മ​ക​ന്​ സീ​റ്റ്​; ക​മ​ൽ​നാ​ഥി​ന്​ വീ​ണ്ടു​വി​ചാ​രം

ന്യൂ​ഡ​ൽ​ഹി: ബി.​ജെ.​പി​യി​ലേ​ക്ക്​ എ​ന്ന​മ​ട്ടി​ൽ ഡ​ൽ​ഹി യാ​ത്ര ന​ട​ത്തി​യ മു​തി​ർ​ന്ന നേ​താ​വ്​ ക​മ​ൽ​നാ​ഥി​നെ​യും മ​ക​ൻ ന​കു​ൽ നാ​ഥി​നെ​യും കോ​ൺ​ഗ്ര​സ്​ മെ​രു​ക്കി​യ​തോ, ബി.​ജെ.​പി വെ​ട്ടി​ലാ​യ​തോ? അ​തോ, എ​ല്ലാം മാ​ധ്യ​മ​സൃ​ഷ്ടി​യോ? അ​ടു​ത്ത​ദി​വ​സം മ​ധ്യ​പ്ര​ദേ​ശി​ൽ എ​ത്താ​നി​രി​ക്കു​ന്ന രാ​ഹു​ൽ ഗാ​ന്ധി​യു​ടെ ഭാ​ര​ത്​ ജോ​ഡോ ന്യാ​യ് യാ​ത്ര ന​ട​ത്തി​പ്പ്​ സം​ബ​ന്ധി​ച്ച ആ​ലോ​ച​ന​യോ​ഗ​ത്തി​ൽ ക​മ​ൽ​നാ​ഥ്​ ഓ​ൺ​ലൈ​നാ​യി പ​​ങ്കെ​ടു​ത്ത​തോ​ടെ ചോ​ദ്യം ബാ​ക്കി.

രാ​ജ്യ​സ​ഭ സീ​റ്റ്​ നി​ഷേ​ധി​ക്ക​പ്പെ​ട്ട​തി​നു​പി​ന്നാ​ലെ​യാ​ണ്​ ക​മ​ൽ​നാ​ഥ്​ മ​ക​നു​മൊ​ത്ത്​ ശ​നി​യാ​ഴ്ച മ​ധ്യ​പ്ര​ദേ​ശി​ൽ​നി​ന്ന്​ ഡ​ൽ​ഹി​ക്ക്​ പ​റ​ന്ന​ത്. ബി.​ജെ.​പി​യു​ടെ ര​ണ്ടു​ദി​വ​സ​ത്തെ നേ​തൃ​യോ​ഗ​ത്തി​നി​ട​യി​ലാ​യി​രു​ന്നു വ​ര​വ്. ന​കു​ൽ​നാ​ഥ്​ സ​മൂ​ഹ​മാ​ധ്യ​മ മേ​ൽ​വി​ലാ​സ​ത്തി​ൽ​നി​ന്ന്​ കോ​ൺ​ഗ്ര​സി​നെ ഒ​ഴി​വാ​ക്കു​ക​വ​രെ ചെ​യ്തു. ക​മ​ൽ​നാ​ഥി​ന്‍റെ ഡ​ൽ​ഹി വീ​ടി​നു​മു​ക​ളി​ൽ കാ​വി​പ്പ​താ​ക പാ​റി. ബി.​ജെ.​പി​യി​ൽ ചേ​രാ​നു​ള്ള പു​റ​പ്പാ​ടാ​യി അ​തി​നെ ക​ണ്ട​വ​രേ​റെ. എ​ന്നാ​ൽ ബി.​ജെ.​പി നേ​താ​ക്ക​ളു​മാ​യി കൂ​ടി​ക്കാ​ഴ്ച​ക​ളൊ​ന്നും ന​ട​ന്നി​ല്ല. ​അ​നു​ന​യി​പ്പി​ക്കാ​ൻ ​മു​തി​ർ​ന്ന കോ​ൺ​ഗ്ര​സ്​ നേ​താ​ക്ക​ളും ക​ള​ത്തി​ലി​റ​ങ്ങി​യ​താ​യി ക​ണ്ടി​ല്ല. എ​ന്നാ​ൽ പി​ന്നാ​മ്പു​റ ച​ർ​ച്ച​ക​ൾ ന​ട​ന്നു. അ​തി​നൊ​ടു​വി​ലാ​ണ്​ ക​മ​ൽ​നാ​ഥി​ന്‍റെ മ​ട​ക്കം.

