മതപരിവർത്തന നിരോധന ബിൽ: കർണാടക നിയമസഭയിൽ രൂക്ഷമായ വാദപ്രതിവാദം

ബം​ഗ​ളൂ​രു: വി​വാ​ദ മ​ത​പ​രി​വ​ർ​ത്ത​ന നി​രോ​ധ​ന ബി​ൽ പാ​സാ​ക്കു​ന്ന​തി​ന് മു​ന്നോ​ടി​യാ​യി വ്യാ​ഴാ​ഴ്ച നി​യ​മ​സ​ഭ​യി​ൽ ന​ട​ന്ന ച​ർ​ച്ച​യി​ൽ ഭ​ര​ണ-​പ്ര​തി​ക്ഷാം​ഗ​ങ്ങ​ൾ ത​മ്മി​ൽ രൂ​ക്ഷ​മാ​യ വാ​ദ​പ്ര​തി​വാ​ദം. ബെ​ള​ഗാ​വി​യി​ലെ ശീ​ത​കാ​ല നി​യ​മ​സ​ഭ സ​മ്മേ​ള​നം വെ​ള്ളി​യാ​ഴ്ച പൂ​ർ​ത്തി​യാ​കാ​നി​രി​ക്കെ​യാ​ണ് വ്യാ​ഴാ​ഴ്ച ബി​ൽ ച​ർ​ച്ച​ക്കെ​ടു​ത്ത​ത്. ചൊ​വ്വാ​ഴ്ച​യാ​ണ് വി​വാ​ദ ബി​ൽ നി​യ​മ​സ​ഭ​യി​ൽ അ​വ​ത​രി​പ്പി​ച്ച​ത്.

വ്യാ​ഴാ​ഴ്ച ച​ർ​ച്ച ആ​രം​ഭി​ച്ച​പ്പോ​ൾ ബി.​ജെ.​പി അം​ഗ​ങ്ങ​ളും കോ​ൺ​ഗ്ര​സ് അം​ഗ​ങ്ങ​ളും ത​മ്മി​ലാ​ണ് രൂ​ക്ഷ വാ​ഗ്വാ​ദ​മു​ണ്ടാ​യ​ത്. നി​ർ​ബ​ന്ധി​ത മ​ത​പ​രി​വ​ർ​ത്ത​ന​ത്തി​നെ​തി​രെ സാ​മൂ​ഹി​ക ക്ഷേ​മ​വ​കു​പ്പു​മാ​ണ് ബി​ല്ലിന്‍റെ ക​ര​ട് ഉ​ണ്ടാ​ക്കി​യ​തെ​ന്നും ബി.​ജെ.​പി അ​തി​ൽ കു​റ​ച്ചു കാ​ര്യ​ങ്ങ​ൾ കൂ​ട്ടി​ച്ചേ​ർ​ക്കു​ക മാ​ത്ര​മാ​ണ് ചെ​യ്ത​തെ​ന്ന് നി​യ​മ മ​ന്ത്രി ജെ.​സി. മ​ധു​സ്വാ​മി വാ​ദി​ച്ചു. 2016 ൽ ​കോ​ൺ​ഗ്ര​സ് സ​ർ​ക്കാ​റി‍െൻറ കാ​ല​ത്താ​ണ് സാ​മൂ​ഹി​ക ക്ഷേ​മ​വ​കു​പ്പും നി​യ​മ ക​മീ​ഷ​നും ചേ​ർ​ന്ന് ക​ര​ട് ബി​ല്ലു​ണ്ടാ​ക്കി​യ​ത്. എ​ന്നാ​ൽ, അ​ത് മ​ന്ത്രി​സ​ഭ​യി​ൽ അ​വ​ത​രി​പ്പി​ച്ചി​ല്ലെ​ന്നും അ​തേ ബി​ല്ലാ​ണി​പ്പോ​ൾ ഒ​ന്നോ ര​ണ്ടോ കാ​ര്യ​ങ്ങ​ൾ കൂ​ടി ചേ​ർ​ത്ത് അ​വ​ത​രി​പ്പി​ച്ച​ത്.

