ജസ്​റ്റിസ്​ സി.എസ്​ കർണൻ ഇന്ന്​​ വിരമിക്കും

ന്യൂഡൽഹി: വിവാദങ്ങൾക്കൊടുവിൽ കൊൽക്കത്ത ഹൈകോടതി ജഡ്​ജി സി.എസ്​ കർണൻ ഇന്ന്​ വിരമിക്കും. കോടതിയലക്ഷ്യത്തിന്​ സുപ്രീം കോടതി ആറു മാസം തടവ്​ വിധിച്ച കർണൻ ഇപ്പോൾ ഒളിവിലാണ്​. കർണ​​​​െൻറ റിട്ടയർമെ​േൻറാടുകൂടി ഇന്ത്യൻ നീതി ന്യായ വ്യവസ്​ഥയിലെ അസാധാരണ സംഭവവികാസങ്ങൾക്കുകൂടി അവസാനമാവുകയാണ്​. മെയ്​ ഒമ്പതിനാണ്​ ഇന്ത്യൻ നിയമ സംവിധാനത്തിൽ ആദ്യമായി ഒരു ഹൈകോടതി സിറ്റിങ്ങ്​ ജഡ്​ജിയെ ജയിലിലടക്കാൻ സുപ്രീം കോടതി വിധിക്കുന്നത്​. എന്നാൽ ഇതുവരെയുംപൊലീസിന്​ കർണനെ പിടികൂടാനായിട്ടില്ല. 

മദ്രാസ്​ ഹൈകോടതി ജഡ്​ജിയായിരിക്കെ, സുപ്രീം കോടതിയിലയും ഹൈകോടതികളിലെയും സിറ്റിങ്ങ്​ ജഡ്​ജിമാർക്കും വിരമിച്ച ജഡ്​ജിമാർക്കുമെതിരെ അഴിമതി ആരോപിച്ചു​കൊണ്ട്​ പ്രധാനമന്ത്രി നരേന്ദ്രമോദിക്കും നിയമ മന്ത്രിയായിരുന്ന രവിശങ്കർ പ്രസാദിനും സുപ്രീംകോടതി രജിസ്​ട്രാർക്കും കത്തയച്ചതോടെയാണ്​  കർണൻ വേട്ടയാടപ്പെടാൻ തുടങ്ങിയത്​. അഴിമതിയും ജാതി വിവേചനവും ജഡ്​ജിമാർക്കിടയിലുണ്ടെന്നും ദലിതനായതിനാൽ തന്നോട്​ വിവേചനം കാണിക്കുന്നുവെന്നും അദ്ദേഹം ആരോപണം ഉന്നയിച്ചു. മദ്രാസ്​ ഹൈകോടതിയിൽ നിന്ന്​ കൊൽക്കത്ത ​ൈഹകോടതിയിലേക്ക്​ സ്​ഥലം മാറ്റിയ സുപ്രീം ​േകാടതി കൊളീജിയത്തി​​​​െൻറ നടപടി റദ്ദാക്കിയും അദ്ദേഹം വാർത്തകളിൽ നിറഞ്ഞു. 

ത​​​​െൻറ അധികാര പരിധിയിൽ കൈടത്തരുതെന്ന്​ സുപ്രീംകോടതിയോട്​ പറയാനും അദ്ദേഹം ധൈര്യം കാട്ടി. ത​നിക്ക്​ യാത്രാ വിലക്ക്​ നൽിയ സുപ്രീംകോടതി ജഡ്​ജിമാരുടെ യാത്ര വിലക്കിക്കൊണ്ടും അദ്ദേഹം ഉത്തരവ്​ പുറപ്പെടുവിച്ചു.  പിന്നീട്​ സുപ്രീംകോടതി ചീഫ്​ ജസ്​റ്റിസ്​ അധ്യക്ഷനായ ഏഴംഗ ബെഞ്ചാണ്​ മോശം പെരുമാറ്റത്തെ തുടർന്ന്​ കർണനെതിരെ കോടതിയലക്ഷ്യക്കുറ്റം ചുമത്തിയത്​. കർണനോട്​ കോതിയിൽ ഹാജരാകാൻ ആവശ്യപ്പെ​െട്ടങ്കിലും അനുസരിച്ചില്ല. കർണ​​​​െൻറ മാനസിക നില പരിശോധിക്കണമെന്ന സുപ്രീംകോടതി നിർദേശത്തെയും അദ്ദേഹം പുച്ഛിച്ചു തള്ളി. അതോടെ കോടതിയലക്ഷ്യ നടപടി സ്വീകരിച്ചു. തുടർന്നാണ്​ അദ്ദേഹത്തിനെതിരെ അറസ്​ററ്​ വാറൻറ്​ ​പുറപ്പെടുവിച്ചത്​. അതോടെ അദ്ദേഹം ഒളിവിൽ പോവുകയായിരുന്നു.