ക​മ​ൽ​നാ​ഥ്​ പോ​ക​രു​തെ​ന്നും പോ​കി​ല്ലെ​ന്നും ദി​ഗ്​​വി​ജ​യ്​​സി​ങ്ങി​നെ​പ്പോ​ലു​ള്ള മ​ധ്യ​പ്ര​ദേ​ശി​ലെ മു​തി​ർ​ന്ന നേ​താ​ക്ക​ൾ ആ​വ​ർ​ത്തി​ച്ചി​രു​ന്നു. ക​മ​ൽ​നാ​ഥി​നെ ചെ​ന്നു ക​ണ്ട വി​ശ്വ​സ്ത​രും അ​ദ്ദേ​ഹം കോ​ൺ​ഗ്ര​സ്​ വി​ട്ടു​​പോ​കി​ല്ലെ​ന്ന്​ തി​ങ്ക​ളാ​ഴ്ച​യാ​യ​പ്പോ​ൾ ത​റ​പ്പി​ച്ചു​പ​റ​ഞ്ഞു. പ​ക്ഷേ, ചി​ല സൂ​ച​ന​ക​ൾ ക​മ​ൽ​നാ​ഥി​ന്‍റെ ഭാ​ഗ​ത്തു​നി​ന്ന്​ ഉ​ണ്ടാ​യ​ത്​ എ​ന്തു​കൊ​ണ്ടാ​ണെ​ന്ന ചോ​ദ്യം ബാ​ക്കി​യാ​യി. അ​ദ്ദേ​ഹ​ത്തി​ന്‍റെ ഡ​ൽ​ഹി​യാ​ത്ര പോ​ലും അ​ന​വ​സ​ര​ത്തി​ലാ​യി​രു​ന്നു.

ബി.​ജെ.​പി​ക്ക്​ ക​മ​ൽ​നാ​ഥി​നെ​യ​ല്ല, മ​ക​ൻ ന​കു​ൽ​നാ​ഥി​നെ​യാ​ണ്​ വേ​ണ്ട​തെ​ന്ന വ​ർ​ത്ത​മാ​ന​മാ​ണ്​ ബി.​ജെ.​പി ക്യാ​മ്പു​ക​ളി​ൽ​നി​ന്ന്​ ഉ​യ​രു​ന്ന​ത്. ന​കു​ൽ​നാ​ഥ്​ കോ​ൺ​ഗ്ര​സി​ന്‍റെ സി​റ്റി​ങ്​ എം.​പി​യാ​ണ്. ക​മ​ൽ​നാ​ഥാ​ക​ട്ടെ, 1984ലെ ​സി​ഖ്​ കൂ​ട്ട​ക്കൊ​ല​യു​മാ​യി ബ​ന്ധ​പ്പെ​ട്ട്​ സി​ഖ്​ സ​മു​ദാ​യം ശ​ത്രു​വാ​യി കാ​ണു​ന്ന​യാ​ൾ. ബി.​ജെ.​പി​യു​മാ​യി വീ​ണ്ടും ബ​ന്ധം സ്ഥാ​പി​ക്കാ​ൻ ശി​രോ​മ​ണി അ​കാ​ലി​ദ​ൾ ച​ർ​ച്ച​ക​ൾ ന​ട​ത്തി​വ​രു​ന്ന​തി​നി​ട​യി​ൽ ക​മ​ൽ​നാ​ഥി​ന്‍റെ രം​ഗ​പ്ര​വേ​ശം ത​ട​സ്സ​വാ​ദ​മാ​യി. ക​മ​ൽ​നാ​ഥു​മാ​യി ഉ​ട​ക്കി കോ​ൺ​ഗ്ര​സി​ൽ​നി​ന്ന്​ ഇ​റ​ങ്ങി ബി.​ജെ.​പി​യി​ലെ​ത്തി കേ​ന്ദ്ര​മ​ന്ത്രി​യാ​യ ജ്യോ​തി​രാ​ദി​ത്യ സി​ന്ധ്യ​യും അ​തൃ​പ്തി അ​റി​യി​ച്ചു.

