ക​ർ​ണാ​ട​ക​യു​ടെ വി​ധി​നി​ർ​ണ​യി​ക്കു​ന്ന വൊ​ക്ക​ലി​ഗ ഹൃ​ദ​യ​ഭൂ​മി

ബം​ഗ​ളൂ​രു: ഓ​രോ തെ​ര​ഞ്ഞെ​ടു​പ്പ് ക​ഴി​യും​തോ​റും ക്ഷ​യി​ച്ചു​കൊ​ണ്ടി​രി​ക്കു​ന്ന ജ​ന​താ​ദ​ൾ- സെ​ക്കു​ല​റി​ന് (ജെ.​ഡി-​എ​സ്) ഇ​ത്ത​വ​ണ ക​ർ​ണാ​ട​ക​യി​ൽ ബി.​ജെ.​പി​ക്കൊ​പ്പ​മു​ള്ള മ​ത്സ​രം നി​ല​നി​ൽ​പി​ന്റെ പോ​രാ​ട്ട​മാ​ണ്. 2019 ലോ​ക്സ​ഭ തെ​ര​ഞ്ഞെ​ടു​പ്പി​ൽ കോ​ൺ​ഗ്ര​സി​നൊ​പ്പം സ​ഖ്യ​മാ​യി മ​ത്സ​രി​ച്ച് പ​രാ​ജ​യ​പ്പെ​ട്ട പ​രീ​ക്ഷ​ണം ഇ​ത്ത​വ​ണ ബി.​ജെ.​പി​ക്കൊ​പ്പം ആ​വ​ർ​ത്തി​ക്കു​മ്പോ​ൾ എ​ച്ച്.​ഡി. ദേ​വ​ഗൗ​ഡ​യു​ടെ മു​ഴു​വ​ൻ പ്ര​തീ​ക്ഷ​യും വൊ​ക്ക​ലി​ഗ ഹൃ​ദ​യ​ഭൂ​മി​യാ​യ പ​ഴ​യ മൈ​സൂ​രു മേ​ഖ​ല​യി​ലാ​ണ്.

കോ​ൺ​ഗ്ര​സി​ന്റെ​യും ജെ.​ഡി-​എ​സി​ന്റെ​യും ശ​ക്തി​കേ​ന്ദ്ര​മാ​ണ് ഈ ​മേ​ഖ​ല. വ​ട​ക്ക​ൻ ക​ർ​ണാ​ട​ക​യി​ൽ ലിം​ഗാ​യ​ത്ത് സ​മു​ദാ​യം നി​ർ​ണാ​യ​ക​മെ​ന്ന​തു​പോ​ലെ ഇ​വി​ടം വൊ​ക്ക​ലി​ഗ സ​മു​ദാ​യ​ത്തി​ന്റെ സാ​ന്നി​ധ്യ മേ​ഖ​ല​യാ​ണ്. ക​ർ​ഷ​ക സ​മു​ദാ​യ​മാ​യ വൊ​ക്ക​ലി​ഗ​രു​ടെ ബ​ല​ത്തി​ലാ​ണ് ക​ർ​ഷ​ക പാ​ർ​ട്ടി​യെ​ന്ന് സ്വ​യം വി​ശേ​ഷി​പ്പി​ക്കു​ന്ന ജെ.​ഡി-​എ​സ് ഇ​ത്ര​യും കാ​ലം ക​ർ​ണാ​ട​ക രാ​ഷ്ട്രീ​യ​ത്തി​ൽ നി​ല​നി​ന്ന​ത്.

