'നൈറ്റ് ലൈഫി'ന് പ്രോത്സാഹനം; ബംഗളൂരുവിൽ രാത്രി ഒന്ന് വരെ ബാറുകളും ക്ലബ്ബുകളും പ്രവർത്തിക്കാൻ അനുമതി
text_fieldsബംഗളൂരു: ഇന്ത്യയുടെ ഐ.ടി സിറ്റിയായ ബംഗളൂരുവിൽ 'നൈറ്റ് ലൈഫി'ന് പ്രോത്സാഹനം നൽകുന്നതിന്റെ ഭാഗമായി രാത്രി ഒരു മണി വരെ ബാറുകളും ക്ലബ്ബുകളും റസ്റ്ററന്റുകളും പ്രവർത്തിക്കാൻ സർക്കാർ അനുമതി നൽകി. ഹോട്ടലുകൾക്കും ലൈസൻസുള്ള മറ്റ് കടകൾക്കും സ്ഥാപനങ്ങൾക്കും ഈ സമയം വരെ പ്രവർത്തിക്കാമെന്ന് വ്യക്തമാക്കി സർക്കാർ ഉത്തരവിറക്കി.
നേരത്തെ, നിയമസഭയിലെ ബജറ്റ് സെഷനിൽ മുഖ്യമന്ത്രി സിദ്ധരാമയ്യ ഈ സമയമാറ്റം ഉറപ്പുനൽകിയിരുന്നു. ഇതാണ് ഇപ്പോൾ നടപ്പാക്കിയത്.
സർക്കാറിന് അധികവരുമാനം നേടിക്കൊടുക്കുന്നതാണ് തീരുമാനമെന്നാണ് വിലയിരുത്തൽ. തീരുമാനത്തെ ബംഗളൂരു ഹോട്ടൽ അസോസിയേഷൻ സ്വാഗതം ചെയ്തു. കൂടുതൽ വ്യാപാരവും തൊഴിലവസരങ്ങളും ഇതുവഴി സൃഷ്ടിക്കപ്പെടുമെന്ന് അസോസിയേഷൻ പ്രസിഡന്റ് പി.സി. റാവു ചൂണ്ടിക്കാട്ടി.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.