ചെന്നൈ കലാക്ഷേത്ര പീഡനം: അധ്യാപകൻ അറസ്റ്റിൽ

ചെ​ന്നൈ: കലാക്ഷേത്രയിൽ ലൈംഗികാതിക്രമത്തിനിരയായെന്ന പൂർവ വിദ്യാർഥിയുടെ പരാതിയിൽ അധ്യാപകനായ പ്രഫ. ഹരിപത്മനെ അറസ്റ്റ് ചെയ്തതായി ചെന്നൈ പൊലീസ് അറിയിച്ചു. കലാ​ക്ഷേത്രയിലെ ലൈംഗികാതിക്രമത്തിൽ അഡയാർ വനിതാ പൊലീസ് വെള്ളിയാഴ്ച കേസ് രജിസ്റ്റർ ചെയ്തിരുന്നു. ഹരിപത്മനെതിരെ സ്ത്രീപീഡനനിയമ പ്രകാരം കേസെടുത്തിട്ടുണ്ടെന്ന് ചെന്നൈ പൊലീസ് ഉദ്യോഗസ്ഥർ അറിയിച്ചു.

ക​ലാ​ക്ഷേ​ത്ര ഫൗ​ണ്ടേ​ഷ​ൻ കാ​മ്പ​സി​ൽ വി​ദ്യാ​ർ​ഥി​ക​ൾ ശക്തമായ പ്രതിഷേധം നടത്തിയതിനെ തുടർന്നാണ് അധ്യാപകനെതിരെ കേസെടുത്തത്. കേസ് രജിസ്റ്റർ ചെയ്തതോടെ വിദ്യാർഥികൾ സമരം അവസാനിപ്പിച്ചിരുന്നു.

ലൈം​ഗി​കാ​തി​ക്ര​മ​ക്കേ​സി​ൽ പ്ര​തി​ക​ളാ​യ നാ​ല് അ​ധ്യാ​പ​ക​രെ പു​റ​ത്താ​ക്ക​ണ​മെ​ന്നാ​വ​ശ്യ​പ്പെ​ട്ടയിരുന്നു ക​ലാ​ക്ഷേ​ത്ര ഫൗ​ണ്ടേ​ഷ​ൻ കാ​മ്പ​സി​ൽ വി​ദ്യാ​ർ​ഥി​ക​ൾ സമരം നടത്തിയത്. സമരത്തെ തു​ട​ർ​ന്ന്​ ഏ​പ്രി​ൽ ആ​റു​വ​രെ സ്ഥാപനം അടച്ചിരുന്നു.

കേ​ന്ദ്ര സാം​സ്കാ​രി​ക വ​കു​പ്പി​നു​കീ​ഴി​ൽ പ്ര​വ​ർ​ത്തി​ക്കു​ന്ന​ ചെ​ന്നൈ ക​ലാ​ക്ഷേ​ത്ര രു​ക്മി​ണി ദേ​വി കോ​ള​ജ്​ ഓ​ഫ്​ ഫൈ​ൻ ആ​ർ​ട്​​സ്​ ഡ​യ​റ​ക്ട​ർ, ഡെ​പ്യൂ​ട്ടി ഡ​യ​റ​ക്ട​ർ എ​ന്നി​വ​രോ​ട്​ ഇന്ന് ഉ​ച്ച​ 12ന്​ ​നേ​രി​ൽ ഹാ​ജ​രാ​വാ​ൻ ത​മി​ഴ്​​നാ​ട്​ വ​നി​ത ക​മീ​ഷ​ൻ ചെ​യ​ർ​മാ​ൻ കു​മ​രി ഉ​ത്ത​ര​വി​ട്ടിട്ടുണ്ട്.

വെ​ള്ളി​യാ​ഴ്ച ഇ​വ​ർ ക​ലാ​ക്ഷേ​ത്ര കാ​മ്പ​സ്​ സ​ന്ദ​ർ​ശി​ച്ച്​ പ്ര​തി​ഷേ​ധ​ത്തി​ലേ​ർ​പ്പെ​ട്ട വി​ദ്യാ​ർ​ഥി​ക​ളി​ൽ​നി​ന്ന്​ തെ​ളി​വെ​ടു​പ്പ്​ ന​ട​ത്തി​യി​രു​ന്നു. പ്രി​ൻ​സി​പ്പ​ൽ ഉ​ണ്ടാ​യി​രു​ന്നു​വെ​ങ്കി​ലും ക​മീ​ഷ​ന്‍റെ ചോ​ദ്യ​ങ്ങ​ൾ​ക്ക്​ കൃ​ത്യ​മാ​യ മ​റു​പ​ടി ന​ൽ​കി​യി​രു​ന്നി​ല്ല. ഹൈ​ദ​രാ​ബാ​ദി​ലു​ള്ള ര​ണ്ട്​ പൂ​ർ​വ​വി​ദ്യാ​ർ​ഥി​നി​ക​ൾ സം​സ്ഥാ​ന വ​നി​ത ക​മീ​ഷ​ന്​ വി​ഡി​യോ കോ​ൺ​ഫ​റ​ൻ​സി​ങ്​ മു​ഖേ​ന പ​രാ​തി​ നൽകി.

ദേ​ശീ​യ വ​നി​ത ക​മീ​ഷ​ൻ ചെ​യ​ർ​മാ​ൻ രേ​ഖ ശ​ർ​മ​യും സ്ഥാ​പ​ന​ത്തി​ൽ സ​ന്ദ​ർ​ശ​നം ന​ട​ത്തി​യി​രു​ന്നു. പീ​ഡ​ന​വു​മാ​യി ബ​ന്ധ​പ്പെ​ട്ട്​ ചെ​ന്നൈ സി​റ്റി പൊ​ലീ​സും കേ​സ്​ ര​ജി​സ്റ്റ​ർ ചെ​യ്തു. സാ​യ് കൃ​ഷ്ണ​ൻ, സ​ഞ്​​ജി​ത്​​ലാ​ൽ, ഹ​രി​പ​ത്മ​ൻ, ശ്രീ​നാ​ഥ്​ എ​ന്നീ അ​ധ്യാ​പ​ക​ർ ക​ലാ​പ​രി​ശീ​ല​ന​സ​മ​യ​ത്തും മ​റ്റും വി​ദ്യാ​ർ​ഥി​ക​ളെ ശാ​രീ​രി​ക​മാ​യും മാ​ന​സി​ക​മാ​യും പീ​ഡി​പ്പി​ക്കു​ന്ന​താ​യാ​ണ്​ ആ​രോ​പ​ണം.

വാ​ട്സ്​​ആ​പ്​ ചാ​റ്റു​ക​ളി​ലും മ​റ്റും ലൈം​ഗി​ക​ച്ചു​വ​യു​ള്ള സ​ന്ദേ​ശ​ങ്ങ​ളും അ​ധ്യാ​പ​ക​ർ വി​ദ്യാ​ർ​ഥി​നി​ക​ൾ​ക്ക്​ അ​യ​ക്കാ​റു​ണ്ടെ​ന്ന്​ പ​രാ​തി​യു​ണ്ട്.