കേരളത്തിലേക്ക്​ ഒാക്​സിജൻ വിതരണം വിലക്കി​ കർണാടക

കാസർകോട്​: കേരളത്തിലേക്കുള്ള മെഡിക്കൽ ഒാക്​സിജൻ വിതരണത്തിന്​ വിലക്ക്​ ഏർപ്പെടുത്തി​ കർണാടക സർക്കാർ. ശനിയാഴ്​ച മംഗളൂ​രുവിലെ പ്ലാൻറിൽ ഒാക്​സിജൻ എടുക്കാൻ എത്തിയപ്പോഴാണ്​ വിലക്ക്​ വിവരം പുറത്തറിഞ്ഞത്​. ദക്ഷിണ കന്നട ജില്ല ഡെപ്യൂട്ടി കമീഷണറുടെ ഉത്തരവ്​ ചൂണ്ടിക്കാട്ടി ഒാക്​സിജൻ നൽകാൻ കഴിയില്ലെന്നാണ്​ പ്ലാൻറ്​ അധികൃതർ അറിയിച്ചത്​.

മംഗളൂരു ബൈകമ്പാടി മലബാർ ഒാക്​സിജൻ പ്ലാൻറിൽനിന്നാണ്​ കാസർകോട് ഉൾപ്പെടെ ഏതാനും വടക്കൻ ജില്ലകളിലേക്ക്​ ഒാക്​സിജൻ ഇറക്കുന്നത്​. കാസർകോ​െട്ട സ്വകാര്യ ആശുപത്രികളിൽ ഭൂരിഭാഗവും ഒാക്​സിജൻ കൊണ്ടുവരുന്നതും​ ഇൗ പ്ലാൻറിൽനിന്നാണ്​. കാസർകോട്​ ജില്ലയിലെ ഏതാനും സ്വകാര്യ ആശ​ുപത്രികളുടെ പ്രതിനിധികൾ ശനിയാഴ്​ച പതിവുപോലെ ഒാക്​സിജൻ സിലിണ്ടറുകൾ എടുക്കാൻ എത്തിയപ്പോഴാണ്​ വിലക്ക്​ ചൂണ്ടിക്കാട്ടി ഒാക്​സിജൻ നിഷേധിച്ചത്​. കർണാടകയിൽ ഒാക്​സിജൻ ക്ഷാമമു​ണ്ടെന്നും ഇതര സംസ്​ഥാനങ്ങളിലേക്ക്​ കൊടുക്കരുതെന്ന്​ സർക്കാർ നിർദേശമുണ്ടെന്നും​​ പ്ലാൻറ്​ അധികൃതർ അറിയിച്ചു​​.

കർണാടക സർക്കാറി​െൻറ നടപടി കാസർകോട്​ ജില്ലയെയാണ്​ ഏറ്റവും കൂടുതൽ ബാധിക്കുക. കണ്ണൂർ ഉൾപ്പെടെയുള്ള ജില്ലകളിൽ പ്ലാൻറ്​ ഉണ്ടെങ്കിലും ഏറ്റവും സൗകര്യമെന്ന നിലക്ക്​ മംഗളൂരുവിൽനിന്നാണ്​ കാസർകോ​േട്ടക്ക്​ ഒാക്​സിജൻ എത്തിക്കുന്നത്​. കാസർകോട്​ ജില്ലയിൽ കോവിഡ്​ രോഗികളുടെ എണ്ണം കൂടുന്നതിനാൽ ഒാക്​സിജൻ ക്ഷാമം നേരിടുന്നുണ്ട്​. കാസർകോ​​െട്ട ഒരു സ്വകാര്യ ആശുപത്രിയിൽ മാത്രം 40വരെ സിലിണ്ടറുകളാണ്​ പ്രതിദിനം ഇറക്കുന്നത്​.

നടപടി പിൻവലിക്കണമെന്നാവശ്യപ്പെട്ട്​ കാസർകോട്​ എം.എൽ.എ എൻ.എ. നെല്ലിക്കുന്ന്​ മ​ംഗളൂരു ഡെപ്യൂട്ടി കമീഷണർ ഡോ. കെ.വി. രാ​ജേന്ദ്രയെ ബന്ധപ്പെട്ടു. കാസർകോട് ​ജില്ലക്കാർ മെഡിക്കൽ ഒാക്​സിജനുവേണ്ടി എന്നും ആശ്രയിക്കുന്നത്​ മംഗളൂരുവിനെയാണെന്നും ഉത്തരവ്​ പിൻവലിക്കണമെന്നും എം.എൽ.എ ആവശ്യപ്പെട്ടു. എന്നാൽ, അനുകൂല മറുപടിയൊന്നും ലഭിച്ചില്ലെന്ന്​ എൻ.എ. നെല്ലിക്കുന്ന്​ പറഞ്ഞു. അതേസമയം, ആശുപത്രികളിൽ നിലവിൽ ഒാക്​സിജന്​ പ്രതിസന്ധിയില്ലെന്നും കണ്ണൂരിൽനിന്ന്​ ഇറക്കുമെന്നും സ്വകാര്യ ആശുപത്രി മാനേജ്​മെൻറുകൾ അറിയിച്ചു.