മിണ്ടാട്ടം മുട്ടിയ ഫോണിനും കശ്​മീരിൽ മുറപോലെ ബില്ല്

ശ്രീ​ന​ഗ​ർ: ആ​ഗ​സ്​​റ്റ്​ അ​ഞ്ചു​മു​ത​ൽ ഉ​ബൈ​ദ്​ ന​ബി​യു​ടെ മൊ​ബൈ​ൽ ഫോ​ണി​ൽ​നി​ന്ന്​ ഒ​രു കോ​ളു​പോ​ലു ം പോ​യി​ട്ടി​ല്ല. മി​ണ്ടാ​ട്ടം മു​ട്ടി​യ ആ ​ഫോ​ണി​ലേ​ക്ക്​ ആ​രും അ​യാ​ളെ വി​ളി​ച്ചി​ട്ടു​മി​ല്ല. എ​ന്നാ​ല ും ‘എ​യ​ർ​ടെ​ൽ’ ക​മ്പ​നി അ​യാ​ൾ​ക്ക്​ ബി​ല്ല​യ​ക്കു​ന്ന​തി​ൽ ഒ​രു വീ​ഴ്​​ച​യും വ​രു​ത്തി​യി​ല്ല. 779 രൂ​പ ബി​ ല്ല​ട​ക്കാ​നാ​ണ്​ ഉ​ബൈ​ദി​ന്​ കി​ട്ടി​യ നി​ർ​ദേ​ശം. എ​ന്തു സേ​വ​നം ന​ൽ​കി​യ​തി​നാ​ണ്​ താ​ൻ പ​ണം ന​ൽ​കേ​ണ്ട ​തെ​ന്ന്​ മ​ന​സ്സി​ലാ​കു​ന്നി​ല്ലെ​ന്ന്​ സ​ഫ​ക​ദ​ൽ സ്വ​ദേ​ശി​യാ​യ അ​ദ്ദേ​ഹം പ​റ​യു​ന്നു.
താ​ഴ്​​വ​ര​യി​ൽ ലാ​ൻ​ഡ്​ ഫോ​ണു​ക​ൾ നി​ശ്ച​ല​മാ​യി​ട്ട്​ ഒ​ന്ന​ര​മാ​സം ക​ഴി​ഞ്ഞു. ഇ​ൻ​റ​ർ​നെ​റ്റ്, മൊ​ബൈ​ൽ ഫോ​ൺ സ​ർ​വി​സു​ക​ളു​ടെ​യും അ​വ​സ്ഥ അ​തു​ത​ന്നെ. നി​യ​ന്ത്ര​ണ​ങ്ങ​ളി​ൽ വ​ല​യു​ന്ന ക​ശ്​​മീ​ർ ജ​ന​ത ആ​ശ​യ​വി​നി​മ​യ​ത്തി​ന്​ മാ​ർ​ഗ​ങ്ങ​ളൊ​ന്നു​മി​ല്ലാ​തെ നി​സ്സ​ഹാ​യാ​വ​സ്ഥ​യി​ലാ​ണി​പ്പോ​ൾ. എ​ന്നാ​ൽ, ഈ ​പ​രി​താ​പ​സ്ഥി​തി​യൊ​ന്നും ടെ​ലി​കോം ക​മ്പ​നി​ക​ൾ​ക്ക്​ വി​ഷ​യ​മേ​യ​ല്ല. ഈ ​കാ​ല​യ​ള​വി​ലും ഫോ​ൺ ബി​ല്ലു​ക​ൾ കൃ​ത്യ​മാ​യി ജ​ന​ങ്ങ​ളി​ലേ​ക്കെ​ത്തു​ക​യാ​ണ്. ബി.​എ​സ്.​എ​ൻ.​എ​ൽ മൊ​ബൈ​ൽ ഉ​പ​യോ​ക്താ​വാ​ണ്​ മു​ഹ​മ്മ​ദ്​ ഉ​മ​ർ. പ്ര​തി​മാ​സം 380ഓ​ളം രൂ​പ​യാ​ണ്​ ഇ​തു​വ​രെ ബി​ൽ തു​ക വ​ന്നി​രു​ന്ന​ത്. ഫോ​ണു​ക​ൾ നി​ശ്ച​ല​മാ​യ ക​ഴി​ഞ്ഞ മാ​സ​ക്കാ​ല​യ​ള​വി​ൽ​ പ​ക്ഷേ, 470 രൂ​പ​യു​ടെ ബി​ല്ലാ​ണ്​ ഉ​മ​റി​ന്​ ല​ഭി​ച്ചി​രി​ക്കു​ന്ന​ത്.
