കെജ്രിവാളിനെ കളിയാക്കി അമരീന്ദറും സിദ്ദുവും 

ചണ്ഡിഗഢ്: ഡല്‍ഹി ആവര്‍ത്തിക്കുമെന്ന് അവകാശപ്പെട്ട് പഞ്ചാബിലത്തെിയ ആം ആദ്മി പാര്‍ട്ടി നേതാവ് അരവിന്ദ് കെജ്രാവാളിന് അമരീന്ദറിന്‍െറയും നവജ്യോത് സിദ്ദുവിന്‍െറയും പരിഹാസം. വേനലില്‍ അടിച്ചുവീശുകയും അതുപോലെ പോവുകയും ചെയ്ത കാറ്റിനെപ്പോലെയായിരുന്നു കെജ്രിവാളെന്ന് കോണ്‍ഗ്രസ് മുഖ്യമന്ത്രി സ്ഥാനാര്‍ഥിയായ ക്യാപ്റ്റന്‍ അമരീന്ദര്‍ സിങ് കളിയാക്കി. കോണ്‍ഗ്രസ് നേടിയ തിളങ്ങുന്ന വിജയത്തിന് ശേഷം മാധ്യമപ്രവര്‍ത്തകരോട് സംസാരിക്കുകയായിരുന്നു അദ്ദേഹം. ആപ് എന്ന കുമിള പൊട്ടിപ്പോയിരിക്കുന്നു.

പഞ്ചാബിലെ വോട്ടര്‍മാര്‍ അവരെ നിരാകരിച്ചുവെന്നും അദ്ദേഹം കൂട്ടിച്ചേര്‍ത്തു. കെജ്രിവാളിന്‍െറ ഉദ്ദേശ്യം തെറ്റായിരുന്നുവെന്നും എല്ലാം സ്വന്തമാക്കണമെന്നായിരുന്നു അദ്ദേഹത്തിന്‍െറ ആഗ്രഹമെന്നും സിദ്ദു പറഞ്ഞു. ആപ് നേതാക്കള്‍ സമൂഹ  മാധ്യമങ്ങളില്‍ തുടര്‍ച്ചയായി നല്‍കിയ ട്രോളുകളും പരാജയപ്പെട്ടുവെന്ന് അദ്ദേഹം പറഞ്ഞു.