യു.പിയിൽ മാധ്യമപ്രവർത്തകനെ അജ്​ഞാതസംഘം വെടിവെച്ചുകൊന്നു

ന്യൂഡൽഹി: ഉത്തർപ്രദേശിൽ മാധ്യമപ്രവർത്തകനെ അജ്​ഞാത സംഘം വെടിവെച്ച്​ കൊന്നു. പ്രമുഖ ഹിന്ദി ദിനപത്രമായ ഹിന്ദുസ്​ഥാ​​െൻറ ലേഖകൻ നവീൻ ഗ​​​ുപ്​തയാണ്​​ കൊല്ലപ്പെട്ടത്​. ഉത്തർപ്രദേശിലെ കാൺപൂർ ബിലൗറിൽ വ്യാഴാഴ്​ച രാത്രിയോടെയാണ്​​ സംഭവം. ബൈക്കിലെത്തിയ അജ്​ഞതാർ നവീനെ വെടിവെക്കുകയായിരുന്നു എന്ന്​ ദൃക്​സാക്ഷികൾ വ്യക്​തമാക്കി. സംഭവം അന്വേഷിക്കാൻ മുഖ്യമന്ത്രി യോഗി ആദിത്യനാഥ്​ ഉത്തരവിട്ടു.

അടുത്തിടെ കൊല്ലപ്പെടുന്ന നാലാമത്തെ മാധ്യമപ്രവർത്തകനാണ്​ നവീൻ.  നവംബർ 22ന്​ ബംഗാളി പത്രമായ ശ്യാന്തൻ പത്രികയുടെ ത്രിപുര റിപ്പോർട്ടർ സുദീപ്​ ദത്ത ഭൗമിക്​ എന്നായാൾ കൊല്ലപ്പെട്ടിരുന്നു​. ത്രിപുര റൈഫിൾസിലെ ജവാൻ​ സുദീപിനെ വെടിവെച്ച കൊല്ലുകയായിരുന്നു. ​ ത്രിപുരയിലെ തന്നെ ദിൻരാത്​ ന്യൂസിലെ മാധ്യമ പ്രവർത്തകനായ  ശാന്തനു ഭൗമിക്​ കൊല്ലപ്പെടുന്നത്​ സെപ്​തംബർ 20നാണ്​. രണ്ട്​ ഗോത്ര വിഭാഗങ്ങൾ തമ്മിലുള്ള സംഘർഷം റിപ്പോർട്ട്​ ചെയ്യുന്നതിനിടെയാണ്​ ഭൗമിക്​ കൊല്ലപ്പെടുന്നത്​. സെപ്​തംബർ അഞ്ചിന്​ ബംഗളുരുവിൽ മുതിർന്ന മാധ്യമപ്രവർത്തക ഗൗരി ല​േങ്കഷും അക്രമികളുടെ വെടിയേറ്റ്​ കൊല്ലപ്പെട്ടിരുന്നു.