ഇന്ത്യൻ 2 അപകടം: മരിച്ചവരുടെ കുടുംബങ്ങൾക്ക്​ ഒരു​ കോടി വീതം നൽകുമെന്ന്​ കമൽഹാസൻ

ചെന്നൈ: തമിഴ്​ ചിത്രം ഇന്ത്യൻ 2​​െൻറ ഷൂട്ടിങ്​ സൈറ്റിൽ ക്രെയിൻ പൊട്ടിവീണുണ്ടായ അപകടത്തിൽ മരിച്ചവരുടെ കുടും ബങ്ങൾക്ക്​ ഒരു കോടി നൽകുമെന്ന്​ കമൽഹാസൻ. അപകടത്തിൽ പരിക്കേറ്റവരെ സന്ദർശിക്കാനായി ആശുപത്രിയിൽ എത്തിയതിന്​ ശ േഷമായിരുന്നു കമലി​​െൻറ പ്രതികരണം. അപകടത്തിൽ മരിച്ചവർക്ക്​ പകരമാകില്ലെങ്കിലും അവരുടെ കുടുംബങ്ങൾക്ക്​ ഒരു കോടി നൽകുമെന്ന്​ കമൽഹാസൻ പറഞ്ഞു.

സിനിമ വ്യവസായത്തിലെ തൊഴിലാളികളുടെ സു​രക്ഷ ഇപ്പോഴും ചോദ്യ ചിഹ്​നമായി നിലനിൽക്കുകയാണ്​. ഇത്തരം സംഭവങ്ങൾ ഭാവിയിൽ ആവർത്തിക്കാതിരിക്കാനുള്ള നടപടികൾ സ്വീകരിക്കണം. കോടികൾ മറിയുന്ന വ്യവസായമെന്ന നിലയിൽ സിനിമാ വ്യവസായത്തെ കുറിച്ച്​ അഭിമാനിക്കാറുണ്ട്​. എന്നാൽ കഴിഞ്ഞ ദിവസമുണ്ടായ സംഭവം വ്യക്​തിപരമായി തനിക്ക്​ അപമാനമുണ്ടാക്കുന്നുവെന്ന്​ കമൽഹാസൻ പറഞ്ഞു.

അപകടത്തിന്​ പാവപ്പെട്ടവനോ പണക്കാരനെന്നോ ഇല്ല. മൂന്ന്​ പേരുടെ മൃതദേഹങ്ങൾ മോർച്ചറിയിൽ കണ്ടിട്ടാണ്​ ഞാൻ വരുന്നത്​. അപകടത്തിൽ നിന്ന്​ തലനാരിഴക്കാണ്​ താൻ രക്ഷപ്പെട്ടതെന്നും അദ്ദേഹം വ്യക്​തമാക്കി.

ശങ്കർ സംവിധാനം ചെയ്യുന്ന ഇന്ത്യൻ 2​​െൻറ ഷൂട്ടിങ്​ ലോക്കേഷനിൽ ബുധനാഴ്​ച രാത്രി ഒമ്പതരയോടെയായിരുന്നു ക്രെയിൻ പൊട്ടി വീണത്​. അപകടത്തിൽ സംവിധായകൻ ശങ്കറിനും പരിക്കേറ്റിരുന്നു.