'നിങ്ങളും അമ്മമാര​ല്ലേ, മക്കളോട്​ സത്യം തുറന്നുപറയാൻ ആവശ്യപ്പെടൂ...'ന്യൂ ഇയർ പാർട്ടിക്കിടെ കൊല്ലപ്പെട്ട 19കാരിയുടെ അമ്മ കേണപേക്ഷിക്ക​ുന്നു

മുംബൈ: 'തങ്ങളുടെ മക്കളോട്​ സത്യം തുറന്നുപറയാൻ ആവശ്യപ്പെടണമെന്ന്​ എല്ലാ മാതാപിതാക്കളോടും ഞാൻ അ​േപക്ഷിക്കുകയാണ്​. എനിക്ക്​ സ്വന്തം മകളെയാണ്​ നഷ്​ടപ്പെട്ടിരിക്കുന്നത്​. ഞാൻ കടന്നുപോകുന്ന വേദനയുടെ ആഴം നിങ്ങൾക്ക്​ മനസ്സിലായിക്കൊള്ളണമെന്നില്ല. ആരുടെ സമ്മർദങ്ങളും ഫലം കാണില്ലെന്ന്​ ഉറപ്പുവരുത്തണമെന്ന്​ മുംബൈ പൊലീസിനോടും ഞാൻ കേണപേക്ഷിക്ക​ുന്നു' -ഖാർ പൊലീസ്​ സ്​റ്റേഷനുമുന്നിൽനിന്ന്​ നിദ്ദി കുക്​റാജെയെന്ന ആ അമ്മ നെഞ്ചുപൊട്ടി കരയുന്നത്​ സ്വന്തം മകളെ ക്രൂരമായി കൊലപ്പെടുത്തിയവരെ നിയമത്തിനുമുന്നിൽ കൊണ്ടുവരണമെന്ന അപേക്ഷയുമായാണ്​. ന്യൂ ഇയർ പാർട്ടിക്കിടെ ഉറ്റസുഹൃത്തുക്കൾ കൊലപ്പെടുത്തിയ 19കാരി ജാൻവി കുക്​റേജയുടെ അമ്മയാണ്​ നിദ്ദി. അറസ്റ്റിലായ പ്രതികളും പാർട്ടിയിൽ പ​ങ്കെടുത്ത മറ്റു കൂട്ടുകാരും സത്യം തുറന്നുപറയാതെ ഉരുണ്ടു കളിക്കു​േമ്പാഴാണ്​ ആ മാതാവ്​ നെഞ്ചുപൊള്ളിക്കുന്ന അപേക്ഷയുമായി രംഗത്തുവന്നത്​.

ആരും സത്യം തുറന്നുപറയാൻ തയാറാവാത്ത സാഹചര്യത്തിൽ കേസിൽ നുണപരിശോധന നടത്താൻ ഒരുങ്ങുകയാണ്​ മുംബൈ പൊലീസ്​. കേസിൽ ​അ​േന്വഷണം ത്വരിതപ്പെടുത്തി കുറ്റക്കാരെ മുഴുവൻ അറസ്​റ്റ്​ ചെയ്യണമെന്ന്​ ആവശ്യപ്പെട്ട്​ ജാൻവിയുടെ മാതാപിതാക്കൾ ചൊവ്വാഴ്ച മുംബൈ പൊലീസ്​ കമീഷണർ പരം ബീർ സിങ്ങിനെ സന്ദർശിച്ചു. ജാൻവിയുടെ അടുത്ത സുഹൃത്തുക്കളായ ദിയ പദാൽകർ (19), ശ്രീ ജോധാങ്കർ (24) എന്നിവരെയാണ്​ കേസിൽ അറസ്റ്റ്​ ചെയ്​തത്​. എന്നാൽ, ഇരുവരും കുറ്റം സമ്മതിക്കാൻ തയാറായിട്ടില്ല. പുതുവത്സരാഘോഷം നടന്ന രാത്രി തങ്ങൾ അമിതമായി മദ്യപിച്ചിരുന്നുവെന്നും അന്ന്​ നടന്നതെന്താണെന്ന്​ ഇപ്പോൾ ഓർമയില്ലെന്നുമാണ്​ ഇരുവരും പൊലീസിനോട്​ ആവർത്തിക്കുന്നത്​. അന്ന്​ പാർട്ടിയിൽ 12 പേരടങ്ങിയ സുഹൃദ്​ സംഘമാണ്​ ജാൻവി​െക്കാപ്പം പുതുവത്സരാഘോഷത്തിനായി ഭഗവൻതി ഹൈറ്റ്​സിലെത്തിയിരുന്നത്​. എല്ലാവരെയും ചോദ്യം ചെയ്​തെങ്കിലും അമിത മദ്യപാനം കാരണം ഒന്നും ഓർമയില്ലെന്നാണ്​ അവരുടെയും മറുപടി.