സേ​വ​നം ല​ഭ്യ​മ​ല്ലാ​ത്ത കാ​ല​ത്തെ ബി​ൽ തു​ക​യു​ടെ അ​സാം​ഗ​ത്യം സൂ​ചി​പ്പി​ച്ച്​ എ​യ​ർ​ടെ​ൽ, ഐ​ഡി​യ, ജി​യോ അ​ട​ക്ക​മു​ള്ള സ്വ​കാ​ര്യ മൊ​ബൈ​ൽ ഫോ​ൺ അ​ധി​കൃ​ത​ർ​ക്കും ബി.​എ​സ്.​എ​ൻ.​എ​ൽ സി.​ഇ.​ഒ​ക്കു​മൊ​ക്കെ ആ​ളു​ക​ൾ പ​രാ​തി സ​മ​ർ​പ്പി​ക്കു​ന്നു​െ​ണ്ട​ങ്കി​ലും പ്ര​തി​ക​ര​ണ​മൊ​ന്നു​മി​ല്ല. 2016ലെ ​പ്ര​ക്ഷോ​ഭ കാ​ല​ത്തും 2014ലെ ​പ്ര​ള​യ​കാ​ല​ത്തും സ​ർ​വി​സ്​ മു​ട​ങ്ങി​യ​തി​ന്​ ബി​ൽ ഈ​ടാ​ക്കാ​തി​രു​ന്ന രീ​തി മൊ​ബൈ​ൽ ക​മ്പ​നി​ക​ൾ പി​ന്തു​ട​രു​മെ​ന്നാ​ണ്​ ത​ങ്ങ​ൾ ക​രു​തി​യ​തെ​ന്ന്​ ക​ശ്​​മീ​രി​ക​ൾ പ​റ​യു​ന്നു.

ആ​ഗ​സ്​​റ്റ്​ മു​ത​ൽ അ​ട​ഞ്ഞു​കി​ട​ക്കു​ന്ന സ്വ​കാ​ര്യ സ്​​കൂ​ളു​ക​ളും മൊ​ബൈ​ൽ ക​മ്പ​നി​ക​ളു​ടെ വ​ഴി​യേ സ​ഞ്ച​രി​ക്കു​ക​യാ​ണ്. ആ​ഗ​സ്​​റ്റ്, സെ​പ്​​റ്റം​ബ​ർ, ഒ​ക്​​ടോ​ബ​ർ മാ​സ​ങ്ങ​ളി​ലെ ഫീ​സ്​ അ​ട​ക്കാ​ൻ​ അ​വ​ർ ര​ക്ഷി​താ​ക്ക​ൾ​ക്ക്​ നി​ർ​ദേ​ശം ന​ൽ​കി​യി​രി​ക്കു​ക​യാ​ണ്​. ‘ഏ​പ്രി​ൽ ആ​ദ്യ​വാ​രം മു​ത​ൽ എ​​െൻറ മ​ക്ക​ൾ സ്​​കൂ​ളി​ൽ പോ​യി​ട്ടി​ല്ല. എ​ന്നാ​ൽ, മൂ​ന്നു മാ​സ​ത്തെ ഫീ​സ്​ അ​ട​ക്ക​ണ​മെ​ന്ന്​ സ്​​കൂ​ൾ അ​ധി​കൃ​ത​ർ ആ​വ​ശ്യ​പ്പെ​ട്ടി​രി​ക്കു​ക​യാ​ണ്.’ -താ​ഴ്​​വ​ര​യി​ലെ പ്ര​മു​ഖ മി​ഷ​ന​റി സ്​​കൂ​ളി​ൽ ര​ണ്ടു മ​ക്ക​ളെ പ​ഠി​പ്പി​ക്കു​ന്ന ഫാ​റൂ​ഖ്​ അ​ഹ്​​മ​ദ്​ ധ​ർ പ​റ​ഞ്ഞു. ഫീ​സി​നു പു​റ​മെ കു​ട്ടി​ക​ളെ സ്​​കൂ​ളി​ലെ​ത്തി​ക്കു​ന്ന​തി​നു​ള്ള വാ​ഹ​ന വാ​ട​ക​യും ന​ൽ​ക​ണ​മെ​ന്ന്​ ആ​വ​ശ്യ​പ്പെ​ട്ട​ത്​ ധ​റി​നെ​പ്പോ​ലു​ള്ള ര​ക്ഷി​താ​ക്ക​ളെ രോ​ഷം കൊ​ള്ളി​ക്കു​ന്നു. ‘സ്​​കൂ​ൾ അ​ട​ഞ്ഞു​കി​ട​ന്നാ​ലും ജീ​വ​ന​ക്കാ​ർ​ക്ക്​ ശ​മ്പ​ളം ന​ൽ​ക​ണ​മെ​ന്ന​തു​കൊ​ണ്ട്​ ഫീ​സ്​ ആ​വ​ശ്യ​പ്പെ​ടു​ന്ന​തി​ലെ യു​ക്​​തി മ​ന​സ്സി​ലാ​ക്കാം. ഒ​ന്ന​ര മാ​സ​മാ​യി സ്​​കൂ​ൾ ബ​സു​ക​ൾ ഓ​ടാ​ത്ത അ​വ​സ്​​ഥ​യി​ൽ അ​വ​ർ ട്രാ​ൻ​സ്​​പോ​ർ​ട്ട്​ ചാ​ർ​ജ്​ ആ​വ​ശ്യ​പ്പെ​ടു​ന്ന​ത്​ എ​ന്ത​ടി​സ്​​​ഥാ​ന​ത്തി​ലാ​ണ്​?’ -മ​റ്റൊ​രു ര​ക്ഷി​താ​വാ​യ മു​ദ​സ്സി​ർ അ​ഹ്​​മ​ദ്​ ചോ​ദി​ക്കു​ന്നു.