എ​ന്നാ​ൽ, ക​ർ​ഷ​ക​രെ മ​റ​ന്ന് കു​ടും​ബ​ത്തി​ലേ​ക്ക് മാ​ത്രം ശ്ര​ദ്ധ​യൂ​ന്നി​യ ദേ​വ​ഗൗ​ഡ​യും മ​ക​ൻ കു​മാ​ര​സ്വാ​മി​യും കാ​ൽ​ചു​വ​ട്ടി​ലെ മ​ണ്ണൊ​ലി​ച്ചു പോ​കു​ന്ന​ത് ത​ട​യാ​നാ​വാ​തെ​യാ​ണ് എ​ൻ.​ഡി.​എ​യി​ൽ അ​ഭ​യം തേ​ടി​യി​രി​ക്കു​ന്ന​ത്. ജെ.​ഡി-​എ​സി​നെ നെ​ടു​കെ പി​ള​ർ​ത്തി​യ സ​ഖ്യ​തീ​രു​മാ​നം ദേ​വ​ഗൗ​ഡ​യു​ടെ കു​ടും​ബ​ത്തേ​ക്കാ​ളു​പ​രി ബി.​ജെ.​പി​ക്കാ​ണ് ഗു​ണം ചെ​യ്യു​ക എ​ന്ന​റി​യാ​ൻ ജൂ​ൺ നാ​ല് വ​രെ കാ​ത്തി​രി​ക്കേ​ണ്ട.

ലോ​ക്സ​ഭ തെ​ര​ഞ്ഞെ​ടു​പ്പി​ന് ക​ർ​ണാ​ട​ക​യി​ൽ മാ​ത്ര​മു​ള്ള സ​ഖ്യ​മെ​ന്നാ​യി​രു​ന്നു ദേ​വ​ഗൗ​ഡ തു​ട​ക്ക​ത്തി​ൽ വി​ശ​ദീ​ക​രി​ച്ച​ത്. എ​ന്നാ​ൽ, ലോ​ക്സ​ഭ തെ​ര​ഞ്ഞെ​ടു​പ്പ് ക​ഴി​ഞ്ഞാ​ലും സ​ഖ്യം തു​ട​രു​മെ​ന്ന് ബി.​ജെ.​പി നേ​താ​വ് ബി.​എ​സ്. യെ​ദി​യൂ​ര​പ്പ വ്യ​ക്ത​മാ​ക്കു​മ്പോ​ൾ വൊ​ക്ക​ലി​ഗ ബെ​ൽ​റ്റി​ൽ ദീ​ർ​ഘ​മാ​യ ഭാ​വി പ​ദ്ധ​തി​ക​ളാ​ണ് ബി.​ജെ.​പി​യു​ടെ പ്ലാ​നെ​ന്ന് വ്യ​ക്തം. ക​ർ​ണാ​ട​ക ജ​ന​സം​ഖ്യ​യു​ടെ 16 ശ​ത​മാ​നം വ​രും വൊ​ക്ക​ലി​ഗ​ർ.

ക​ർ​ണാ​ട​ക​യി​ൽ ​ഏ​പ്രി​ൽ 26ന് ​ഒ​ന്നാം ഘ​ട്ട തെ​ര​ഞ്ഞെ​ടു​പ്പ് ന​ട​ക്കു​ന്ന 14 മ​ണ്ഡ​ല​ങ്ങ​ളി​ൽ എ​ട്ടും ഉ​ൾ​പ്പെ​ടു​ന്ന​ത് പ​ഴ​യ മൈ​സൂ​രു മേ​ഖ​ല​യി​ലാ​ണ്. 2019ലെ ​ലോ​ക്സ​ഭ തെ​ര​ഞ്ഞെ​ടു​പ്പി​ൽ ബി.​ജെ.​പി ത​രം​ഗ​ത്തി​നി​ട​യി​ലും ജെ.​ഡി-​എ​സി​നും കോ​ൺ​ഗ്ര​സി​നും ഓ​രോ സീ​റ്റ് ന​ൽ​കി മാ​നം കാ​ത്ത​ത് ഈ ​മേ​ഖ​ല​യാ​യി​രു​ന്നു. 2023ലെ ​നി​യ​മ​സ​ഭ തെ​ര​ഞ്ഞെ​ടു​പ്പി​ൽ ഇ​വി​ടെ​യു​ള്ള 61 സീ​റ്റി​ൽ 42 ഉം ​കോ​ൺ​ഗ്ര​സ് പി​ടി​ച്ചി​രു​ന്നു.

