അഴിമതിയാരോപണം ഉന്നയിച്ച കരാറുകാരന്‍റെ മരണം: കർണാടക മന്ത്രി ഈശ്വരപ്പ രാജി പ്രഖ്യാപിച്ചു

ബംഗളൂരു: ക​രാ​റു​കാ​ര​നും ബി.​ജെ.​പി പ്ര​വ​ർ​ത്ത​ക​നു​മാ​യ ബെ​ള​ഗാ​വി സ്വ​ദേ​ശി സ​ന്തോ​ഷ്​ പാ​ട്ടീ​ലി​ന്‍റെ മ​ര​ണ​വു​മാ​യി ബ​ന്ധ​പ്പെ​ട്ട്​ പൊ​ലീ​സ്​ കേ​സെ​ടു​ത്തതിന് പിന്നാലെ ക​ർ​ണാ​ട​ക ഗ്രാ​മീ​ണ വി​ക​സ​ന - പ​ഞ്ചാ​യ​ത്തീ​രാ​ജ്​ മ​ന്ത്രി കെ.​എ​സ്. ഈ​ശ്വ​ര​പ്പ രാജി പ്രഖ്യാപിച്ചു. രാജിക്കത്ത് വെള്ളിയാഴ്ച മുഖ്യമന്ത്രി ബസവരാജ് ബൊമ്മെക്ക് കൈമാറും.

സ​ന്തോ​ഷി​ന്‍റെ ബ​ന്ധു പ്ര​ശാ​ന്ത്​ പാ​ട്ടീ​ൽ ന​ൽ​കി​യ പ​രാ​തി​യി​ൽ ആ​ത്​​മ​ഹ​ത്യ പ്രേ​ര​ണ കു​റ്റം (ഐ.​പി.​സി 306 വ​കു​പ്പ്) ചു​മ​ത്തി​യാ​ണ്​ ബി.​ജെ.​പി മ​ന്ത്രി​ക്കും സ​ഹാ​യി​ക​ളാ​യ ബ​സ​വ​രാ​ജു, ര​മേ​ശ്​ എ​ന്നി​വ​ർ​ക്കു​മെ​തി​രെ ഉ​ഡു​പ്പി പൊ​ലീ​സ്​ കേ​​സ്​ ര​ജി​സ്റ്റ​ർ ചെ​യ്ത​ത്. ക​രാ​ർ പ്ര​വൃ​ത്തി​ക്ക്​ 40 ശ​ത​മാ​നം ക​മീ​ഷ​ൻ മ​ന്ത്രി​യും സ​ഹാ​യി​ക​ളും ആ​വ​ശ്യ​പ്പെ​ട്ട​താ​യി പ​രാ​തി ഉ​ന്ന​യി​ച്ച സ​ന്തോ​ഷ്​ പാ​ട്ടീ​ലി​നെ ചൊ​വ്വാ​ഴ്ച രാ​വി​ലെ ഉ​ഡു​പ്പി​യി​ലെ ഹോ​ട്ട​ൽ മു​റി​യി​ൽ വി​ഷം​ക​ഴി​ച്ചു മ​രി​ച്ച​നി​ല​യി​ൽ ക​ണ്ടെ​ത്തു​ക​യാ​യി​രു​ന്നു. മ​ര​ണ​ത്തി​ന്​ ഉ​ത്ത​ര​വാ​ദി മ​ന്ത്രി ഈ​ശ്വ​ര​പ്പ​യാ​ണെ​ന്ന്​ സൂ​ചി​പ്പി​ച്ചു​ള്ള സ​ന്ദേ​ശം സ​ന്തോ​ഷ്​ സു​ഹൃ​ത്തി​ന്​ അ​യ​ച്ചി​രു​ന്നു.

ബെ​ള​ഗാ​വി ഹി​ന്ദ​ള​ഗ ഗ്രാ​മ​ത്തി​ൽ പൂ​ർ​ത്തി​യാ​ക്കി​യ ക​രാ​ർ പ്ര​വൃ​ത്തി​യു​ടെ തു​ക​ 40 ശ​ത​മാ​നം ക​മീ​ഷ​ൻ ന​ൽ​കാ​ത്ത​തി​ന്‍റെ പേ​രി​ൽ അ​നു​വ​ദി​ച്ചി​ല്ലെ​ന്നാണ് മ​ന്ത്രി​ക്കെ​തി​രാ​യ ആ​രോ​പ​ണം. ഈ​ശ്വ​ര​പ്പ​യെ മ​ന്ത്രി​സ​ഭ​യി​ൽ​നി​ന്ന്​ പു​റ​ത്താ​ക്ക​ണ​മെ​ന്ന്​ ആ​വ​ശ്യ​പ്പെ​ട്ട്​ ക​ർ​ണാ​ട​ക കോ​ൺ​ഗ്ര​സ്​ നേ​താ​ക്ക​ൾ രാ​ജ്​​ഭ​വ​നി​ലെ​ത്തി ഗ​വ​ർ​ണ​ർ താ​വ​ർ​ച​ന്ദ്​ ഗ​ഹ്​​ലോ​ട്ടി​നെ കണ്ടിരുന്നു. മ​ന്ത്രി​യു​ടെ രാ​ജി ആ​വ​ശ്യ​പ്പെ​ട്ട്​ സം​സ്ഥാ​ന​ത്ത്​ കോ​ൺ​ഗ്ര​സി​ന്‍റെ നേ​തൃ​ത്വ​ത്തി​ൽ വ്യാ​പ​ക പ്ര​തി​ഷേ​ധവും അ​ര​ങ്ങേ​റിയിരുന്നു. ​

