ചെയർമാൻ സ്​ഥാനത്തേക്ക്​ തെരഞ്ഞെടുപ്പില്ല, സീനിയർ നേതാക്കൾ തീരുമാനിക്കും-പി.ജെ.ജോസഫ്​

തൊടുപുഴ: കേരള കോണ്‍ഗ്രസ് ചെയര്‍മാനെ നിശ്ചയിക്കുന്നതുമായി ബന്ധപ്പെട്ട്​ ഒരു വിഭാഗം കോടതിയിൽ പോയത്​ ദുരൂഹ മാണെന്ന്​ പാര്‍ട്ടി ചെയര്‍മാ​​െൻറ താല്‍ക്കാലിക ചുമതല ഏറ്റെടുത്ത പി.ജെ. ജോസഫ്. ചെയർമാൻ സ്​ഥാനത്തേക്ക്​ തെരഞ്ഞ െടുപ്പില്ല. മുതിർന്ന നേതാക്കൾ ആലോചിച്ച്​ തീരുമാനമെടുക്കുകയാവും ഉണ്ടാകുക. പാർട്ടി ബൈലോ യെക്കുറിച്ച്​ ​ ധാരണയില്ലാത്തവരാണ്​ ചെയർമാ​െന തീരുമാനിക്കുന്നതിനെതിരെ കോടതിയെ സമീപിച്ചത്​. ഇതിന്​ മുതിർന്ന പാര്‍ട്ടി പ്രവര്‍ത്തകനെതിരെ അന്വേഷണശേഷം നടപടിയുണ്ടാകുമെന്ന്​ അദ്ദേഹം പറഞ്ഞു.

പാർലമ​െൻററി പാർട്ടി യോഗമായിരിക്കും നിയമസഭകക്ഷി നേതാവിനെ തീരുമാനിക്കുക. ഇത്​ നിയമസഭ സമ്മേളനം ചേരും മുമ്പുണ്ടാകും. എം.എൽ.എമാർക്ക്​ പുറമെ ക്ഷണിതാക്കളായി ജോസ്​.കെ.മാണിയും ജോയ്​ എബ്രഹാമും പാർലമ​െൻററി പാർട്ടി യോഗത്തിൽ പ​ങ്കെടുക്കും. ഒരു കാരണവശാലും താൻ ഇരട്ടപ്പദവി വഹിക്കില്ല. ഏതെങ്കിലും ഒരു സ്ഥാനമേ ഒരാള്‍ക്കുണ്ടാകൂ. ചെയര്‍മാന്‍ തെരഞ്ഞെടുപ്പുമായി ബന്ധപ്പെട്ട് ചര്‍ച്ചകള്‍ നടന്നിട്ടില്ല. ​അനുസ്​മരണ സമ്മേളനത്തിൽ ചെയർമാൻ പദവി ചർച്ച ചെയ്യാൻ ഉദ്ദേശിച്ചിരുന്നില്ല.

െചയർമാനെ നിശ്ചയിക്കുമെന്ന്​ ചിലർ ഭയപ്പെട്ടതാണ്​. മുമ്പ് ഇരുവിഭാഗങ്ങള്‍ തമ്മിലുണ്ടായ ലയനശേഷം സീനിയറായ ആളെ പാര്‍ട്ടി ചെയര്‍മാനാക്കിയ ചരിത്രമുണ്ട്. പാർട്ടിയെ ഐക്യത്തോടെ കൊണ്ടുപോകുന്നതിനാണ്​ ശ്രമം. തർക്കങ്ങളി​ല്ലെന്നും എല്ലാം പാർട്ടി ബൈലോയും കീഴ്​വഴക്കങ്ങളും ധാരണകളുമനുസരിച്ച്​ പരിഹരിക്കുമെന്നും​ ജോസഫ്​ വ്യക്​തമാക്കി.​