ന്യായാധിപർ നിർഭയമായി തീരുമാനമെടുക്കണം -ജസ്​റ്റിസ്​ രമണ

ന്യൂഡൽഹി: നീതിന്യായ സംവിധാനത്തി​െൻറ ശക്തി ജനങ്ങൾക്ക്​ അതിലുള്ള വിശ്വാസമാണെന്ന്​ സുപ്രീംകോടതിയിലെ മുതിർന്ന ജഡ്​ജി​ ജസ്​റ്റിസ്​ എൻ.വി. രമണ അഭിപ്രായപ്പെട്ടു. വിശ്വാസവും സ്വീകാര്യതയും ചോദിച്ചുവാങ്ങേണ്ടതല്ല, നേടിയെടുക്കേണ്ടതാണ്​. ന്യായാധിപർ നിർഭയമായി തീരുമാനമെടുക്കുകയും തത്ത്വങ്ങളിൽ ഉറച്ചുനിൽക്കുകയും വേണമെന്ന്​ അദ്ദേഹം വ്യക്തമാക്കി.

മുൻ സുപ്രീംകോടതി ജഡ്​ജി​ എ.ആർ. ലക്ഷ്​മണ​െൻറ അനുശോചന യോഗത്തിൽ സംസാരിക്കുകയായിരുന്നു ജസ്​റ്റിസ്​ രമണ. ജസ്​റ്റിസ്​ രമണക്കെതിരെ ഗുരുതര ആരോപണങ്ങളുന്നയിച്ച്​ ആന്ധ്രപ്രദേശ്​ മുഖ്യമന്ത്രി വൈ.എസ്.​ ജഗൻ മോഹൻ റെഡ്​ഡി സുപ്രീംകോടതി ചീഫ്​ ജസ്​റ്റിസിന്​ കത്തയച്ചത്​ വിവാദമായ സാഹചര്യത്തിലാണ്​ രമണയുടെ അഭിപ്രായ പ്രകടനം.

ജസ്​റ്റിസ്​ രമണക്ക്​ ടി.ഡി.പി നേതാവ്​ ചന്ദ്ര ബാബു നായിഡുവുമായി അടുത്ത ബന്ധമുണ്ടെന്നായിരുന്നു ജഗ​െൻറ ആരോപണങ്ങളിൽ പ്രധാനം. ആന്ധ്രപ്രദേശ്​ ഹൈകോടതിയെ ഉപയോഗിച്ച്​ ജനാധിപത്യ രീതിയിൽ തെരഞ്ഞെടുക്കപ്പെട്ട ത​െൻറ സർക്കാറി​​െന മറിച്ചിടാൻ ശ്രമം നടക്കുന്നുണ്ടെന്നും ജഗൻ ആ​േരാപിച്ചിരുന്നു. ജഗ​െൻറ നടപടി സുപ്രീംകോടതി ബാർ അസോസിയേഷനും ബാർ കൗൺസിൽ ഓഫ്​ ഇന്ത്യയും കടുത്ത ഭാഷയിൽ അപലപിച്ചിരുന്നു.