രാ​ജ്യ​ദ്രോ​ഹ​ക്കു​റ്റം: ആ​യി​ഷ സു​ൽ​ത്താ​ന ചോദ്യം ചെയ്യലിന് രണ്ടാമതും ഹാജരായി

കൊച്ചി: ലക്ഷദ്വീപുമായി ബന്ധപ്പെട്ട ചാ​ന​ൽ ച​ർ​ച്ച​യി​ലെ പ​രാ​മ​ർ​ശ​ത്തിന്‍റെ പേ​രി​ൽ രാ​ജ്യ​ദ്രോ​ഹ​ക്കു​റ്റ​ത്തി​ന് കേ​സെ​ടു​ത്ത സി​നി​മ​ പ്ര​വ​ർ​ത്ത​ക ആ​യി​ഷ സു​ൽ​ത്താ​ന ചോദ്യം ചെയ്യലിന് രണ്ടാമതും ഹാജരായി. രാവിലെ പത്തരയോടെ ലക്ഷദ്വീപ് എസ്.പി ഒാഫീസിലാണ് ചോദ്യം ചെയ്യലിന് ഹാജരായത്.

കഴിഞ്ഞ ദിവസം ആ​യി​ഷ സു​ൽ​ത്താ​നയെ മൂന്ന്​ മണിക്കൂർ ചോദ്യം ചെയ്ത ശേഷം ലക്ഷദ്വീപ് പൊലീസ് വിട്ടയിച്ചിരുന്നു. കൂടാതെ, നാല് ദിവസം കൂടി ലക്ഷദ്വീപിൽ തുടരണമെന്ന് ആയിഷയോട് അന്വേഷണ ഉദ്യോഗസ്ഥരോട് ആവശ്യപ്പെട്ടിരുന്നു. അ​ഭി​ഭാ​ഷ​ക​നും സഹോദരനുമൊപ്പം കഴിഞ്ഞ ശ​നി​യാ​ഴ്ചയാണ് ആ​യി​ഷ ക​വ​ര​ത്തി​യി​ലെ​ത്തി​യ​ത്.

ല​ക്ഷ​ദ്വീ​പ് അ​ഡ്മി​നി​സ്ട്രേ​റ്റ​റു​ടെ വി​വാ​ദ ന​യ​ങ്ങ​ളു​മാ​യി ബ​ന്ധ​പ്പെ​ട്ട ഈ മാസം ഏഴിന് മീഡിയവൺ ചാ​ന​ൽ ച​ർ​ച്ച​യി​ൽ 'ബ​യോ​വെ​പ​ൺ' എ​ന്ന പ​രാ​മ​ർ​ശം ന​ട​ത്തി​യെ​ന്ന​തിന്‍റെ പേ​രി​ലാ​ണ് ആ​യി​ഷ സു​ൽ​ത്താ​നക്കെതിരെ രാ​ജ്യ​ദ്രോ​ഹ​ക്കു​റ്റ​ത്തി​ന് കേസെ​ടു​ത്ത​ത്. ബി.ജെ.പി ലക്ഷദ്വീപ് ഘടകം പ്രസിഡന്‍റ് സി. അബ്​ദുൽ ഖാദർ ഹാജിയുടെ പരാതിയിലായിരുന്നു ക​വ​ര​ത്തി പൊ​ലീ​സിന്‍റെ നടപടി.

എന്തുകൊണ്ടാണ് ബയോ വെപൺ എന്ന വാക്ക് ഉപയോഗിച്ചത്, അത് പറയാനുണ്ടായ സാഹചര്യമെന്തായിരുന്നു, കേന്ദ്രത്തെയാണോ അഡ്മിനിസ്ട്രേറ്ററെയാണോ ബയോവെപൺ എന്ന് ഉദ്ദേശിച്ചത് എന്നീ ചോദ്യങ്ങൾ ആവർത്തിച്ച് ചോദിച്ചതായും ആയിഷ പറഞ്ഞിരുന്നു. ബയോവെപൺ എന്നുപറഞ്ഞത് പ്രതീകാത്മകമാണെന്നും അഡ്മിനിസ്ട്രേറ്ററെയാണ് ഉദ്ദേശിച്ചതെന്നുമുള്ള വിശദീകരണം ആയിഷ പൊലീസിനോടും ആവർത്തിച്ചു. രാജ്യത്തെയല്ല ഉദ്ദേശിച്ചത്, സാഹചര്യത്തിന്‍റെ അടിസ്ഥാനത്തിൽ നടത്തിയ വിമർശനമായിരുന്നു അതെന്നും ആയിഷ പറഞ്ഞു.

കേസിൽ ആയിഷയെ അറസ്റ്റ് ചെയ്താൽ ഇ​ട​ക്കാ​ല ജാ​മ്യം അ​നു​വ​ദി​ക്ക​ണ​മെ​ന്ന ഹൈ​കോ​ട​തി ഉത്തരവിട്ടിട്ടുണ്ട്.