കോവിഡ്​ വ്യാപനം തടയുന്നതിൽ ​കെ.സി.ആർ പരാജയപ്പെട്ടു; രാജി വെക്കണമെന്ന്​ ബി.ജെ.പി എം.എൽ.എ

ഹൈദരാബാദ്​: തെലങ്കാനയിലെ കോവിഡ്​ വ്യാപനവുമായി ബന്ധപ്പെട്ട്​ മുഖ്യമന്ത്രി കെ. ചന്ദ്രശേഖർ റാവു(കെ.സി.ആർ)വിനെതിരെ വിമർശനവുമായി ബി.ജെ.പി എം.എൽ.എ രാജ സിങ്​. സംസ്ഥാനത്ത്​ കോവിഡ്​ വ്യാപനം തടയുന്നതിൽ മുഖ്യമന്ത്രി കെ. ചന്ദ്രശേഖർ റാവു പരാജയ​പ്പെട്ടുവെന്നും സാഹചര്യം കൈകാര്യം ചെയ്യാൻ സാധിക്കുന്നില്ലെങ്കിൽ പദവിയിൽ നിന്ന്​ രാജി വെക്കണമെന്നും രാജ സിങ്​ പറഞ്ഞു. 

‘‘നാല്​ കോടി ജനസംഖ്യയുള്ള തെലങ്കാനയിൽ ആർക്ക്​ കോവിഡ്​ സ്ഥിരീകരിക്കുന്നുവോ അവരെ ഗാന്ധി ആശുപത്രിയിലേക്ക്​ അയക്കുന്നു. ഏതെങ്കിലും രോഗി കോവിഡ്​ ബാധിച്ച്​ മരിച്ചാൽ അവരുടെ ബന്ധുക്കൾ ഡോക്​ടർമാരെ ആക്രമിക്കുന്നു. അതിനാൽ ജൂനിയർ ഡോക്​ടർമാർ ഇന്ന്​ സമരം ചെയ്യുകയാണ്​. ഇത്തരം സംഭവങ്ങൾ കൂടുതലും ഗാന്ധി ആശുപത്രിയിലാണ്​ നടക്കുന്നത്​.  മുഖ്യമന്ത്രി, നിങ്ങൾ ഇതൊന്നും കാണുന്നില്ലേ.? -വിഡിയോ സന്ദേശത്തിൽ രാജ സിങ്​ ചോദിച്ചു.

‘‘നിങ്ങൾ എവിടെയാണെങ്കിലും പുറത്തു വരൂ. എന്നിട്ട്​ തെലങ്കാനയിൽ വൈറസ്​ എങ്ങനെ പടർന്നു പിടിക്കുന്നുവെന്ന്​ നോക്കൂ. സർക്കാർ ആശുപത്രികൾ പരിശോധിച്ച്​ രോഗികളെ എങ്ങനെയാണ്​ ശുശ്രൂഷിക്കുന്നതെന്നും എത്രത്തോളം ഡോക്​ടർമാർ ആക്രമിക്കപ്പെടുന്നുവെന്നും  എത്ര ജനങ്ങൾ മരിക്കുന്നുവെന്നും നോക്കൂ. നിങ്ങൾക്ക്​ ഇത്​ കൈകാര്യം ചെയ്യാൻ സാധിക്കുന്നി​െല്ലങ്കിൽ പദവിയിൽ നിന്ന്​ രാജിവെക്കൂ. അല്ലെങ്കിൽ നിങ്ങളുടെ ഫാം ഹൗസിൽ നിന്ന്​ എത്രയും പെ​ട്ടെന്ന്​ പുറത്തിറങ്ങി ഡോക്​ടർമാർ ആക്രമിക്കപ്പെടുന്ന സർക്കാർ ആശുപത്രികൾ പരിശോധിക്കൂ. ’’ -എം.എൽ.എ കൂട്ടിച്ചേർത്തു.

അതേസമയം, ഡോക്​ടർമാർക്കും മറ്റ്​ ആരോഗ്യ പ്രവർത്തകർക്കും​ നേരെ നടന്ന ആക്രമണങ്ങളെ തെലങ്കാന പ്രദേശ്​ കോൺഗ്രസ്​ കമ്മിറ്റി (ടി.പി.സി.സി) ട്രഷറർ ഗുഡുർ നാരായണ റെഡ്​ഢി അപലപിച്ചു. ടി.ആർ.എസ് സർക്കാർ​ ആണ്​ സംഭവത്തിന്​ ഉത്തരവാദികളെന്ന്​ അദ്ദേഹം കുറ്റപ്പെടുത്തി. 

‘‘മുഖ്യമന്ത്രി കെ.സി.ആറിനും മറ്റ്​ ടി.ആർ.എസ്​ നേതാക്കൾക്കും കോവിഡ്​ 19 കേസുകൾ കേവലം അക്കങ്ങൾ മാത്രമാണ്​. പക്ഷെ കോവിഡ്​ കാരണം പ്രിയപ്പെട്ടവരെ നഷ്​ടപ്പെട്ടവർക്ക്​ ഈ മുഴ​ുവൻ ലോകം തന്നെയാണ്​ നഷ്​ടമായത്​. സംസ്ഥാന സർക്കാർ കേവലം സംഖ്യകൾ മാത്രം നോക്കി നിൽക്കാതെ കുടുംബങ്ങളോട്​ അൽപം സഹാനുഭൂതി കാണിക്കണം.’’ -റെഡ്​ഢി പറഞ്ഞു.