ജെ.​ഡി-​എ​സി​ന് 13 ഉം ​ബി.​ജെ.​പി​ക്ക് നാ​ലും സീ​റ്റ് ല​ഭി​ച്ചു. ഒ​രു സീ​റ്റി​ൽ കോ​ൺ​ഗ്ര​സ് പി​ന്തു​ണ​ച്ച ക​ർ​ഷ​ക പാ​ർ​ട്ടി പ്ര​തി​നി​ധി​യും ഒ​രെ​ണ്ണം സ്വ​ത​​ന്ത്ര​നും നേ​ടി. മു​ഖ്യ​മ​ന്ത്രി സി​ദ്ധ​രാ​മ​യ്യ​യു​ടെ​യും ഉ​പ​മു​ഖ്യ​മ​ന്ത്രി​യും ക​ർ​ണാ​ട​ക കോ​ൺ​ഗ്ര​സ് അ​ധ്യ​ക്ഷ​നു​മാ​യ ഡി.​കെ. ശി​വ​കു​മാ​റി​ന്റെ​യും ത​ട്ട​കം​കൂ​ടി​യാ​ണി​ത്.

ഡി.​കെ. ശി​വ​കു​മാ​ർ മു​ഖ്യ​മ​ന്ത്രി​യാ​വു​മെ​ന്ന് പ്ര​തീ​ക്ഷി​ച്ച് നി​യ​മ​സ​ഭ തെ​ര​ഞ്ഞെ​ടു​പ്പി​ൽ വൊ​ക്ക​ലി​ഗ വോ​ട്ടു​ക​ൾ കോ​ൺ​ഗ്ര​സി​ലേ​ക്ക് കേ​ന്ദ്രീ​ക​രി​ച്ചി​രു​ന്നു. ലോ​ക്സ​ഭ തെ​ര​ഞ്ഞെ​ടു​പ്പി​ലും കോ​ൺ​ഗ്ര​സ് നേ​ട്ടം ആ​വ​ർ​ത്തി​ച്ചാ​ൽ അ​ത് പു​ല​രു​മെ​ന്ന സൂ​ച​ന​യാ​ണ് ശി​വ​കു​മാ​ർ വൊ​ക്ക​ലി​ഗ കേ​ന്ദ്ര​ങ്ങ​ൾ​ക്ക് ന​ൽ​കു​ന്ന​ത്.

വൊ​ക്ക​ലി​ഗ കേ​ന്ദ്ര​ങ്ങ​ളി​ൽ ജെ.​ഡി-​എ​സി​ന്റെ ത​ണ​ലി​ൽ ബി.​ജെ.​പി ന​ട​ത്തു​ന്ന നു​ഴ​ഞ്ഞു​ക​യ​റ്റം കോ​ൺ​ഗ്ര​സി​ന്റെ സ​മാ​ധാ​നം കെ​ടു​ത്തു​ന്നു​ണ്ട്. ഒ​ന്നാം ഘ​ട്ട തെ​ര​ഞ്ഞെ​ടു​പ്പ് ന​ട​ക്കു​ന്ന മ​ണ്ഡ​ല​ങ്ങ​ളി​ലെ 14 എ​ൻ.​ഡി.​എ സ്ഥാ​നാ​ർ​ഥി​ക​ളെ​യും കൊ​ണ്ട് ക​ർ​ണാ​ട​ക​യി​ലെ പു​തു​വ​ർ​ഷ​മാ​യ ഉ​ഗാ​ദി ദി​ന​ത്തി​ൽ കു​മാ​ര​സ്വാ​മി, പ്ര​ശ​സ്ത വൊ​ക്ക​ലി​ഗ മ​ഠ​മാ​യ ആ​ദി ചു​ഞ്ച​ന​ഗി​രി​യി​ലെ​ത്തി സ്വാ​മി നി​ർ​മ​ലാ​ന​ന്ദ​നാ​ഥ സ്വാ​മി​യു​ടെ അ​നു​ഗ്ര​ഹം തേ​ടി​യി​രു​ന്നു.

