'ആധുനിക ഝാൻസി റാണി'; മമതയെ അഭിനന്ദിച്ച്​ കപിൽ സിബൽ

ന്യൂഡൽഹി: തുടർച്ചയായി മൂന്നാംവട്ടവും പശ്ചിമ ബംഗാളിൽ വെന്നിക്കൊടി നാട്ടിയ തൃണമൂൽ കോൺഗ്രസ്​ നേതാവ്​ മമത ബാനർജിയെ അഭിനന്ദിച്ച് കോൺഗ്രസ്​​ നേതാവ്​ കപിൽ സിബൽ.

''അടിത്തട്ടിൽ നിന്നുയിർത്ത ധൈര്യമുള്ള നേതാവും ആധുനിക ഝാൻസി റാണിയുമായ അവർ എന്തുവെല്ലുവിളികൾ വന്നാലും ഏത്​ ഗോലിയാത്തുമാരെയും തോൽപ്പിക്കാമെന്ന്​ തെളിയിച്ചിരിക്കുന്നു'' -കപിൽ സിബൽ ട്വീറ്റ്​ ചെയ്​തു.

നേ​രത്തെ, മമതയെ അഭിനന്ദിച്ച്​ കോൺഗ്രസ്​ നേതാവ്​ രാഹുൽ ഗാന്ധിയും രംഗത്തെത്തിയിരുന്നു. ബംഗാളിൽ സി.പി.എമ്മിനൊപ്പം ചേർന്ന്​ മത്സരിച്ച്​ അ​േമ്പ പരാജയപ്പെട്ട സമയത്തും കോൺഗ്രസ്​ നേതാക്കൾ മമതയെ അഭിനന്ദിക്കുന്നത്​ കൗതുകകരമാണ്​.