ഖുശ്ബു കോൺഗ്രസിൽ നിന്നും രാജിവെച്ചു

ചെന്നൈ: അഭ്യൂഹങ്ങൾക്ക് വിരാമമിട്ട് നടി ഖുശ്ബു കോൺഗ്രസ് പാർട്ടി വിട്ടു. പാർട്ടി അധ്യക്ഷ സോണിയ ഗാന്ധിക്കാണ് രാജിക്കത്ത് നൽകിയത്. ഖുശ്ബുവിനെ എ.ഐ.സി.സി വക്താവ് സ്ഥാനത്ത് നിന്ന് നടി ഒഴിവാക്കിയിരുന്നു. ഇതിന് പിന്നാലെയാണ് നടി രാജി പ്രഖ്യാപിച്ചത്.

ബി.ജെ.പിയില്‍ ചേരുന്നതിനായാണ് പാർട്ടി വിടുന്നതെന്ന് ദേശീയ മാധ്യമത്തോട് ഖുശ്ബു പറഞ്ഞു.

അതേസമയം, ബി.ജെ.പി ദേശീയ നേതാക്കളെ കാണുന്നതിനായി ഖുശ്ബു ഡൽഹിയിൽ എത്തി. ഇന്ന് രാവിലെ ബി.ജെ.പി ദേശീയ അധ്യക്ഷന്‍റെയും ആഭ്യന്തര മന്ത്രി അമിത് ഷായുടേയും സാന്നിധ്യത്തിൽ ആയിരിക്കും പ്രഖ്യാപനമെന്നാണ് കരുതുന്നത്.