കെജ്​രിവാളിന്‍റെ വസതി ആക്രമണം: തേജസ്വി സൂര്യയെ ചോദ്യം ചെയ്തു

ന്യൂഡൽഹി: ഡൽഹി മുഖ്യമന്ത്രി അരവിന്ദ്​ കെജ്​രിവാളിന്‍റെ വസതി കഴിഞ്ഞ മാർച്ച്​ മാസത്തിൽ ആക്രമിച്ച കേസിൽ ബി.ജെ.പി യുവ എം.പി തേജസ്വി സൂര്യയെ ഡൽഹി പൊലീസ്​ ചോദ്യം ചെയ്തു.

'ക​ശ്മീർ ഫയൽസ്​' സിനിമക്കെതിരെ കെജ്​രിവാൾ നിയമസഭയിൽ നടത്തിയ പ്രസംഗത്തിനെതിരെ മുഖ്യമന്ത്രിയുടെ ഔദ്യോഗിക വസതിക്ക്​ മുന്നിൽ തേജസ്വിയുടെ നേതൃത്വത്തിൽ പ്രതിഷേധത്തിനെത്തിയ ബി.ജെ.പി പ്രവർത്തകർ പൊലീസ്​ വലയം ഭേദിച്ച്​ അതിക്രമിച്ച്​ വസതിയിൽ കയറി അക്രമം അഴിച്ചുവിടുകയായിരുന്നു.