സമരക്കാരെ ഡൽഹിയിലേക്ക്​ കടത്തിവിടണം -കെജ്​രിവാൾ

ന്യൂ​ഡ​ൽ​ഹി: ​ക​ർ​ഷ​വി​രു​ദ്ധ ന​യ​ങ്ങ​ളി​ൽ പ്ര​തി​ഷേ​ധി​ച്ച്​ ന​ട​ന്ന മാ​ർ​ച്ചി​നെ ഡ​ൽ​ഹി​യി​ൽ പ്ര​വേ​ശി​പ്പി​ക്കാ​ത്ത ന​ട​പ​ടി​യും പൊ​ലീ​സ്​ അ​തി​ക്ര​മ​വും വ്യാ​പ​ക പ്ര​തി​ഷേ​ധ​ത്തി​ന്​ ഇ​ട​യാ​ക്കി.
ക​ര്‍ഷ​ക​രെ ഡ​ല്‍ഹി​യി​ല്‍ പ്ര​വേ​ശി​ക്കാ​ന്‍ അ​നു​വ​ദി​ക്ക​ണ​മെ​ന്ന് മു​ഖ്യ​മ​ന്തി അ​ര​വി​ന്ദ് കെ​ജ്​​രി​വാ​ൾ കേ​ന്ദ്ര സ​ർ​ക്കാ​റി​നോ​ട്​ ആ​വ​ശ്യ​പ്പെ​ട്ടു. ത​ങ്ങ​ൾ ക​ർ​ഷ​ക​ർ​ക്കൊ​പ്പ​മാ​ണെ​ന്നും അ​ദ്ദേ​ഹം വ്യ​ക്ത​മാ​ക്കി.

സ​മാ​ധാ​ന​പ​ര​മാ​യി ഡ​ൽ​ഹി​യി​ലേ​ക്ക്​ വ​ന്ന ക​ര്‍ഷ​ക​രെ നേ​രി​ട്ടു​കൊ​ണ്ടാ​ണ് ബി.​ജെ.​പി ഗാ​ന്ധി​ജ​യ​ന്തി ദി​നാ​ച​ര​ണ​ത്തി​ന്​ തു​ട​ക്ക​മി​ട്ട​തെ​ന്ന്​ രാ​ഹു​ൽ ഗാ​ന്ധി കു​റ്റ​പ്പെ​ടു​ത്തി. ത​ങ്ങ​ള്‍ നേ​രി​ടു​ന്ന ദു​രി​ത​ത്തെ​പ്പ​റ്റി പ​രാ​തി പ​റ​യാ​ന്‍ രാ​ജ്യ​ത​ല​സ്ഥാ​ന​ത്തേ​ക്ക് വ​രാ​ന്‍പോ​ലും ക​ര്‍ഷ​ക​ര്‍ക്ക് അ​നു​വാ​ദ​മി​ല്ലേ​യെ​ന്നും അ​വ​ർ ഇ​നി ആ​കാ​ശം വ​ഴി​യ​ാ​ണോ വ​രേ​ണ്ട​തെ​ന്നും അ​ദ്ദേ​ഹം ചോ​ദി​ച്ചു.

മോ​ദി സ​ര്‍ക്കാ​ര്‍ തി​ക​ഞ്ഞ ക​ര്‍ഷ​ക വി​രു​ദ്ധ സ​മീ​പ​ന​മാ​ണ് വെ​ച്ചു പു​ല​ര്‍ത്തു​ന്ന​തെ​ന്ന് സി.​പി.​എം ജ​ന​റ​ല്‍ സെ​ക്ര​ട്ട​റി സീ​താ​റാം യെ​ച്ചൂ​രി ആ​രോ​പി​ച്ചു. ക​ര്‍ഷ​ക​ര്‍ക്ക് ആ​ശ്വാ​സം ന​ല്‍കു​ന്ന​തി​ന് പ​ക​രം അ​വ​രെ ക​ട​ക്കെ​ണി​യി​ലേ​ക്കും ആ​ത്മ​ഹ​ത്യ​യി​ലേ​ക്കും ത​ള്ളി​വി​ടു​ക​യാ​ണ്. സ്വാ​ത​ന്ത്ര്യാ​ന​ന്ത​ര ഇ​ന്ത്യ​യി​ല്‍ ഇ​ത്ര​യ​ധി​കം ക​ര്‍ഷ​ക ദു​രി​തം മു​മ്പ്​ ക​ണ്ടി​ട്ടി​ല്ല. മോ​ദി സ​ര്‍ക്കാ​ര്‍ ക​ര്‍ഷ​ക​ര്‍ക്ക് ന​ല്‍കി​യ വാ​ദ്ഗാ​ന​ങ്ങ​ളൊ​ന്നും ത​ന്നെ പാ​ലി​ച്ചി​ട്ടി​ല്ലെ​ന്നും ക​ര്‍ഷ​ക​രു​ടെ പ്ര​തി​ഷേ​ധം സ്വാ​ഭാ​വി​ക​മാ​ണെ​ന്നും മു​ന്‍ യു.​പി മു​ഖ്യ​മ​ന്ത്രി​യും സ​മാ​ജ് വാ​ദി പാ​ര്‍ട്ടി നേ​താ​വു​മാ​യി അ​ഖി​ലേ​ഷ് യാ​ദ​വ് പ​റ​ഞ്ഞു.