നുണപരിശോധന നടത്താനൊരുങ്ങി പൊലീസ്​

പുതുവർഷ​ത്തലേന്ന്​ രാത്രി​ 7.30ന്​ ഖാറിലെ 14ാംറോഡിലുള്ള ഭഗ്​വൻതി ഹൈറ്റ്​സ്​ എന്ന ഫ്ലാറ്റിലെ ടെറസിൽ പാർട്ടിക്ക്​ തുടക്കമായപ്പോൾ ജാൻവി കൂട്ടുകാർക്കൊപ്പം അവി​െടയുണ്ടായിരുന്നു. എന്നാൽ, പിതാവിന്‍റെ ബർത്ത്​​േഡ ആഘോഷത്തിനായി 8.15ന്​ ദിയക്കൊപ്പം ജാൻവി സാന്താക്രൂസിലെ വീട്ടിലെത്തി. ശേഷം ന്യൂഇയർ​ പാർട്ടിക്ക്​ തിരിച്ചുപോകാൻ മകൾക്ക് ഒട്ടും താൽപര്യമുണ്ടായിരുന്നി​െല്ലന്നും ദിയ നിർബന്ധിച്ചിട്ടാണ്​ അവൾ പോയതെന്നും നിദ്ദി പറഞ്ഞു. 'ദിയ അവളെ ഒരുപാട്​ നിർബന്ധിച്ചു. അവളെ പാർട്ടിക്ക്​ വിടണമെന്ന്​ എന്നോട്​ അപേക്ഷിക്കുകയും ചെയ്​തു. എന്നെ ആലിംഗനം ചെയ്​താണ്​ ജാൻവി പോയത്​. ഉടൻ മടങ്ങിവരാം എന്നുപറഞ്ഞാണ്​ അവൾ ദിയക്കൊപ്പം തിരിച്ചത്​.' -നിദ്ദി പറഞ്ഞു.

ന്യൂഇയർ പാർട്ടിക്കിടെ ദിയയും ജോധാങ്കറും ആരും കാണാതെ പുറത്തേക്ക്​ പോയത്​ ജാൻവിയുടെ ശ്രദ്ധയിൽപെട്ടുവെന്നും അത്​ ചോദ്യം ചെയ്​ത ജാൻവിയെ ഇരുവരും ആക്രമിക്കുകയായിരുന്നുവെന്നും പൊലീസ്​ പറഞ്ഞിരുന്നു. ഈ ആക്രമണത്തെ തുടർന്ന്​ ജാൻവി മരിച്ചുവെന്നാണ്​ പ്രാഥമിക നിഗനം. തുടർന്ന്​​ കൊലപാതകക്കുറ്റം ചുമത്തി ദിയയേയും ജോധാങ്കറെയും അറസ്റ്റ്​ ചെയ്​തു. എന്നാൽ, ഇരുവരും കുറ്റം സമ്മതിക്കാൻ കൂട്ടാക്കാത്തത്​ പൊലീസിനെ കുഴക്കുകയാണ്​. ഇതോടെയാണ്​ നുണപരിശോധന നടത്താൻ പൊലീസ്​ ഒരുങ്ങുന്നത്​.

'യാഷ്​ അഹൂജയുടെ പങ്കും അന്വേഷിക്കണം'

ഭഗവൻതി ഹൈറ്റ്​സിൽ പാർട്ടി സംഘടിപ്പിച്ച യാഷ്​ അഹൂജ എന്നയാളാണ്​ ഖാർ പൊലീസ്​ സ്​റ്റേഷനിലെത്തി ജാൻവി മർദനമേറ്റ്​ കിടക്കുന്ന വിവരം പറയുന്നത്​. പുലർച്ചെ മൂന്നുമണി​േയാടെ പൊലീസ്​ എത്തു​േമ്പാൾ ഫ്ലാറ്റിന്‍റെ രണ്ടാം നിലയിലെ സ്​റ്റെയർകേസിനോട്​ ​േചർന്ന്​ രക്​തത്തിൽ കുളിച്ച നിലയിലായിരുന്നു ജാൻവി. പൊലീസ്​ എത്തി ബാന്ദ്രയിലെ ഭാഭ ആശുപത്രിയിലെത്തിച്ചെങ്കിലും അതിനുമു​േമ്പ ജാൻവി മരണത്തിന്​ കീഴടങ്ങിയിരുന്നു.