അ​ന്ന​ത്തെ മു​ഖ്യ​മ​ന്ത്രി സി​ദ്ധ​രാ​മ​യ്യ​യാ​ണ് നി​യ​മ​ക​മീ​ഷ​നോ​ട് ക​ര​ട് ബി​ല്ലു​ണ്ടാ​ക്കാ​ൻ നി​ർ​ദേ​ശി​ച്ച​ത്. ക​ര​ട് ബി​ൽ ഉ​ണ്ടാ​ക്കു​ക​യും അ​ത് പ​രി​ശോ​ധി​ക്കു​ക​യും ചെ​യ്തി​രു​ന്നു​വെ​ന്നും മ​ധു​സ്വാ​മി പ​റ​ഞ്ഞു. മ​ത​പ​രി​വ​ർ​ത്ത​ന നി​രോ​ധ​ന ബി​ൽ ബി.​ജെ.​പി സ​ർ​ക്കാ​ർ കൊ​ണ്ടു​വ​രു​ന്ന​തി​നെ കോ​ൺ​ഗ്ര​സ് അം​ഗ​ങ്ങ​ളി​ലൊ​രാ​ൾ ചോ​ദ്യം ചെ​യ്ത​പ്പോ​ഴാ​യി​രു​ന്നു മ​ധു​സ്വാ​മി​യു​ടെ പ്ര​തി​ക​ര​ണം.

ഇ​തോ​ടെ മ​ന്ത്രി​യു​ടെ പ്ര​സ്താ​വ​ന​ക്കെ​തി​രെ കോ​ൺ​ഗ്ര​സ് അം​ഗ​ങ്ങ​ൾ പ്ര​തി​ഷേ​ധ​മു​യ​ർ​ത്തി. അ​ന്ന​ത്തെ മു​ഖ്യ​മ​ന്ത്രി​യും ഇ​പ്പോ​ൾ പ്ര​തി​പ​ക്ഷ നേ​താ​വു​മാ​യി സി​ദ്ധ​രാ​മ​യ്യ മ​ധു​സ്വാ​മി​യു​ടെ വാ​ദ​ത്തെ ത​ള്ളി​ക്ക​ള​ഞ്ഞു. ത‍‍െൻറ സ​ർ​ക്കാ​റി‍െൻറ കാ​ല​ത്ത് അ​ത്ത​ര​മൊ​രു ബി​ൽ അ​വ​ത​രി​പ്പി​ക്കു​ക​യോ ച​ർ​ച്ച ചെ​യ്യു​ക​യോ മ​ന്ത്രി​സ​ഭ യോ​ഗ​ത്തി​ൽ പാ​സാ​ക്കു​ക​യോ ചെ​യ്തി​ട്ടി​ല്ലെ​ന്ന് സി​ദ്ധ​രാ​മ​യ്യ പ​റ​ഞ്ഞു.

2016 ൽ ​ത​യാ​റാ​ക്കി​യ ക​ര​ടു​രേ​ഖ​യും ഇ​പ്പോ​ഴ​ത്തെ ബി.​ജെ.​പി സ​ർ​ക്കാ​ർ കൊ​ണ്ടു​വ​ന്ന ബി​ല്ലും ത​മ്മി​ൽ വ​ള​രെ​യ​ധി​കം വ്യ​ത്യാ​സ​മു​ണ്ടെ​ന്നും സി​ദ്ധ​രാ​മ​യ്യ പ​റ​ഞ്ഞു. അ​ന്ന് ബി​ൽ പ​രി​ശോ​ധി​ച്ചി​ട്ടു​ണ്ടെ​ങ്കി​ൽ തെ​ളി​വ് ഹാ​ജ​രാ​ക്കാ​നും സി​ദ്ധ​രാ​മ​യ്യ മ​ധു​സ്വാ​മി​യെ വെ​ല്ലു​വി​ളി​ച്ചു. ബി​ല്ലി​നെ​തി​രെ കോ​ൺ​ഗ്ര​സ് അം​ഗ​ങ്ങ​ളും ജെ.​ഡി-​എ​സ് അം​ഗ​ങ്ങ​ളും നി​യ​മ​സ​ഭ​യി​ൽ പ്ര​തി​ഷേ​ധം ഉ​ന്ന​യി​ച്ചു.

പ്ര​ത്യേ​ക വി​ഭാ​ഗ​ത്തെ ല​ക്ഷ്യ​മി​ട്ടാ​ണ് ബി.​ജെ.​പി സ​ർ​ക്കാ​ർ മ​ത​പ​രി​വ​ർ​ത്ത​ന നി​രോ​ധ​ന നി​യ​മം കൊ​ണ്ടു​വ​രു​ന്ന​തെ​ന്ന് കോ​ൺ​ഗ്ര​സ് അം​ഗ​ങ്ങ​ൾ ആ​രോ​പി​ച്ചു. എ​ന്നാ​ൽ, വോ​ട്ട് ബാ​ങ്ക് ല​ക്ഷ്യ​മി​ട്ടാ​ണ് കോ​ൺ​ഗ്ര​സ് ബി​ല്ലി​നെ എ​തി​ർ​ക്കു​ന്ന​തെ​ന്ന് ബി.​ജെ.​പി അം​ഗ​ങ്ങ​ൾ പ​റ​ഞ്ഞു.