ചെ​ങ്കോട്ടയിലെത്തിയ കർഷകരെ എന്തുകൊണ്ട് തടഞ്ഞില്ല? പ്രക്ഷോഭത്തെ വഴിതെറ്റിക്കാൻ ശ്രമം -കപിൽ സിബൽ

ന്യൂഡൽഹി: റിപബ്ലിക്​ ദിനത്തിലെ കർഷകരുടെ ട്രാക്​ടർ റാലിക്കിടെ അക്രമ സംഭവങ്ങൾ അരങ്ങേറിയതിൽ ദുരൂഹതയുണ്ടെന്ന്​ മുതിർന്ന കോൺഗ്രസ്​ നേതാവ്​ കപിൽ സിപൽ. പൊലീസ്​ നോക്കിനിൽക്കേ, പൈതൃക​ കേന്ദ്രമായ ചെ​േങ്കാട്ട പിടിച്ചെടുക്കുകയും കൊടി ഉയർത്തുകയും ചെയ്​തു. എന്നാൽ, ചെ​ങ്കോട്ടയിലെത്തിയവരെ തടയാൻ ആരും തയാറായില്ല. ഇതിന്​ പിന്നിൽ കൃത്യമായ ഗൂഡാലോചനയുണ്ടെന്നും അദ്ദേഹം കൂട്ടിച്ചേർത്തു.

മതിയായ അനുവാദമില്ലാതെ ആർക്കും ചെ​േ​ങ്കാട്ടയിൽ പ്രവേശിക്കാൻ കഴിയില്ല. എന്നാൽ അവർ നേരെ ​െ​ച​ങ്കോട്ടയിലെത്തി. ആരും തടഞ്ഞില്ലെന്ന്​ അവർ തന്നെ പറയുന്നു. കർഷക പ്രക്ഷോഭത്തെ വഴിതിരിച്ചുവിടാൻ ധാരാളം ഇത്തരം ഗൂഡാലോചനകൾ നടക്കുന്നുണ്ടെന്നും അദ്ദേഹം കൂട്ടിച്ചേർത്തു.

ക​ഴിഞ്ഞ ദിവസം ചെ​ങ്കോട്ട സംഭവത്തിൽ കേന്ദ്ര ആഭ്യന്തര മന്ത്രാലയത്തിന്‍റെ വീഴ്ചയെ ചൂണ്ടിക്കാട്ടി കോൺഗ്രസ്​ നേതാവ്​ രാഹുൽ ഗാന്ധി രംഗത്തെത്തിയിരുന്നു. ചെ​ങ്കോട്ടയിൽ പ്രവേശിക്കാൻ ​ആഭ്യന്തര മന്ത്രാലയം അനുവാദം നൽകുകയായിരുന്നുവെന്നായിരുന്നു വിമർശനം. കർഷക പ്രക്ഷോഭം അവസാനിപ്പിക്കാൻ വിവാദ കാർഷിക നിയമങ്ങൾ പിൻവലിക്കുകയാണ്​ പോംവഴിയെന്നും രാഹുൽ ഗാന്ധി കൂട്ടിച്ചേർത്തു.

നിലവിൽ കർഷക പ്രക്ഷോഭം നടക്കുന്ന ഡൽഹിയിലെ സിംഘു, ഗാസിപൂർ, ടിക്​രി അതിർത്തികൾ അടച്ചിട്ടിരിക്കുകയാണ്​. കൂറ്റൻ കോൺക്രീറ്റ്​ ബാരിക്കേഡുകൾ ഉപയോഗിച്ച്​ അതിർത്തി മുഴുവനും അടച്ചു. വൻ ​പൊലീസ്​ സന്ന്യാഹത്തെയും ഇവിടെ വിന്യസിച്ചിട്ടുണ്ട്​. പ്രദേശത്ത്​ ഇന്‍റർനെറ്റ്​ സേവനങ്ങൾ നിർത്തിവെച്ചിരിക്കുകയാണ്​. ജനുവരി 31​ വരെയാണ്​ നിർത്തിവെച്ചിരിക്കുന്നത്​. റിപബ്ലിക്​ ദിനത്തിലെ സംഭവങ്ങൾക്ക്​ ശേഷം പൊലീസിന്‍റെയും ആർ.എസ്​.എസ്​ ഗുണ്ടകളുടെയും നേതൃത്വത്തിൽ കർഷകരെ ഒഴിപ്പിക്കാൻ ശ്രമം നടന്നിരുന്നു. തുടർന്ന്​ ഗാസിപൂരിലും സിംഘുവിലും അക്രമ സംഭവങ്ങളും അ​രങ്ങേറി.