മാസ്ക് ധരിക്കാതെ പൊതുപരിപാടിയിൽ പ​ങ്കെടുത്ത് കർണാടക മന്ത്രി; മോദിയുടെ പരാമർശം കടമെടുത്ത് വിശദീകരണം

ബെലഗാവി: രാജ്യത്ത് കോവിഡിന്റെ മൂന്നാംതരംഗം രൂക്ഷമാകുന്നതിനിടെ മാസ്ക് ധരിക്കാതെ പൊതുപരിപാടിയിൽ പ​​ങ്കെടുത്ത് കർണാടക മന്ത്രി. മാസ്ക് ധരിക്കുന്നത് ഓരോ വ്യക്തിയുടെയും ഉത്തരവാദിത്തമാണെന്ന പ്രധാനമന്ത്രി നരേന്ദ്രമോദിയുടെ വാക്കുകൾ കടമെടുത്തായിരുന്നു മന്ത്രി ഉമേഷ് കട്ടിയുടെ ന്യായീകരണം.

'യാതൊരുവിധ നിയന്ത്രണങ്ങളും ഏർപ്പെടുത്തില്ലെന്നും മാസ്ക് ധരിക്കുന്നത് വ്യക്തികളുടെ ഉത്തരവാദിത്തമാ​െണന്നും പ്രധാനമ​ന്ത്രി നരേന്ദ്രമോദി അറിയിച്ചിരുന്നു. മാസ്ക് ധരി​ക്കണമെന്ന് തോന്നുന്നവർക്ക് അവ ധരിക്കാം. എനിക്ക് മാക്സ് ധരിക്കാൻ താൽപര്യമില്ല, അതിനാൽ ധരിക്കുന്നില്ല. അത് എന്റെ വ്യക്തിപരമായ തീരുമാനമാണ്' -കർണാടക മന്ത്രി മാധ്യമങ്ങളോട് പറഞ്ഞു.

സംസ്ഥാന മന്ത്രിസഭയിൽ ഭക്ഷ്യ, പൊതുവിതരണ, വനം വകുപ്പുകളാണ് ബി.ജെ.പി നേതാവായ ഉമേഷ് കട്ടി കൈകാര്യം ​ചെയ്യുന്നത്. രാജ്യത്ത് ഏറ്റവും കൂടുതൽ കോവിഡ് കേസുകൾ റിപ്പോർട്ട് ചെയ്യുന്ന സംസ്ഥാനങ്ങളിലൊന്നാണ് കർണാടക. അതിനിടെ മാസ്ക് ധരിക്കാതെ മന്ത്രി തന്നെ പൊതുപരിപാടികളിൽ പ​ങ്കെടുക്കുന്നുവെന്ന വിമർശനവും ഉയരുന്നുണ്ട്. 41,457 പേർക്കാണ് കഴിഞ്ഞദിവസം കർണാടകയിൽ കോവിഡ് സ്ഥിരീകരിച്ചത്. 22.30 ശതമാനമാണ് പോസിറ്റിവിറ്റി നിരക്ക്.