജ​ന​ങ്ങ​ളു​ടെ സു​ര​ക്ഷ​യെ​ക്ക​രു​തി കെ​ട്ടി​ടം പൊ​ളി​ക്കു​ന്ന​തി​ൽ എ​തി​ർ​പ്പി​ല്ലെ​ന്നും പ​ക്ഷേ നോ​ട്ടീ​സ് ന​ൽ​ക​ണ​മാ​യി​രു​ന്നെ​ന്നും അ​ദ്ദേ​ഹം പ​റ​ഞ്ഞു. മ​ല​രി ഇ​ൻ ഹോ​ട്ട​ലാ​ണ് ആ​ദ്യം പൊ​ളി​ക്കു​ന്ന​ത്. കെ​ട്ടി​ട​ങ്ങ​ളു​ടെ മേ​ൽ​ഭാ​ഗം സ്ഫോ​ട​ക​വ​സ്തു​ക്ക​ളു​പ​യോ​ഗി​ക്കാ​തെ ആ​ദ്യം പൊ​ളി​ച്ചു​മാ​റ്റു​മെ​ന്ന് സം​സ്ഥാ​ന ദു​ര​ന്ത ക​ർ​മ​സേ​ന ക​മാ​ൻ​ഡ​ന്റ് മ​ണി​ക​ണ്ഠ് മി​ശ്ര പ​റ​ഞ്ഞു.

ശാ​സ്ത്ര​സം​ഘ​ത്തി​ന്റെ മേ​ൽ​നോ​ട്ട​ത്തി​ലും പൊ​തു​മ​രാ​മ​ത്ത് വ​കു​പ്പ് ഉ​ദ്യോ​ഗ​സ്ഥ​രു​ടെ സാ​ന്നി​ധ്യ​ത്തി​ലു​മാ​ണ് പൊ​ളി​ക്ക​ൽ ന​ട​പ​ടി​ക​ൾ തു​ട​ങ്ങി​യ​ത്. പ​രി​സ​ര​ത്തു​ള്ള കൂ​ടു​ത​ൽ വി​ള്ള​ൽ വീ​ണ കെ​ട്ടി​ട​ങ്ങ​ളും ഉ​ട​ൻ പൊ​ളി​ക്കു​മെ​ന്ന് മ​ണി​ക​ണ്ഠ് മി​ശ്ര അ​റി​യി​ച്ചു. ചൊ​വ്വാ​ഴ്ച ജോ​ഷി​മ​ഠി​ൽ സ​ന്ദ​ർ​ശ​നം ന​ട​ത്തി​യ കേ​ന്ദ്ര പ്ര​തി​രോ​ധ സ​ഹ​മ​ന്ത്രി അ​ജ​യ് ഭ​ട്ട് സൈ​നി​ക ഉ​ദ്യോ​ഗ​സ്ഥ​ര​ട​ക്ക​മു​ള്ള​വ​രു​മാ​യി ച​ർ​ച്ച ന​ട​ത്തി.

678ല​ധി​കം വീ​ടു​ക​ൾ​ക്ക് വി​ള്ള​ൽ വീ​ണ​താ​യി ഇ​തു​വ​രെ ക​ണ്ടെ​ത്തി​യി​ട്ടു​ണ്ട്. പ​ല സ്ഥ​ല​ങ്ങ​ളി​ലും റോ​ഡു​ക​ൾ ത​ക​ർ​ന്നു. പ​ല​യി​ട​ങ്ങ​ളി​ലും ഭൂ​മി​ക്ക​ടി​യി​ൽ​നി​ന്ന് വെ​ള്ളം ഒ​ഴു​കി​ക്കൊ​ണ്ടി​രി​ക്കു​ക​യാ​ണെ​ന്ന് ഉ​ദ്യോ​ഗ​സ്ഥ​ർ പ​റ​ഞ്ഞു.