ഭൂമി ഇടപാടിൽ ക്രമക്കേടില്ല; സ്​മൃതി ഇറാനിക്ക്​ മറുപടിയുമായി കപിൽ സിബൽ

ന്യൂഡൽഹി: ബി.ജെ.പി നേതാവ്​ സ്​മൃതി ഇറാനിയുടെ ആരോപണങ്ങൾക്ക്​ ശക്​തമായ മറുപടിയുമായി മുതിർന്ന കോൺഗ്രസ്​ നേതാവ്​  കപിൽ സിബൽ. ത​​​െൻറ പണമുപയോഗിച്ചാണ്​ ഭൂമി വാങ്ങിയതെന്നും അതിന്​ നികുതി അടച്ചുവെന്നും സിബൽ വ്യക്​തമാക്കി. കള്ളപണം  എന്താണെന്ന്​ അറിയാതെയാണ്​ ചിലർ ആരോപണങ്ങൾ ഉന്നയിക്കുന്നതെന്നും കപിൽ സിബൽ പറഞ്ഞു.

സി.ബി.എസ്​.ഇ ​േചാദ്യ​േപപ്പർ ചോർച്ചയിൽ നിന്ന്​ ശ്രദ്ധതിരിക്കാനാണ്​ ബി.ജെ.പി തനിക്കെതിരെ ആരോപണങ്ങൾ ഉന്നയിക്കുന്നത്​. നീരവ്​ മോദി ഉൾപ്പെട്ട ബാങ്ക്​ തട്ടിപ്പിൽ തങ്ങളുടെ പ​െങ്കന്താണെന്ന്​ ബി.ജെ.പി വ്യക്​തമാക്കണം. തനിക്കെതിരായ വ്യാജ ആരോപണങ്ങൾ പ്രചരിപ്പിച്ച വാർത്ത വെബ്​സൈറ്റിനെതിരെ മാന​നഷ്​ട കേസ്​ നൽകുമെന്നും സിബൽ പറഞ്ഞു.

കപില്‍ സിബല്‍ കള്ളപ്പണം വെളുപ്പിച്ചെന്ന ആരോപണവുമായി സ്​മൃതി ഇറാനി ഉന്നയിച്ചത്​. ഡല്‍ഹിയില്‍ കോടികള്‍ വിലമതിക്കുന്ന ഭൂമി കുറഞ്ഞ വിലക്ക്​ കപില്‍ സിബല്‍ സ്വന്തമാക്കിയതില്‍ ക്രമക്കേടുണ്ടെന്നാണ് ആരോപണം.