എക്​സിറ്റ്​പോളുകൾ വെറും വിനോദമെന്ന്​ സിദ്ധരാമയ്യ

ബംഗളൂരു: കർണാടക തെരഞ്ഞെടുപ്പുമായി ബന്ധപ്പെട്ട്​ പുറത്ത്​ വന്ന എക്​സിറ്റ്​പോളുകൾ വെറും വിനോദമെന്ന്​ മുഖ്യമന്ത്രി സിദ്ധരാമയ്യ. രണ്ട്​ ദിവസത്തേക്കുള്ള വിനോദം മാത്രമാണ്​ എക്​സിറ്റ്​പോളുകളെന്ന്​ സിദ്ധരാമയ്യ വ്യക്​തമാക്കി.

എക്​സിറ്റ്​പോളുകളിൽ ആശങ്കപ്പെടാതെ പ്രവർത്തകരോട്​ വിശ്രമിക്കാനും അവധിദിനം ആഘോഷിക്കാനും സിദ്ധരാമയ്യ നിർദേശിച്ചു. നീന്തലറിയാത്ത ആൾ പുഴ മുറിച്ച്​ കടക്കാൻ സ്​റ്റാറ്റിസ്​റ്റിഷ്യ​​​െൻറ സഹായം തേടുന്നതിന്​ സമാനമാണെന്ന്​ എക്​സിറ്റ്​പോളുകളെന്നും സിദ്ധരാമയ്യ പറഞ്ഞു. കർണാടക തെരഞ്ഞെടുപ്പിലെ വോ​െട്ടടുപ്പ്​ പൂർത്തിയായതിന്​ പിന്നാലെയാണ്​ എക്​സിറ്റ്​പോളുകളെ തള്ളി സിദ്ധരാമയ്യ രംഗത്തെത്തിയത്​. 

ദേശീയ രാഷ്​ട്രീയത്തിൽ തന്നെ നിർണായകമാവുന്ന തെരഞ്ഞെടുപ്പിൽ ആർക്കും കേവല ഭൂരിപക്ഷമുണ്ടാവില്ലെന്നാണ്​ എക്​സിറ്റ്​പോളുകൾ നൽകുന്ന സൂചന. കോൺ​ഗ്രസ്​ ഏറ്റവും വലിയ ഒറ്റകക്ഷിയാവുമെന്നും എക്​സിറ്റ്​പോളുകൾ പ്രവചിക്കുന്നുണ്ട്​.