വൊ​ക്ക​ലി​ഗ മ​ഠ​ങ്ങ​ളെ തെ​ര​ഞ്ഞെ​ടു​പ്പ് പ്ര​ചാ​ര​ണ​ത്തി​നാ​യി ഉ​പ​യോ​ഗി​ക്കു​ന്ന​ത് വി​ല​കെ​ട്ട രാ​ഷ്ട്രീ​യ​മാ​ണെ​ന്ന് ബി.​ജെ.​പി എം.​പി​യും വൊ​ക്ക​ലി​ഗ നേ​താ​വു​മാ​യ സ​ദാ​ന​ന്ദ ഗൗ​ഡ ത​ന്നെ പ​ര​സ്യ വി​മ​ർ​ശ​ന​മു​ന്ന​യി​ച്ചു. 2019ൽ ​വൊ​ക്ക​ലി​ഗ മു​ഖ്യ​മ​​ന്ത്രി​യെ ഓ​പ​റേ​ഷ​ൻ താ​മ​ര​യി​ലൂ​ടെ വീ​ഴ്ത്തി​യ​വ​രാ​ണ് ഇ​പ്പോ​ൾ സ​മു​ദാ​യ മ​ഠ​ത്തി​ൽ അ​ഭ​യം തേ​ടു​ന്ന​തെ​ന്ന് ഡി.​​കെ. ശി​വ​കു​മാ​റും വി​മ​ർ​ശി​ച്ചു.

ഇ​ത്ത​വ​ണ ജെ.​ഡി-​എ​സ് മ​ത്സ​രി​ക്കു​ന്ന മൂ​ന്നു സീ​റ്റു​ക​ളി​ൽ ര​ണ്ടെ​ണ്ണ​ത്തി​ലും ദേ​വ​ഗൗ​ഡ കു​ടും​ബ​മാ​ണ്. മാ​ണ്ഡ്യ​യി​ൽ മ​ക​ൻ എ​ച്ച്.​ഡി. കു​മാ​ര​സ്വാ​മി​യും ഹാ​സ​നി​ൽ പൗ​ത്ര​ൻ പ്ര​ജ്വ​ൽ രേ​വ​ണ്ണ​യും. കോ​ൺ​ഗ്ര​സി​ന്റെ ഏ​ക സി​റ്റി​ങ് സീ​റ്റാ​യ ബം​ഗ​ളൂ​രു റൂ​റ​ലി​ൽ ഡി.​കെ. ശി​വ​കു​മാ​റി​ന്റെ സ​ഹോ​ദ​ര​ൻ ഡി.​​കെ. സു​രേ​ഷി​നെ​തി​രെ ദേ​വ​ഗൗ​ഡ​യു​ടെ മ​രു​മ​ക​നും പ്ര​ശ​സ്ത കാ​ർ​ഡി​യോ​ള​ജി​സ്റ്റു​മാ​യ ഡോ. ​സി.​എ​ൻ. മ​ഞ്ജു​നാ​ഥി​നെ ബി.​ജെ.​പി ചി​ഹ്ന​ത്തി​ലും മ​ത്സ​രി​പ്പി​ക്കു​ന്നു.

വൊ​ക്ക​ലി​ഗ സ​മു​ദാ​യ​ത്തി​ന്റെ രാ​ഷ്ട്രീ​യ ക​ടി​ഞ്ഞാ​ണി​നാ​യി ഗൗ​ഡ കു​ടും​ബ​വും ഡി.​കെ. ശി​വ​കു​മാ​റും ന​ട​ത്തു​ന്ന ഒ​ളി​പ്പോ​രു​കൂ​ടി​യാ​ണ് ഈ ​തെ​ര​ഞ്ഞെ​ടു​പ്പ്. എ​ല്ലാ അ​ഭി​പ്രാ​യ വ്യ​ത്യാ​സ​ങ്ങ​ളും മാ​റ്റി​വെ​ച്ച് നി​യ​മ​സ​ഭ തെ​ര​ഞ്ഞെ​ടു​പ്പി​ലെ​ന്ന​പോ​ലെ ലോ​ക്സ​ഭ തെ​ര​ഞ്ഞെ​ടു​പ്പി​ലും പ്ര​ചാ​ര​ണ​ത്തി​ൽ ഒ​റ്റ​ക്കെ​ട്ടാ​യ ശി​വ​കു​മാ​റും സി​ദ്ധ​രാ​മ​യ്യ​യും ചേ​ർ​ന്ന് പ​ഴ​യ മൈ​സൂ​രു തി​രി​ച്ചു​പി​ടി​ക്കു​മെ​ന്നാ​ണ് കോ​ൺ​ഗ്ര​സി​ന്റെ പ്ര​തീ​ക്ഷ.