ദുരിതാശ്വാസ ഫണ്ട്‍: അമിത് ഷായുടെ സന്ദർശന ദിനത്തിൽ പ്രതിഷേധവുമായി കർണാടക കോൺഗ്രസ്

ബംഗളൂരു: കേന്ദ്ര ആഭ്യന്തര മന്ത്രി അമിത് ഷായുടെ ബംഗളൂരു സന്ദർശനത്തിന് മുന്നോടിയായി, വരൾച്ചാ ദുരിതാശ്വാസ ഫണ്ട് നൽകാത്തതിൽ പ്രതിഷേധിച്ച് കർണാടകയിലെ കോൺഗ്രസ് നേതാക്കൾ. മുഖ്യമന്ത്രി സിദ്ധരാമയ്യ, ഉപമുഖ്യമന്ത്രി ഡി.കെ. ശിവകുമാർ, കോൺഗ്രസ് നേതാവ് രൺദീപ് സുർജേവാല എന്നിവരുൾപ്പെടെയുള്ള നേതാക്കളാണ് പ്രതിഷേധത്തിന് നേതൃത്വം നൽകുന്നത്.

കേന്ദ്രത്തിന് സംസ്ഥാനത്തോട് ചിറ്റമ്മനയമാണെന്ന് കർണാടക സർക്കാർ ആരോപിച്ചു. കർണാടകയിലെ കർഷകർ ദുരിതാശ്വാസ ഫണ്ട് ലഭിക്കാത്തതിനാൽ ബുദ്ധിമുട്ടിലാണെന്ന് മുഖ്യമന്ത്രി സിദ്ധരാമയ്യ പറഞ്ഞു. ഫണ്ട് നൽകാതിരുന്നതിൽ പ്രധാനമന്ത്രിയെയും ധനമന്ത്രി നിർമല സീതാരാമനെയും അദ്ദേഹം കുറ്റപ്പെടുത്തി.

ഫണ്ട് നൽകാതെ കർണാടകയിലെ ജനങ്ങളോടും കർഷകരോടും മോദി സർക്കാർ പ്രതികാരം ചെയ്യുകയാണെന്ന് രൺദീപ് സുർജേവാല ആരോപിച്ചു. പണം നൽകാതെ കർണാടകയിലെ മണ്ണിൽ കാലുകുത്താൻ കേന്ദ്ര ആഭ്യന്തര മന്ത്രി അമിത് ഷാക്ക് അവകാശമില്ലെന്നും അദ്ദേഹം പറഞ്ഞു.

സംസ്ഥാനം സുപ്രീംകോടതിയിൽ പോയപ്പോഴാണ് നഷ്ടപരിഹാരം നൽകാൻ മോദി സർക്കാർ സമ്മതിച്ചതെന്ന് കർണാടക കോൺഗ്രസ് എം.എൽ.എ റിസ്വാൻ അർഷാദ് പറഞ്ഞു. തങ്ങളുടെ അവകാശങ്ങൾക്കായി കോടതിയിൽ പോകേണ്ടതുണ്ടോയെന്ന് അദ്ദേഹം ചോദിക്കുന്നു.

വ​ര​ൾ​ച്ചാ ദു​രി​താ​ശ്വാ​സ​മാ​യി 35,162 കോ​ടി അ​നു​വ​ദി​ക്ക​ണ​മെ​ന്ന് ആ​വ​ശ്യ​പ്പെ​ട്ടാ​ണ് ക​ർ​ണാ​ട​ക സു​പ്രീം​കോ​ട​തി​യെ സ​മീ​പി​ച്ച​ത്. ക​ർ​ണാ​ട​ക​ക്ക് വ​ര​ൾ​ച്ചാ ദു​രി​താ​ശ്വാ​സം കൈ​മാ​റു​മെ​ന്നും ഏ​പ്രി​ൽ 29ന​കം ഇ​ക്കാ​ര്യ​ത്തി​ൽ ന​ട​പ​ടി​യു​ണ്ടാ​കു​മെ​ന്നും കേ​ന്ദ്ര സ​ർ​ക്കാ​ർ കോ​ട​തി​യെ അ​റി​യി​ച്ചിരുന്നു. സം​സ്ഥാ​ന​ത്തി​ന് ഫ​ണ്ട് അ​നു​വ​ദി​ക്കു​ന്നി​ല്ലെ​ന്ന് ചൂ​ണ്ടി​ക്കാ​ട്ടി ക​ർ​ണാ​ട​ക സ​ർ​ക്കാ​ർ സ​മ​ർ​പ്പി​ച്ച ഹ​ര​ജി​യി​ലാ​ണ് അ​റ്റോ​ണി ജ​ന​റ​ൽ ഉ​റ​പ്പ് ന​ൽ​കി​യ​ത്.

കേന്ദ്ര ആഭ്യന്തര മന്ത്രി അമിത് ഷാ ചൊവ്വാഴ്ച ബംഗളൂരു സൗത്ത് മണ്ഡലത്തിൽ പ്രചാരണം നടത്തും. മണ്ഡലത്തിൽ ബി.ജെ.പിയുടെ തേജസ്വി സൂര്യയും കോൺഗ്രസിന്‍റെ സൗമ്യ റെഡ്ഡിയും തമ്മിലാണ് മത്സരം.