കർണാടകയിൽ വിമതരെ അനുനയിപ്പിക്കാൻ മന്ത്രിസഭ പുനഃസംഘടിപ്പിച്ചേക്കും

ബംഗളൂരു: കർണാടകയിൽ സഖ്യസർക്കാറിന്​ ഭീഷണിയുയർത്തി ബി.ജെ.പിയിലേക്ക്​ ചാഞ്ഞുനിൽക്കുന്ന വിമത എം.എൽ.എമാരെ അനുനയി പ്പിക്കാൻ മന്ത്രിസഭ വൈകാതെ പുനഃസംഘടിപ്പിച്ചേക്കും. ​പ്രാദേശിക പ്രാതിനിധ്യവും ജാതി സമവാക്യവും പരിഗണിച്ചായിരുന്നു കഴിഞ്ഞ മേയിൽ മന്ത്രിമാരെ നിശ്ചയിച്ചത്​. എന്നാൽ, നിലനിൽപി​​െൻറ പ്രതിസന്ധിഘട്ടത്തിൽ എല്ലാ സമവാക്യങ്ങളെയും മാറ്റിനിർത്തി പുനഃസംഘടന നടത്താനാണ്​ നീക്കം​.

ഇതി​​െൻറ ഭാഗമായി കോൺഗ്രസിൽനിന്ന്​ യു.ടി. ഖാദർ, ജയമാല, സി. പുട്ടരംഗ ഷെട്ടി എന്നിവരെയും ജെ.ഡി^എസിൽനിന്ന്​ സി.എസ്​. പുട്ടരാജു, എസ്​.ആർ. ശ്രീനിവാസ്​, ഡി.സി. തമ്മണ്ണ എന്നിവരെയും മാറ്റിയേക്കും. പകരം സഖ്യത്തോട്​ ഇടഞ്ഞുനിൽക്കുന്ന രമേശ്​ ജാർക്കിഹോളി, ഡോ. സുധാകർ, ബി.സി. പാട്ടീൽ, റോഷൻ ബേഗ്​, കെ.പി.ജെ.പി എം.എൽ.എ ആർ. ശങ്കർ എന്നിവരെ പരിഗണിച്ചേക്കും. കോൺഗ്രസ്​ മന്ത്രി സി.എസ്​. ശിവള്ളി അന്തരിച്ച ഒഴിവും നികത്താനുണ്ട്​. കോൺഗ്രസിൽ അനുനയനീക്കത്തി​​െൻറ ഭാഗമായാണ്​ മാറ്റമെങ്കിലും ജെ.ഡി^എസിൽ തുമകുരുവിൽ ​ദേവഗൗഡയുടെയും മാണ്ഡ്യയിൽ നിഖിലി​​െൻറയും തോൽവിയെ തുടർന്നാണ്​​ തെരഞ്ഞെടുപ്പ്​ പ്രചാരണ ചുമതലയുണ്ടായിരുന്ന പുട്ടരാജുവി​നെയും ശ്രീനിവാസിനെയും മാറ്റാ​െനാരുങ്ങുന്നത്​.

എന്നാൽ, മന്ത്രിസഭ പുനഃസംഘടിപ്പിക്കില്ലെന്നും സി.എസ്​. ശിവള്ളി അന്തരിച്ചതുമൂലമുള്ള ഒഴിവ്​ നികത്തുകയാണ്​ ചെയ്യുന്നതെന്നും കോൺഗ്രസ്​ നിയമസഭ കക്ഷിനേതാവ്​ സിദ്ധരാമയ്യ പ്രതികരിച്ചു. ബി.ജെ.പി നയിക്കുന്ന മുന്നണിക്ക്​ കേന്ദ്രഭരണം തുടരാനുള്ളതാണ്​ ജനവിധിയെന്നും സംസ്​ഥാന സർക്കാറി​െന അട്ടിമറിക്കാനുള്ളതല്ലെന്നും അദ്ദേഹം പരിഹസിച്ചു. ആരും പാർട്ടിവിടില്ല. ജൂൺ ഒന്നിന്​ സർക്കാർ വീഴുമെന്ന പറഞ്ഞ യെദിയൂരപ്പ, അതു സംഭവിച്ചില്ലെങ്കിൽ പദവി രാജിവെച്ചൊഴിയാൻ ധൈര്യം കാണിക്കണമെന്നും സിദ്ധരാമയ്യ വെല്ലുവിളിച്ചു.

കോൺഗ്രസി​​െൻറ അനുനയ നീക്കം ഫലം കാണുന്നുണ്ടെന്നാണ്​ വിവരം. വിമത എം.എൽ.എമാരിലൊരാളായ മഹേഷ്​ കുമത്തള്ളിതിങ്കളാഴ്​ച ബംഗളൂരു വിധാൻസൗധയിൽ നടന്ന ജവഹർലാൽ ​െനഹ്​റു സ്​മൃതിദിനസ്​മരണ ചടങ്ങിൽ മുഖ്യമന്ത്രി എച്ച്​.ഡി. കുമാരസ്വാമി, ഉപമുഖ്യമന്ത്രി ജി. പരമേശ്വര എന്നിവർക്കൊപ്പം പ​െങ്കടുത്തു. അതേസമയം, ഭരണകാര്യങ്ങളല്ലാതെ സഖ്യസർക്കാറുമായി ബന്ധപ്പെട്ട വിവാദ വിഷയങ്ങളൊന്നും മാധ്യമങ്ങളോട്​ ചർച്ചചെയ്യരുതെന്ന്​ ജെ.ഡി-എസ്​ മന്ത്രിമാർക്ക്​ നേതൃത്വം കർശന നിർദേശം നൽകിയിട്ടുണ്ട്​.