മ​ക​ൻ ന​കു​ൽ​നാ​ഥി​ന്​ ലോ​ക്സ​ഭ തെ​ര​ഞ്ഞെ​ടു​പ്പി​ൽ ചി​ന്ദ്​​വാ​ഡ സീ​റ്റ്​ വീ​ണ്ടും ന​ൽ​കു​മെ​ന്ന വാ​ഗ്ദാ​നം പി​ന്നാ​മ്പു​റ ച​ർ​ച്ച​ക​ളി​ൽ കോ​ൺ​ഗ്ര​സി​ൽ​നി​ന്ന്​ ല​ഭി​ച്ച​തോ​ടെ​യാ​ണ്​ ക​മ​ൽ​നാ​ഥി​ന്‍റെ മ​ട​ക്കം. ക​മ​ൽ​നാ​ഥി​നോ​ട്​ ​ഹൈ​ക​മാ​ൻ​ഡി​ന്​ നീ​ര​സ​മു​ണ്ടെ​ങ്കി​ലും അ​ദ്ദേ​ഹം പാ​ർ​ട്ടി വി​ടു​ന്ന​ത്​ ലോ​ക്സ​ഭ തെ​ര​ഞ്ഞെ​ടു​പ്പു ഘ​ട്ട​ത്തി​ൽ ദോ​ഷം​ചെ​യ്യു​മെ​ന്ന വി​ല​യി​രു​ത്ത​ലി​ൽ അ​ദ്ദേ​ഹ​വു​മാ​യും എം.​എ​ൽ.​എ​മാ​രു​മാ​യും സം​സാ​രി​ക്കാ​ൻ ജ​ന​റ​ൽ സെ​ക്ര​ട്ട​റി ജി​തേ​ന്ദ്ര​സി​ങ്ങി​നെ ഭോ​പാ​ലി​ലേ​ക്ക്​ നി​യോ​ഗി​ക്കു​ക​യും ചെ​യ്തി​രു​ന്നു.

ബി.​ജെ.​പി​യു​മാ​യി ബ​ന്ധ​ത്തി​നു ​ശ്ര​മി​ച്ചെ​ന്നോ ഇ​ല്ലെ​ന്നോ പ​റ​യാ​ൻ ഇ​തി​നെ​ല്ലാ​മി​ട​യി​ലും ക​മ​ൽ​നാ​ഥ്​ ത​യാ​റാ​യി​ട്ടി​ല്ല. എ​ല്ലാം മാ​ധ്യ​മ​സൃ​ഷ്ടി​യെ​ന്ന പാ​ർ​ട്ടി​നേ​താ​ക്ക​ളു​ടെ വി​ശ​ദീ​ക​ര​ണ​ത്തോ​ടെ അ​ഭ്യൂ​ഹം അ​വ​സാ​നി​പ്പി​ക്കാ​ൻ ശ്ര​മി​ക്കു​ക​യാ​ണ്​ പാ​ർ​ട്ടി​യും ക​മ​ൽ​നാ​ഥി​ന്​ ഒ​പ്പ​മു​ള്ള​വ​രും. ക​മ​ൽ​നാ​ഥി​നെ സ്വീ​ക​രി​ക്കാ​ൻ ത​യാ​റാ​ണെ​ന്ന വി​ധ​ത്തി​ൽ പ​ര​സ്യ​പ്ര​തി​ക​ര​ണം ന​ട​ത്തി​യ മ​ധ്യ​പ്ര​ദേ​ശി​ലെ ബി.​ജെ.​പി നേ​താ​ക്ക​ൾ​ക്കാ​ക​ട്ടെ, മി​ണ്ടാ​ട്ട​മി​ല്ല.