ലാലു പ്രസാദ് ആശുപത്രി വിട്ടു

മുംബൈ: പ്ര​മേ​ഹം, ര​ക്​​ത​സ​മ്മ​ർ​ദം, വൃ​ക്ക ത​ക​രാ​റു​ക​ൾ എ​ന്നീ രോഗങ്ങൾ​ക്ക്​ ചി​കി​ത്സ​യി​ലായിരുന്ന രാഷ്ട്രീയ ജനതാദൾ (ആർ.ജെ.ഡി) അധ്യക്ഷൻ ലാലു പ്രസാദ് യാദവ് ആശുപത്രി വിട്ടു. രോഗത്തിന് ചികിത്സ ആവശ്യമായ സാഹചര്യത്തിൽ തിങ്കളാഴ്ചയാണ് ലാലുവിനെ മുംബൈ ഏഷ്യൻ ഹാർട്ട് ഇൻസ്റ്റിറ്റ്യൂട്ടിൽ പ്രവേശിപ്പിച്ചത്. 

നേരത്തെ, റാഞ്ചിയിലെ രാജേന്ദ്ര ഇൻസ്റ്റിറ്റ്യൂട്ട് ഒാഫ് മെഡിക്കൽ സയൻസിലെ ചികിത്സയിലായിരുന്നു അദ്ദേഹം. ആ​രോ​ഗ്യ പ്ര​ശ്​​നം ക​ണ​ക്കി​ലെ​ടു​ത്ത്​​ ലാലുവിന് ചി​കി​ത്സ​ക്കായി​ ആ​റാ​ഴ്​​ച​ത്തെ താ​ൽ​കാ​ലി​ക ജാ​മ്യം അനുവദിക്കാൻ ഝാ​ർ​ഖ​ണ്ഡ്​ ഹൈ​കോ​ട​തി ഉത്തരവിട്ടിരുന്നു. 

കാ​ല​ത്തീ​റ്റ കും​ഭ​കോ​ണ ​കേ​സി​ൽ ശി​ക്ഷ അ​നു​ഭ​വി​ക്കു​ന്ന ലാ​ലു​ പ്ര​സാ​ദി​​ന്‍റെ താ​ൽ​ക്കാ​ലി​ക ജാ​മ്യം നീ​ട്ട​ണ​മെ​ന്ന അ​പേ​ക്ഷ ​ഝാ​ർ​ഖ​ണ്ഡ്​​ ഹൈ​കോ​ട​തി കഴിഞ്ഞ ദിവസം ത​ള്ളിയിരുന്നു. നി​ല​വി​ൽ താ​ൽ​കാ​ലി​ക ജാ​മ്യ​ത്തി​ൽ പു​റ​ത്തി​റ​ങ്ങി​യ ലാ​ലു​വി​നോ​ട്​ ഈ ​മാ​സം 30ന്​ ​മു​മ്പാ​യി സി.​ബി.​െ​എ കോ​ട​തി മു​മ്പാ​കെ കീ​ഴ​ട​ങ്ങാ​നും കോടതി ആ​വ​ശ്യ​പ്പെ​ട്ടു. 

​െഎ.​ആ​ർ.​സി.​ടി.​സി ഹോ​ട്ട​ൽ അ​നു​വ​ദി​ച്ച​തു​മാ​യി ബ​ന്ധ​പ്പെ​ട്ട അ​ഴി​മ​തി​ക്കേ​സി​ൽ ലാ​ലു​പ്ര​സാ​ദിനും ഭാ​ര്യ റാ​ബ്​​റി ദേ​വി​ക്കും മ​ക​ൻ തേ​ജ​സ്വി യാ​ദ​വി​നും എ​തി​രെ എ​ൻ​ഫോ​ഴ്​​സ്​​മെന്‍റ്​ ഡ​യ​റ​ക്​​ട​റേ​റ്റ്​ ആ​ദ്യ കു​റ്റ​പ​ത്രം വെള്ളിയാഴ്ച സ​മ​ർ​പ്പി​ച്ചിരുന്നു. ഇ​വ​ർ​ക്കു പു​റ​മെ ആ​ർ.​ജെ.​ഡി നേ​താ​വും മു​ൻ കേ​ന്ദ്ര​മ​ന്ത്രി​യു​മാ​യ പി.​സി. ഗുപ്​​ത, ഭാ​ര്യ സ​ര​ള ഗു​പ്​​ത എ​ന്നി​വ​ർ അ​ട​ക്കം പ​ത്തി​ലേ​റെ പേ​ർ​ക്കെ​തി​രെ​യും പ്ര​ത്യേ​ക കോ​ട​തി​യി​ൽ ക​ള്ള​പ്പ​ണ നി​രോ​ധ​ന നി​യ​മ​പ്ര​കാ​രം കു​റ്റ​പ​ത്രം സ​മ​ർ​പ്പി​ച്ചി​ട്ടു​ണ്ട്.