മിണ്ടാതിരിക്കു വിഡ്ഢി, അവർ കർഷകരല്ല തീവ്രവാദികൾ; കർഷകസമരത്തെ പിന്തുണച്ച റിഹാനക്ക് കങ്കണയുടെ വിമർശനം
text_fieldsമുംബൈ: കർഷകസമരത്തിന് പിന്തുണയറിയിച്ച പോപ് താരം റിഹാനക്കെതിരെ വിമർശനവുമായി ബോളിവുഡ് താരം കങ്കണ റണാവത്ത്. ട്വിറ്ററിലൂടെയാണ് കങ്കണയുടെ മറുപടി. സമരം നടത്തുന്നവർ കർഷകരല്ല തീവ്രവാദികളാണെന്ന് കങ്കണ റണാവത്ത് പറഞ്ഞു.
അവരെ കുറിച്ച് ആരും സംസാരിക്കില്ല കാരണം അവർ കർഷകരല്ല, തീവ്രവാദികളാണ്. ഇന്ത്യയെ വിഭജിക്കാനാണ് അവരുടെ ശ്രമം. വിഭജിക്കപ്പെട്ട ഇന്ത്യയെ ചൈനീസ് കോളനിയാക്കാനാണ് അവരുടെ ശ്രമം. മിണ്ടാതിരിക്കു വിഡ്ഢി, ഞങ്ങൾ നിങ്ങളെ പോലെ രാജ്യത്തെ വിൽക്കാൻ ഉദ്ദേശിച്ചിട്ടില്ലെന്ന് കങ്കണ ട്വീറ്റ് ചെയ്തു.
പോപ് താരം റിഹാനയും കർഷകസമരത്തിന് പിന്തുണയറിയിച്ചിരുന്നു. കർഷക സമരത്തെ തുടർന്ന് ഏർപ്പെടുത്തിയ ഇന്റർനെറ്റ് നിരോധനത്തിന്റെ വാർത്ത പങ്കുവെച്ചായിരുന്നു ട്വീറ്റ്. എന്തുകൊണ്ടാണ് നമ്മൾ ഇതിനെക്കുറിച്ച് സംസാരിക്കാത്തതെന്ന് ചോദിച്ചായിരുന്നു റിഹാന വാർത്ത പങ്കുവെച്ച് കർഷകസമരത്തിന് പിന്തുണയറിയിച്ചത്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.