കെജ്രിവാളി​െൻറ മാപ്പ് പറച്ചിൽ; പഞ്ചാബ്​ ആപ്​ അധ്യക്ഷൻ രാജിവെച്ചു

പഞ്ചാബ്​: ശിരോമണി അകാലിദൾ നേതാവ്​ ബിക്രം സിങ്​ മജീതിയയെ കുറിച്ചുള്ള പരാമർശത്തിൽ അരവിന്ദ്​ കെജ്​രിവാൾ മാപ്പ്​ പറഞ്ഞതിൽ പ്രതിഷേധിച്ച്​​ ആം ആദമി പഞ്ചാബ്​ ഘടകം അധ്യക്ഷനും എം.പിയുമായ ഭഗവത്​ മൻ ഉൾ​െപടെയുള്ള നേതാക്കൾ പാർട്ടി സ്​ഥാനം രാജിവെച്ചു. 

മജീദിയ മയക്കു​മരുന്ന്​ മാഫിയയുടെ ഭാഗമാണെന്ന്​ കെജ്​രിവാൾ നേരത്തെ ആരോപിച്ചിരുന്നു. പഞ്ചാബിലെ പാർട്ടിയുടെ പരിപാടികളിൽ അദ്ദേഹം ആരോപണം ആവർത്തിച്ചതോടെ മജീതിയ കെജ്​രിവാളിനെതിരെ മാനനഷ്​ട കേസ്​ നൽകി. ഇതോടെ നിയമ നടപടികളിൽ നിന്നും ഒഴിവാകാൻ കെജ്​രിവാൾ പരാമർശം പിൻവലിച്ച്​ മാപ്പ്​ പറയുകയായിരുന്നു. 

എന്നാൽ മജീതിയ മയക്കുമരുന്ന്​ ഏജൻറ്​ തന്നെയാണെന്നും ഇൗ മാപ്പ്​ പറച്ചിൽ അംഗീകരിക്കാനാവില്ലെന്നുമാണ്​ ആം ആദ്​മി പഞ്ചാബ്​ ഘടകത്തി​​​െൻറ നിലപാട്​. ഇക്കാര്യം വ്യക്​തമാക്കി ട്വിറ്ററിലൂടെയാണ്​ ഭഗവത്​ മൻ രാജി തീരുമാനം ​വെളിപ്പെടുത്തിയത്​. പഞ്ചാബ്​ കോൺഗ്രസ്​ നേതൃത്വവും കെജ്​രിവാളി​​​െൻറ നിലപാടിനെ എതിർത്ത്​ രംഗത്തുവന്നു. 

ഭഗവത് മന്നിന് പുറമെ സംസ്ഥാന ഉപാധ്യക്ഷന്‍ അമന്‍ അരോരയും പാര്‍ട്ടി സ്ഥാനം രാജിവച്ചു. എ.എ.പി രാജ്യസഭാ എം.പി സജ്ഞയ് സിംഗും കെജ്രിവാളിനെതിരെ രംഗത്തെത്തി. വിഷയം ചര്‍ച്ച ചെയ്യാനായി എ.എ.പി എം.എല്‍.എമാര്‍ ചണ്ഡീഗഡില്‍ യോഗം ചേര്‍ന്നു.