ഈ​ശ്വ​ര​പ്പ​ക്കെ​തി​രാ​യ അ​ഴി​മ​തി ആ​രോ​പ​ണ​വു​മാ​യി സ​ന്തോ​ഷ്​ പ്ര​ധാ​ന​മ​ന്ത്രി ​ന​രേ​ന്ദ്ര മോ​ദി, ആ​ഭ്യ​ന്ത​ര​മ​ന്ത്രി അ​മി​ത്​ ഷാ, ​ഗ്രാ​മീ​ണ വി​ക​സ​ന മ​ന്ത്രി ഗി​രി​രാ​ജ്​ സി​ങ്​ എ​ന്നി​വ​ർ​ക്ക്​ ക​ത്തെ​ഴു​തി​യി​രു​ന്നു. വി​ഷ​യ​ത്തി​ൽ വി​ശ​ദീ​ക​ര​ണം ആ​വ​ശ്യ​പ്പെ​ട്ട്​ മ​ന്ത്രി ഗി​രി​രാ​ജ്​ സി​ങ്​ ക​ർ​ണാ​ട​ക സ​ർ​ക്കാ​റി​ന്​ ക​ത്തു​ന​ൽ​കി​യെ​ങ്കി​ലും അ​ത്ത​ര​മൊ​രു ക​രാ​ർ ഏ​ൽ​പി​ച്ചി​ട്ടി​ല്ലെ​ന്നാ​യി​രു​ന്നു ഈ​ശ്വ​ര​പ്പ​യു​ടെ വ​കു​പ്പ്​ ന​ൽ​കി​യ മ​റു​പ​ടി.

എ​ന്നാ​ൽ, ഈ​ശ്വ​ര​പ്പ ന​ൽ​കി​യ ഉ​റ​പ്പി​ലാ​ണ്​ ഹി​ന്ദ​ള​ഗ ഗ്രാ​മ​ത്തി​ൽ 108 പ്ര​വൃ​ത്തി​ക​ൾ താ​ൻ പൂ​ർ​ത്തി​യാ​ക്കി​യ​തെ​ന്നും എ​ന്നാ​ൽ, ക​രാ​ർ സം​ബ​ന്ധി​ച്ച ഉ​ത്ത​ര​വ്​ കൈ​മാ​റു​ക​യോ പ​ണം ന​ൽ​കു​ക​യോ ചെ​യ്യാ​ത്ത​തി​നാ​ൽ താ​ൻ ക​ട​ക്കെ​ണി​യി​ലാ​യെ​ന്നു​മാ​ണ്​ സ​ന്തോ​ഷ്​ ക​ത്തി​ൽ സൂ​ചി​പ്പി​ച്ചി​രു​ന്ന​ത്.

പ്ര​ശ്ന​ത്തി​ന്​ പ​രി​ഹാ​രം കാ​ണാ​ത്ത പ​ക്ഷം ആ​ത്​​മ​ഹ​ത്യ​യ​ല്ലാ​തെ മ​റ്റു വ​ഴി​ക​ളി​ല്ലെ​ന്നും ക​ത്തി​ൽ പ​റ​ഞ്ഞി​രു​ന്നു. പ​ണം അ​നു​വ​ദി​ക്ക​ണ​മെ​ന്നാ​വ​ശ്യ​പ്പെ​ട്ട്​ ഈ​ശ്വ​ര​പ്പ​യെ 80 ത​വ​ണ സ​ന്തോ​ഷ്​ ക​ണ്ടെ​ന്നും മ​റ്റു പ​ല ബി.​ജെ.​പി നേ​താ​ക്ക​ളെ​യും സ​മീ​പി​ച്ചി​രു​ന്ന​താ​യും സ​ന്തോ​ഷി​ന്‍റെ ബ​ന്ധു​ക്ക​ൾ പ​റ​യു​ന്നു.

ത​ന്‍റെ ഭാ​ഗ​ത്തു​നി​ന്ന്​ ഒ​രു വീ​ഴ്ച​യും സം​ഭ​വി​ച്ചി​ട്ടി​ല്ലെ​ന്നും രാ​ജി​വെ​ക്കി​ല്ലെ​ന്നുമാണ് ഇന്നലെ വരെ ഈ​ശ്വ​ര​പ്പ പറഞ്ഞിരുന്നത്. ത​ന്നെ അ​പ​മാ​നി​ച്ച​തു​കൊ​ണ്ടാ​ണ്​ മാ​ന​ന​ഷ്ട​കേ​സ്​ ഫ​യ​ൽ ചെ​യ്ത​​തെ​ന്നും അ​തി​നെ നി​യ​മ​പ​ര​മാ​യി നേ​രി​ടു​ന്ന​തി​ന്​ പ​ക​രം സ​ന്തോ​ഷ്​ പാ​ട്ടീ​ൽ മ​ര​ണം വ​രി​ക്കു​ക​യാ​യി​രു​ന്നെ​ന്നും ഈ​ശ്വ​ര​പ്പ പ​റ​ഞ്ഞിരുന്നു. സം​ഭ​വ​ത്തി​ൽ ഗൂ​ഢാ​ലോ​ച​ന​യു​ണ്ടെ​ന്നും അ​ന്വേ​ഷ​ണം വേ​ണ​മെ​ന്നും അ​ദ്ദേ​ഹം ആ​വ​ശ്യ​പ്പെ​ട്ടു.