അഴഗിരിയുടെ നേതൃത്വത്തിൽ പുതിയ പാർട്ടി; തമിഴ്​നാട്​ പിടിക്കാൻ ബി.ജെ.പിയുടെ പുതിയ പദ്ധതി

ചെന്നൈ: കരുണാനിധിയുടെ മകനും ഡി.എം.കെ പ്രസിഡൻറ്​ എം.കെ സ്റ്റാലി​െൻറ സഹോദരനുമായ എം.കെ അഴഗിരി ബി.ജെ.പിയുടെ തണലിൽ പുതിയ പാർട്ടി പ്രഖ്യാപിക്കാനൊരുങ്ങുന്നു. പദ്ധതി ആസൂ​ത്രണം ചെയ്യാനും അഴഗിരിയുമായുള്ള ചർച്ചക്കും കേന്ദ്ര ആഭ്യന്തര മന്ത്രി അമിത്​ഷാ നവംബർ 21 ന്​ ചെന്നൈയിലെത്തുമെന്നാണ്​ സ്​ഥിരീകരിക്കാത്ത വിവരം. ബി.ജെ.പിയുമായി ചർച്ചകൾ നടക്കു​ന്നുണ്ടെന്ന്​ അഴഗിരിയുമായി ബന്ധപ്പെട്ടവരെ ഉദ്ധരിച്ച്​ വാർത്തകൾ പുറത്തുവരുന്നുണ്ടെങ്കിലും തമിഴ്​നാട്​ ബി.ജെ.പി നേതൃത്വം ഇത്​ സ്​ഥിരീകരിച്ചിട്ടില്ല.

'കലൈഞ്ജര്‍ ഡി.എം.കെ'അഥവാ 'കെ.ഡി.എം.കെ' എന്നായിരിക്കും പുതിയ പാര്‍ട്ടിയുടെ പേരെന്നാണ് പുറത്തുവരുന്ന സൂചനകൾ. അഴഗിരിയുടെ മകന്‍ ദയാനിധിയും പുതിയ പാര്‍ട്ടിയിലെ നിർണായക സ്​ഥാനത്തുണ്ടാകുമെന്നാണ്​ റിപ്പോര്‍ട്ടുകള്‍. ചെന്നൈയിൽ അമിത്​ഷായുമായുള്ള ചർച്ച വിജയകരമായാൽ പിന്നീട്​ മധുരയിൽ പാർട്ടി പ്രഖ്യാപനം നടത്താനാണ്​ അഴഗിരിയെ പിന്തുണക്കുന്നവർ പദ്ധതിയിടുന്നത്​.

തമിഴ്നാട്ടില്‍ 2021 ലെ നിയമസഭാ തെരഞ്ഞെടുപ്പിന് മുന്നോടിയായി അഴഗിരിയുമായുള്ള സഖ്യമുണ്ടാക്കി മുന്നണി രൂപികരിക്കാനാണ് ബി.ജെ.പി നീക്കം. സ്​റ്റാലി​െൻറ നേതൃത്വത്തിൽ ഡി.എം.കെ നയിക്കുന്ന മുന്നണി അധികാരത്തിലെത്തുന്നത്​ തടയാൻ എ.​െഎ.ഡി.എം.കെയുമായുള്ള സഖ്യം മതിയാകാതെ വരുമെന്നാണ്​ ബി.ജെ.പി കരുതുന്നത്​. എ.​െഎ.ഡി.എം.കെയുമായി ബി.ജെ.പിക്ക്​ അഭിപ്രായവ്യതാസങ്ങളും വർധിച്ചു വരുന്നുണ്ട്​. വിവിധ കക്ഷികളിലെ നേതാക്കളെ കൂറുമാറ്റി കൂടെ ചേർക്കുന്നതിനുള്ള ശ്രമങ്ങൾ ഇൗ സാഹചര്യത്തിൽ ബി.ജെ.പി സജീവമാക്കിയിട്ടുണ്ട്​. നടിയും കോൺഗ്രസ്​ നേതാവുമായിരുന്ന കുശ്ബുവിനെ ബി.​െജ.പിയിലെത്തിക്കാൻ അവർക്കായിരുന്നു. ​

അഴഗിരി ഒരു കാലത്ത് ഡി.എം.കെയുടെ ശക്തനായ നേതാവും സംസ്ഥാനത്തെ തെക്കന്‍ ജില്ലകളുടെ ചുമതലക്കാരനുമായിരുന്നു. 2014 പാര്‍ട്ടി വിരുദ്ധ പ്രവർത്തനത്തിന്​ ഡി.എം.കെ അഴഗിരിയെ പുറത്താക്കുകയായിരുന്നു. ശേഷം ആറ് വര്‍ഷമായി രാഷ്ട്രീയത്തില്‍ അഴഗിരി ഉണ്ടായിരുന്നില്ല. ഇതിനിടയിൽ​ 2018 ൽ, കരുണാനിധി മരിച്ച ഉടനെ ​ചെന്നൈയിൽ ഒരു പൊതു പരിപാടി മാത്രമാണ്​ അഴഗിരി സംഘടിപ്പിച്ചത്​.