'അലോപ്പതി മണ്ടത്തരം, മരുന്ന്​ കഴിച്ച്​ മരിച്ചത്​ ലക്ഷക്കണക്കിന് കോവിഡ്​ രോഗികൾ​' -ബാബാ രാംദേവ്​; തുറങ്കിലടക്കണമെന്ന്​ ഐ.എം.എ

ന്യൂഡൽഹി: അലോപ്പതിക്കെതിരെ രൂക്ഷമായ ആരോപണവുമായി യോഗഗുരു ബാബാ രാം​േ​ദേവ്​ രംഗത്ത്​. അലോപ്പതി മണ്ടൻ ശാസ്​ത്രമാണെന്നും ലക്ഷക്കണക്കിന്​ കോവിഡ്​ രോഗികൾ മരിച്ചുവീണത്​ അലോപ്പതി മരുന്ന്​ കഴിച്ചിട്ടാ​ണെന്നും രാംദേവ്​ ആരോപിച്ചു. ഇതിനെതിരെ കടുത്ത നിലപാടമായി ടഡോക്​ടർമാരുടെ സംഘടനയായ ​െഎ.എം.എ രംഗത്തെത്തി. അടിസ്​ഥാന രഹിതമായ ആരോപണമുന്നയിച്ച്​ പൊതുജനങ്ങളെ ചികിത്സയിൽനിന്ന്​ അകറ്റുന്ന രാംദേവിനെ പിടിച്ച്​ തുറങ്കിലടക്കണമെന്ന്​ ഐ.എം.എ ആവശ്യപ്പെട്ടു.

പതഞ്​ജലി സംഘടിപ്പിച്ച കോവിഡ്​ ബോധവത്​കരണ ചടങ്ങിൽ രാംേ​ദവ്​ സംസാരിക്കുന്ന വിഡിയോ ആണ്​ ഇപ്പോൾ വൈറലായത്​. "അലോപ്പതി ഒരു മണ്ടൻ, മുടന്തൻ ശാസ്ത്രമാണ്. ആദ്യം, ഹൈഡ്രോക്സി ക്ലോറോക്വിൻ പരാജയപ്പെട്ടു. പി​ന്നെ റെംഡെസിവിർ, ഐവർമെക്റ്റിൻ, പ്ലാസ്മ തെറാപ്പി എന്നിവയും പരാജയപ്പെട്ടു. ഫാബിഫ്ലു, സ്റ്റിറോയിഡുകൾ എന്നിവയുൾപ്പെടെയുള്ള മറ്റ് ആൻറിബയോട്ടിക്കുകളും പരാജയപ്പെട്ടു. ഓക്സിജന്‍റെ അഭാവം കാരണമല്ല, അലോപ്പതി മരുന്നുകൾ മൂലമാണ് ലക്ഷക്കണക്കിന് കോവിഡ്​ രോഗികൾ മരിച്ചത്​" -ബാബാ രാംദേവ് പറഞ്ഞു.

ഇതിനെതിരെ രാജ്യത്തിന്‍റെ വിവധ കോണുകളിൽനിന്ന്​ കടുത്ത പ്രതിഷേധമാണ്​ ഉയരുന്നത്​. രാംദേവിന്‍റെ അടിസ്ഥാനരഹിതമായ പ്രസ്താവനക്കെതിരെ കേന്ദ്ര ആരോഗ്യ മന്ത്രാലയം നടപടി സ്വീകരിച്ചില്ലെങ്കിൽ കോടതിയെ സമീപിക്കുമെന്ന് ഐഎംഎ മുന്നറിയിപ്പ്​ നൽകി. "രാംദവിന്‍റെ ആരോപണം കേന്ദ്ര ആരോഗ്യമന്ത്രി മുഖവിലക്കെടുക്കുന്നുണ്ടെങ്കിൽ രാജ്യത്തെ അലോപ്പതി സംവിധാനം പിരിച്ചുവിടണം. അല്ലെങ്കിൽ രാംദവിനെതിരെ പകർച്ചവ്യാധി നിയമപ്രകാരം കേസെടുക്കുകയും തുറങ്കിലടക്കുകയും ചെയ്യണം" -ഐ.എം.എ ആവശ്യപ്പെട്ടു.

രാജ്യത്തെ ഡ്രഗ് കൺട്രോളർ ജനറലിന്‍റെയും കേന്ദ്ര ആരോഗ്യ മന്ത്രാലയത്തിന്‍റെയും നിലനിൽപിനെ തന്നെയാണ്​ രാംദേവ്​ ചോദ്യം ചെയ്യുന്നത്​. ചികിത്സാസംവിധാനത്തിനെതിരെയുള്ള അയാളുടെ ആരോപണം ജനങ്ങളെ ചികിത്സയിൽനിന്ന്​ പിന്തിരിപ്പിക്കുകയും അതുവഴി നിരവധി പേരുടെ ജീവൻ അപകടത്തിലാക്കുകയും ​െചയ്യും. ഈ സാഹചര്യം കണക്കിലെടുത്ത്​ രാംദേവിനെ പകർച്ച വ്യാധി നിയമപ്രകാരം ശിക്ഷിക്കണം -ഐ‌എം‌എ പ്രസ്താവനയിൽ പറഞ്ഞു.

പതഞ്​ജലി മരുന്നുകമ്പനിയുടെ ഉടമയും ​കോർപ്പറേറ്റ് ഭീമനുമായ രാംദേവ്​ പൊതുജനങ്ങളെ തെറ്റിദ്ധരിപ്പിച്ച്​ തന്‍റെ ഉൽ‌പ്പന്നങ്ങൾ വിറ്റഴിക്കാനാണ്​ ശ്രമിക്കുന്നത്​. പൊതുജനങ്ങളിൽ ഭയവും നിരാശയും സൃഷ്ടിച്ച്​ അംഗീകാരമില്ലാത്ത തന്‍റെ മരുന്നുകൾ വിറ്റ്​ ചുളുവിൽ പണം സമ്പാദിക്കാനുമാണ്​ അയാളുടെ ശ്രമം -ഐ‌എം‌എ ആരോപിച്ചു.

അതേസമയം, രോഗബാധിതനായപ്പോൾ നിരവധി തവണ മികച്ച ആശുപത്രികളിൽ പ്രവേശിച്ച്​ ചികിത്സതേടിയ രാംദവ്​ ഇപ്പോൾ ഡോക്ടർമാരെ ചീത്ത വിളിക്കുകയും മെഡിക്കൽ സയൻസിനെ പരിഹസിക്കുകയും ചെയ്യുകയാണെന്ന്​ യൂത്ത്​ കോൺഗസ്​ വാക്​താവ്​ ശ്രീവത്സ ആരോപിച്ചു. മോദിയുടെ അനുഗ്രഹാശിസ്സുകളാണ്​ ഇത്തരക്കാ​െ​ര ശക്തിപ്പെടുത്തുന്നത്​. ഈ തട്ടിപ്പ് ബാബയെ പകർച്ചവ്യാധി നിയമപ്രകാരം അറസ്റ്റ് ചെയ്യണം -അദ്ദേഹം ആവശ്യപ്പെട്ടു.