മരണത്തിൽ യാഷ്​ അഹൂജയുടെ പങ്കും അന്വേഷണ വിധേയമാക്കണമെന്ന്​ ജാൻവിയുടെ കുടുംബം ആവശ്യമുന്നയിക്കുന്നു. 'ഭഗവൻതി ഹൈറ്റ്​സ്​ സന്ദർശിച്ചപ്പോൾ എല്ലായിടത്തും ചോരപ്പാടുകൾ ഞാൻ കണ്ടിരുന്നു. രണ്ടാം നിലയിലെ സ്​റ്റെയർ കേസിനോട്​ ചേർന്ന്​ വാതിലൊന്നുമില്ല. എന്‍റെ മകളെ കൊന്നിട്ട്​ ആരും കണ്ടില്ലെന്ന്​ പറഞ്ഞാൽ അത്​ വിശ്വസിക്കാനാവില്ല. കോണിപ്പടിയിലൂടെ അവളുടെ മുടിയിൽപിടിച്ച്​ വലിച്ചിഴക്കു​േമ്പാൾ അവി​െടയുള്ള എല്ലാവരും ഉറങ്ങുകയായിരുന്നോ? ഇതെങ്ങനെയാണ്​ പൊലീസിന്​ വിശ്വസിക്കാനാവുന്നത്​? എന്തുകൊണ്ടാണവർ യാഷ്​ അഹൂജയുടെ പങ്ക്​ അന്വേഷിക്കാത്തത്​? പാർട്ടി സംഘടിപ്പിച്ചയാളെന്ന നിലക്ക്​ എല്ലാവരുടെയും സുരക്ഷ അയാളുടെ ഉത്തരവാദിത്വമായിരുന്നില്ലേ?' -ജാൻവിയുടെ മാതാവ്​ ചോദിക്കുന്നു. അന്ന്​ പാർട്ടിയിൽ പ​ങ്കെടുത്തവരൊക്കെ സമ്മർദങ്ങൾക്ക്​ വഴങ്ങി സത്യം പുറത്തുപറയാൻ മടിക്കുകയാണെന്നും കുടുംബം ആ​േരാപിച്ചു.

കെട്ടിടത്തിലെ വാച്ച്​മാനും ആരെയോ പേടിച്ച്​ സത്യം പറയാതിരിക്കുകയാണെന്നും അവർ പറഞ്ഞു. നൈറ്റ്​ഡ്യൂട്ടിയായിട്ടും 11.30ന്​ കിടന്നുറങ്ങിയെന്നും താൻ ഒന്നും കണ്ടിട്ടും കേട്ടിട്ടു​ം ഇല്ലെന്നുമായിരുന്നു അയാൾ പൊലീസിനോട്​ പറഞ്ഞത്​. അഹൂജ കുടുംബത്തിന്‍റെ സമ്മർദത്തിന്​ വഴങ്ങിയാണ്​ വാച്ച്​മാൻ ഒന്നും വെളിപ്പെടുത്താൻ തയാറാവാത്തതെന്നും ജാൻവിയുടെ കുടുംബം ആരോപിച്ചു.

ജാൻവിയുടെ പിതാവിനോട്​ സോറി പറഞ്ഞ്​ പ്രതി

ജനുവരി രണ്ടിന്​ വൈദ്യപരിശോധനക്ക്​ കൊണ്ടുപോകു​േമ്പാൾ പ്രതി ശ്രീ ജാധേങ്കർ ത​േന്നാട്​ 'സോറി' പറഞ്ഞതായി ജാൻവിയുടെ പിതാവ്​ ഒരു പത്രത്തോട്​ വെളിപ്പെടുത്തി. 'ഭഗവൻതി ഹൈറ്റ്​സിൽനിന്ന്​ പോയശേഷം ശ്രീ പോയത്​ സുഹൃത്തിന്‍റെ അടു​േത്തക്കാണ്​. തുടർന്ന്​ സിയോൺ ഹോസ്​പിറ്റലിൽ ചികിത്സ​ തേടി. വാരിയെല്ലിന്​ പൊട്ടലുണ്ടെന്ന്​ പറഞ്ഞ്​ ഇപ്പോൾ കുപ്പർ ഹോസ്​പിറ്റലിൽ ചികിത്സയിലും. അന്വേഷണം വൈകിപ്പിക്കാനാണിതൊക്കെ.' -അദ്ദേഹം പറഞ്ഞു. ജാൻവി, ശ്രീ, ദിയ എന്നിവർക്കിടയിൽ ത്രികോണ പ്രണയത്തിന്‍റെ കഥകളും കുടുംബം പുച്​ഛിച്ചുതള്ളി. 'എന്‍റെ മകൾക്കു​ം ജോധാങ്കറിനുമിടയിൽ ഒന്നുമില്ല. ദിയയും അവനും തമ്മിലായിരുന്നു അടുപ്പം' -ജാൻവിയുടെ പിതാവ്​ പറഞ്ഞു.